spot_img
22.6 C
Udupi
Monday, January 30, 2023
spot_img
spot_img
spot_img

ಅಪ್ಪೆ ಬಾಸೆ ಪೊರ್0ಬಾಟ ಕೂಟ, ತುಲುನಾಡ್ : ಅಪ್ಪೆ ಬಾಸೆ ಮಾನಾದಿಗೆಗ್ ಪ್ರತಿಭಟನೆ

ಕುಡ್ಲ : ಸಮಸ್ತ ತುಲು ಬಂಧುಲೇ ನಮ್ಮ ಅಪ್ಪೆ ಬಾಸೆ ತುಲುಕ್ ತಿಕ್ಕೊಡಾಯಿನ ಮಾನಾದಿಗೆ, ತುಲುನಾಡ್ ಡ್ ತುಲು ಬಾಸೆ ಬುರ್ದು ನನೊಂಜಿ ಬಾಸೆರ್ದ್ ತುಲುತ ತೊರ್ಪಾಟ ಬಗೆಟ್ ಸಮಸ್ತ ತುಲುವೆರೆರ್ದ್*
ಉಂದುವೇ 10 ಅಕ್ಟೋಬರ್ 2022, ಸೋಮವಾರದಾನಿ ಕಾಂಡೆ 9:30ರ್ದ್ ಕುಡ್ಲ ಕ್ಲಾಕ್ ಟವರ್ (ಮಿನಿ ವಿಧಾನಸೌಧ)ದ ಎದುರು ಪೊರ್0ಬಾಟ ನಡಪೆರೆ ಉಂಡು.

I

ಪ್ರತಿಭಟನೆದ ಉದ್ದೇಶೊಲು ದಾದ ಪಂಡ 2 ಕೋಟಿರ್ದ್ ಲ ಹೆಚ್ಚಿನ ಜನಸಂಖ್ಯೆ ಉಪ್ಪುನ ತುಲು ಬಾಸೆಗ್ ಸಂವಿಧಾನೊದ ಆರ್ಟಿಕಲ್ 347ದ ಪ್ರಕಾರ ಅಧಿಕೃತ ಸ್ಥಾನಮಾನ ಕರ್ನಾಟಕ ಸರಕಾರ ದಾನೆ ಕೊರೊ0ದಿಜ್ಜಿ? ಅವ್ವೆ ಬೇತೆ ರಾಜ್ಯೋಡು 1ರ್ದ್ ಜಾಸ್ತಿ ಬಾಸೆಲು ಅಧಿಕೃತ ಆತುಂಡ್, ಕರ್ನಾಟಕಡ್ ದಾನೆ ಸಾಧ್ಯ ಇಜ್ಜಿ?, ಇತ್ತೇ ಕರ್ನಾಟಕ ರಾಜ್ಯಡ್ ಕನ್ನಡನೇ ಸಾರ್ವಭೌಮ ಪನೊಂದುಲ್ಲೆರ್, ಅಂಚಾಂಡ ತುಲು ಬಾಸೆಗ್ ದಾಲ ಮಾನಾದಿಗೆ ಇಜ್ಜ?,
ಕನ್ನಡ ಕಡ್ಡಾಯ ವಿಧೇಯಕ ಮಂಡನೆ ಮಲ್ದೆರ್,ನೆತ್ತ ನಿರ್ಧಾರಡ್ ದುಂಬು ಪೊಂಡ ತುಲುನಾಡ್ ಡ್ ತುಲು ಬಾಸೆನ್ ಕೆರ್ಪಿನ ಬೇಲೆನಾ?, ತುಲುನಾಡ್ ಕೆಲವು ಶಾಸಕೆರ್ ಕಾರ್ಯಕ್ರಮೊಲೆಡ್ ತುಲುಟೇ ಭಾಷಣ ಮಲ್ಪುವೆರ್, ಪರ್ಬ ಪಂದ್ ಬನ್ನಗ ನಮ್ಮ ಮುಖ್ಯಮಂತ್ರಿನಕುಲು ತುಲುನಾಡ್ ದ ಸಂಸದೆರ್ ಶಾಸಕೆರ್ ಮಾತಾ ತುಲುಟೇ ಟ್ವೀಟ್ ಪೋಸ್ಟರ್ ಮಾತಾ ಮಲ್ಪುವೆರ್ ಅಂಚೆನೇ ನನ ಕನ್ನಡ ಕಡ್ಡಾಯ ವಿಧೇಯಕದ ಪ್ರಕಾರ ತುಲುತ ಈ ಮಾತಾ ವಿಷಯೊಲು ಮದೆಕ್ ಪೊಪುಂಡ??,2010ನೇ ಇಸವಿಡ್ ಉಜಿರೆಡ್ ನಡತಿನ ವಿಶ್ವ ತುಲು ಸಮ್ಮೇಳನೊಡು ಆನಿದ ಮುಖ್ಯಮಂತ್ರಿಲು ಆಯಿನ ಸನ್ಮಾನ್ಯ ಯಡಿಯೂರಪ್ಪೆರ್ ತುಲುನ್ ಕರ್ನಾಟಕಡ್ ಅಧಿಕೃತ ಮಲ್ಪುವೆ ಪಂದ್ ಇತ್ತೆರ್, ಅಯಿರ್ದ್ ಬೊಕ್ಕ ನಮ್ಮ ಸಂಸದೆರ್ ಶಾಸಕೆರ್ ಲ ವರ್ಷ ವರ್ಷ ಬೆಲ್ಲ ನಕ್ಕವೊಂದ್ ಉಲ್ಲೆರ್ , ಉಂದು ಮಾತಾ ಸುಳ್ಳಾ??, ಮಾನ್ಯ ಅರವಿಂದ್ ಲಿಂಬಾವಳಿ ಕನ್ನಡ ಸಂಸ್ಕೃತಿ ಇಲಾಖೆ ಸಚಿವೆರಾದುಪ್ಪುನ ಪೊರ್ತುಗು, ತುಲು ಯುನಿಕೋಡ್ ಮಲ್ಪೆರೆ ಇತ್ತೇ ಸರಕಾರಡ್ ಪಣವು ಇಜ್ಜಿ, ತುಲು ಯುನಿಕೋಡ್ ಬೇಲೆ ಬೆಗೋಡೆ ಸುರು ಆಪುಂಡ್ ಪಂಡೆರ್ ಅಯಿರ್ದ್ ಬೊಕ್ಕ ಸಚಿವ ಸಂಪುಟ ಬದಲಿ ಆಯಿಬೊಕ್ಕ ಆ ವಿಷಯೊನು ದಾಯೆಗ್ ನೀರ್ ಡ್ ಬುಡಿಯೆರ್?, ತುಲು ಸಿನಿಮೊರಂಗೊಡು ಸಿನಿಮಾಲೆಗ್ ಬೋಡಾಯಿನ ಲೈಸೆನ್ಸ್ ಅತುಂಡ ಐಕ್ ಅವೊಡಾಯಿನ ಒವ್ವೆ ಅಪ್ರುವಲ್ ಗ್ ಸಮ್ಮಂದ ಪಟ್ಟಿನ ಬೇಲೆಗ್ ಬೆಂಗಳೂರುಗು ಪೋವೊಡು, ಅಂಚೆನೇ ಅಲ್ಪ ಕನ್ನಡ ಸಿನಿಮೊಲೆಗ್ ಕಟ್ಟುನಾತೆ ಪಣವುನು, ನಮ ಕಮ್ಮಿ ಬಜೆಟ್ ದ ತುಲು ಸಿನಿಮಾದಕುಲು ಕಟ್ಟೊಡು, ಅವ್ವೆ ತುಲು ಸಿನಿಮೊಲೆಗ್ ಕನ್ನಡ ಸಿನಿಮೊಲೆಗ್ ತಿಕ್ಕುನ ಒವ್ವೆ ಸರಕಾರದ ಸೌಲಭ್ಯಲು ದಾಯೆಗಿಜ್ಜಿ??, 2020 ಫೆಬ್ರವರಿಡ್ ಅಪಗ ಕನ್ನಡ ಸಂಸ್ಕೃತಿ ಇಲಾಖೆದ ಸಚಿವೆರಾದುಪ್ಪುನ ಸಿ ಟಿ ರವಿ ಮೆರೆಗ್ ನಮ್ಮ ತುಲುನಾಡ್ ದ ಶಾಸಕೆರ್ ನಕುಲು ತುಲು ಬಾಸೆದ ಮಾನಾದಿಗೆದ ಬಗೆಟ್ (ಬಿನ್ನಪು)ಮನವಿ ಕೊರ್ದು ಇತ್ತೆರ್, ಅಯಿತ ವಿಚಾರ ದಾದಾಂಡ್? ಸಾಮಾನ್ಯ ತುಲುವೆರ್ನ ಬಿನ್ನಪು ಬುಡ್ಲೆ ಶಾಸಕೆರ್ ನಕ್ಲೆನ ಮನವಿನ್ಲ ನೀರ್ ಗ್ ಬುಡಿಯೆರಾ??, 2022ಡ್ ನಮ್ಮ ದೇಶದ ಪ್ರಧಾನ ಮಂತ್ರಿ ನರೇಂದ್ರ ಮೋದಿಯೆರೆ ಪಂತೆರ್ ನಮ್ಮ ನಮ್ಮ ಅಪ್ಪೆ ಬಾಸೆನ್ ಪಾತೆರೊಡು, ಅಪ್ಪೆ ಬಾಸೆನ್ ಒರಿಪಾವೊಡ್ ಪಂದ್, ಈ ನಮ್ಮ ಕರ್ನಾಟಕ ಸರಕಾರ ಪ್ರಧಾನ ಮಂತ್ರಿಲೆನ ಪಾತೆರೊಗ್ಲ ಬಿಲೆ ಕೊರ್ಪುಜಾ?, ಕಾಲಿ ಕನ್ನಡ ಪಾತೆರುನ ಪ್ರದೇಶಡ್ ಮಾತ್ರ ಸರಕಾರದ ತೆರಿಗೆ ಬರ್ಪಿನಾ? ತುಲುನಾಡ್ ಡ್ ತೆರಿಗೆ ಕಟ್ಟುಜೆರಾ? ಬಾಸೆದ ವಿಷಯೊಡು ಬನ್ನಗ ದಾಯೆ ಈ ಸರ್ಕಾರದ ತರೆ ಭೇದ?*
ಕರ್ನಾಟಕ ರಾಜ್ಯೋಡ್ ತುಲುನಾಡ್ ದ ಕುಡ್ಲ ಬೊಕ್ಕ ಒಡಿಪು ಜಿಲ್ಲೆಡ್ 2 ಸಂಸದೆರ್ 16 ಶಾಸಕೆರ್ ಇತ್ತುಂಡಲ ಒರಿಲಾ ತುಲು ಬಾಸೆದ ಬುಲೆಚ್ಚಿಲ್ ಗ್ ದುಂಬು ಪೋವಂದೆ ಕೇನ್ನಗ ತಾಂತ್ರಿಕ ದೋಷ ಪನೊಂದು ಉಲ್ಲೆರ್., ಕಡೆಕ್ ಆದ್ ಎಂಕುಲು ಇತ್ತೇ ತುಲು ರಾಜ್ಯ ಕೇನೊಂದು ಇಜ್ಜ, ತುಲು ಬಾಸೆ 8ನೇ ಪರಿಚ್ಛೇದ ಬಗೆಟ್ ಕೇನೊಂದು ಇಜ್ಜ, ಎಂಕುಲು ಕೆನುನು ಭಾರತೊದ ಸಂವಿಧಾನೊದ 347 ಆರ್ಟಿಕಲ್ ದ ಪಿರ್ಕಾರ ಕರ್ನಾಟಕ ರಾಜ್ಯೋದ ಅಧಿಕೃತ ಭಾಷಾ ಸ್ಥಾನಮಾನದ ಮಾನಾದಿಗೆ.

Related Articles

Stay Connected

0FansLike
3,687FollowersFollow
0SubscribersSubscribe
- Advertisement -

Latest Articles