ಹರಿದ್ವಾರ: ಈ ರೀಲ್ಸ್ ಕ್ರೇಜ್ ನಿಂದ ಸಂಭವಿಸುವ ಅವಘಡಗಳು, ಅವಾಂತರಗಳು ಒಂದೆರೆಡಲ್ಲ. ಹರಿದ್ವಾರದ ಮಾನಸಾ ದೇವಿ ಹಿಲ್ಸ್‌ನಲ್ಲಿ ಯುವತಿಯೊಬ್ಬಳು ರೀಲ್ಸ್ ಮಾಡಲು ಹೋಗಿ, ಆಯ ತಪ್ಪಿ ಸುಮಾರು 200 ಅಡಿ ಆಳದ ಕಂದಕಕ್ಕೆ ಬಿದ್ದ ಘಟನೆ ನಡೆದಿದೆ.
ಮೊಬೈಲ್ನಲ್ಲಿ ರೀಲ್ಸ್ ರೆಕಾರ್ಡ್ ಮಾಡುವಾಗ ಈ ಯುವತಿ 200 ಅಡಿ ಆಳವಾದ ಕಂದಕಕ್ಕೆ ಬಿದ್ದಿದ್ದಾಳೆ.
ತಕ್ಷಣವೇ ಸ್ಥಳದಲ್ಲಿದ್ದ ಪ್ರವಾಸಿಗರು ಆಕೆಯನ್ನು ಆಯಂಬುಲೆನ್ಸ್ನಲ್ಲಿ ರವಾನಿಸಿದ್ದು,ಸದ್ಯ ಗಂಭೀರ ಸ್ಥಿತಿಯಲ್ಲಿದ್ದ ಆಕೆಯನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ.
ರೀಲ್ಸ್ ಹುಚ್ಚಾಟದಿಂದ ಈ ರೀತಿಯ ಹಲವು ಅವಘಡಗಳು ಘಟಿಸಿದ್ದರೂ, ಕೆಲ ಜನರು ಮಾತ್ರ ಇದ್ರಿಂದ ಬುದ್ಧಿ ಕಲಿಯುತ್ತಿಲ್ಲ. ಈ ಘಟನೆ ಎಲ್ಲೆಂದರಲ್ಲಿ ರೀಲ್ಸ್ ಮಾಡುವ ಅಪಾಯಗಳ ಬಗ್ಗೆ ಮತ್ತೊಂದು ಎಚ್ಚರಿಕೆ ಮೂಡಿಸುತ್ತದೆ.
ಈ ಘಟನೆಯಲ್ಲಿ ಗಾಯಗೊಂಡ ಯುವತಿಯನ್ನು ಮುಜಾಫರ್‌ನಗರ 28 ವರ್ಷದ ರೇಶು ಎಂದು ಗುರುತಿಸಲಾಗಿದ್ದು, ಪೂಜ್ಯ ಮಾನಸಾ ದೇವಿ ದೇವಸ್ಥಾನಕ್ಕೆ ಎಂದು ಕುಟುಂಬದೊಂದಿಗೆ ಹರಿದ್ವಾರಕ್ಕೆ ಬಂದಿದ್ದಳು ಎಂದು ತಿಳಿದು ಬಂದಿದೆ.
