● ಸಹ-ಅಭಿವೃದ್ಧಿಪಡಿಸಲಾದ ‘ಯುವಜನರಿಗಾಗಿ ಇಂಗ್ಲಿಷ್ ಕೌಶಲ್ಯಗಳು’ ಪ್ರೋಗ್ರಾಮ್ 18-25 ವಯಸ್ಸಿನ ಯುವ ಜನರ ಔದ್ಯೋಗಿಕ ಕೌಶಲ್ಯಗಳನ್ನು ವೃದ್ಧಿಸಲು ಉದ್ದೇಶಿಸಿದೆ.
● ವೃದ್ಧಿಸಿದ ಭಾಷಾ ಸಾಮರ್ಥ್ಯಗಳು ಮತ್ತು ಔದ್ಯೋಗಿಕ ಕೌಶಲ್ಯಗಳೊಂದಿಗೆ ಮುಂದಿನ ಪೀಳಿಗೆಯ ಸಬಲೀಕರಣ.
● ಪಾಲುದಾರಿಕೆಯು ಒಳಗೊಳ್ಳುವಿಕೆಯನ್ನು ಉತ್ತೇಜಿಸುವ ಮೂಲಕ ಸಾಮಾಜಿಕ-ಆರ್ಥಿಕವಾಗಿ ಹಿಂದುಳಿದ ಯುವಜನರಿಗಾಗಿ ಅವಕಾಶಗಳನ್ನು ಒದಗಿಸಲು ಮತ್ತು ಮಹಿಳೆಯ ಉದ್ಯೋಗಾವಕಾಶಕ್ಕಾಗಿ ಇಂಗ್ಲಿಷ್ ಭಾಷಾ ಕೌಶಲ್ಯಗಳ ಮೇಲೆ ವಿಶೇಷ ಗಮನವನ್ನುನೀಡುವ ಉದ್ದೇಶ ಹೊಂದಿದೆ.
ಬೆಂಗಳೂರು: ಶೈಕ್ಷಣಿಕ ಅವಕಾಶಗಳು ಮತ್ತು ಸಾಂಸ್ಕೃತಿಕ ವಿನಿಮಯಕ್ಕಾಗಿ ಯುಕೆ ಅಂತಾರಾಷ್ಟ್ರೀಯ ಸಂಘಟನೆಯಾದ ಬ್ರಿಟಿಷ್ ಕೌನ್ಸಿಲ್ ಮೈಕ್ರೋಸಾಫ್ಟ್ ಇಂಡಿಯಾದೊಂದಿಗಿನ ಪಾಲುದಾರಿಕೆಯಲ್ಲಿ ಇತ್ತೀಚಿಗೆ ಬೆಂಗಳೂರಿನಲ್ಲಿ ಒಂದು ಗಮನಾರ್ಹ ಕಾರ್ಯಕ್ರಮವನ್ನು ಆಯೋಜಿಸಿತ್ತು. ಬ್ರಿಟಿಷ್ ಕೌನ್ಸಿಲ್ ಮತ್ತು ಮೈಕ್ರೋಸಾಫ್ಟ್ ಇಂಡಿಯಾ ನಡುವಿನ ಮೂರು ವರ್ಷಗಳ ಪರಿವರ್ತಕ ಪಾಲುದಾರಿಕೆಯಾದ ‘ಇಂಗ್ಲಿಷ್ ಸ್ಕಿಲ್ಸ್ ಫಾರ್ ಯೂಥ್’ ಪ್ರೋಗ್ರಾಮ್ ನ ಗಮನಾರ್ಹ ಪ್ರಗತಿಯನ್ನು ಈ ಕಾರ್ಯಕ್ರಮ ಆಚರಿಸಿತು. ಇದರಲ್ಲಿ 18-25 ವರ್ಷ ವಯಸ್ಸಿನ ಯುವಜನರ ಅದರಲ್ಲೂ ವಿಶೇಷವಾಗಿ ಕರ್ನಾಟಕದಾದ್ಯಂತದ ಸರ್ಕಾರಿ ಎಂಜಿನಿಯರಿಂಗ್ ಕಾಲೇಜುಗಳ ವಿದ್ಯಾರ್ಥಿಗಳ ಉದ್ಯೋಗಾವಕಾಶಗಳಿಗಾಗಿ ತಮ್ಮ ಇಂಗ್ಲಿಷ್ ಭಾಷೆ ಮತ್ತು ಸಂವಹನ
ಕೌಶಲ್ಯವನ್ನು ಹೆಚ್ಚಿಸುವ ಮೂಲಕ ಅವರನ್ನು ಸಬಲೀಕರಣಗೊಳಿಸುವ ಗುರಿಯನ್ನು ಈ ಕಾರ್ಯಕ್ರಮ ಹೊಂದಿತ್ತು.
ಇದುವರೆಗೆ, ಈ ಉಪಕ್ರಮವು ಭಾರತದಾದ್ಯಂತ 11095 ವಿದ್ಯಾರ್ಥಿಗಳು ಮತ್ತು 114 ಸಿಬ್ಬಂದಿ ಸದಸ್ಯರನ್ನು ಯಶಸ್ವಿಯಾಗಿ ತಲುಪಿದೆ. 2023ರಲ್ಲಿ, ಬ್ರಿಟಿಷ್ ಕೌನ್ಸಿಲ್ ಮತ್ತು ಮೈಕ್ರೋಸಾಫ್ಟ್ ಇಂಡಿಯಾ ‘ಇಂಗ್ಲಿಷ್ ಸ್ಕಿಲ್ಸ್ ಫಾರ್ ಯೂಥ್’ ಹೆಸರಿನ ಮೂರು-ವರ್ಷದ ಪಾಲುದಾರಿಕೆಯನ್ನು ಔಪಚಾರಿಕೆಗೊಳಿಸಲು MoU ಒಪ್ಪಂದಕ್ಕೆ ಸಹಿ ಹಾಕಿತು. ಈ ಅತ್ಯುತ್ತಮ ಉಪಕ್ರಮವು ಭಾರತದಾದ್ಯಂತ ಸಾಮಾಜಿಕ-ಆರ್ಥಿಕವಾಗಿ ಹಿಂದುಳಿದ ಸಮುದಾಯಗಳಿಂದ ಯುವ ಜನರು ಅದರಲ್ಲೂ ವಿಶೇಷವಾಗಿ ಮಹಿಳೆಯರಿಗಾಗಿ ಜೀವನ ಅವಕಾಶಗಳನ್ನು ಸುಧಾರಿಸುವ ಉದ್ದೇಶ ಹೊಂದಿದೆ. ಬೆಂಗಳೂರಿನ ಲಕ್ಸರ್ ಕಚೇರಿಯಲ್ಲಿರುವ ಮೈಕ್ರೋಸಾಫ್ಟ್ ಇಂಡಿಯಾ (R&D) ಪ್ರೈವೇಟ್ ಲಿಮಿಟೆಡ್ ನಲ್ಲಿ ನಡೆದ ಕಾರ್ಯಕ್ರಮವು ಸರ್ಕಾರಿ ಇಂಜಿನಿಯರಿಂಗ್ ಕಾಲೇಜುಗಳ ವಿದ್ಯಾರ್ಥಿಗಳು, ಸಿಬ್ಬಂದಿ ವರ್ಗದವರು ಮತ್ತು ಕರ್ನಾಟಕ ಸರ್ಕಾರ, ಮೈಕ್ರೋಸಾಫ್ಟ್, ಬ್ರಿಟಿಷ್ ಕೌನ್ಸಿಲ್ ಮತ್ತು ಬ್ರಿಟಿಷ್
ಡೆಪ್ಯುಟಿ ಹೈ ಕಮಿಷನ್ ನ ಹಿರಿಯ ಮಧ್ಯಸ್ಥಿಕೆಗಾರರನ್ನು ಒಟ್ಟುಗೂಡಿಸಿತ್ತು. ಈ ಕಾರ್ಯಕ್ರಮವು ಯೋಜನೆಯ ಸಾಧನೆಗಳು ಮತ್ತು ಸಮುದಾಯದಲ್ಲಿನ ಅದರ ಧನಾತ್ಮಕ ಪರಿಣಾಮಗಳನ್ನು ಪ್ರದರ್ಶಿಸಲು ವೇದಿಕೆಯಾಗಿ ಕಾರ್ಯನಿರ್ವಹಿಸುತ್ತದೆ.
ಕಾರ್ಯಕ್ರಮದ ಮುಖ್ಯಾಂಶಗಳು: ● ಕಲಿಕಾ ಕಾರ್ಯಾಗಾರಗಳು: ಇಂಗ್ಲಿಷ್ ಭಾಷೆ ಮತ್ತು ಸಂವಹನ ಕೌಶಲ್ಯಗಳನ್ನು ಬೆಳೆಸಲು ವಿನ್ಯಾಸಗೊಳಿಸಿದ ಪರಸ್ಪರ ಸೆಷನ್ಸ್ ನಡೆಯಿತು, ಇದರಲ್ಲಿ ಸಾಕಷ್ಟು ಜನರು ಉತ್ಸಾಹದಿಂದ ಭಾಗವಹಿಸಿದ್ದರು.
● ಸ್ಪೂರ್ತಿದಾಯಕ ಚರ್ಚೆಗಳು: ಶಿಕ್ಷಣ ಮತ್ತು ತಂತ್ರಜ್ಞಾನ ವಿಭಾಗಗಳಿಂದ ಗೌರವಾನ್ವಿತ ಸ್ಪೀಕರ್ ಗಳು ಭಾಷಾ ಕೌಶಲ್ಯಗಳ ಪರಿವರ್ತಕ ಶಕ್ತಿಯ ಕುರಿತು ತಮ್ಮ ಅಭಿಪ್ರಾಯಗಳನ್ನು ಹಂಚಿಕೊಂಡರು.
● ವೈಯಕ್ತಿಕ ಕಥೆಗಳು: ಶೈಕ್ಷಣಿಕ ಮತ್ತು ವೃತ್ತಿಪರ ಅಭಿವೃದ್ಧಿಯ ಮೇಲೆ ಪ್ರೋಗ್ರಾಮ್ ನ ಅಗಾಧವಾದ ಪರಿಣಾಮವನ್ನು ವಿವರಿಸುತ್ತಾ ವಿದ್ಯಾರ್ಥಿಗಳು ಮತ್ತು ಸಿಬ್ಬಂದಿ ವರ್ಗದವರು ತಮ್ಮ ಬೆಳವಣಿಗೆಯ ಪ್ರಯಾಣಗಳನ್ನು ಹಂಚಿಕೊಂಡರು.
● ಪ್ಯಾನೆಲ್ ಚರ್ಚೆ: ಜಾಗತಿಕ ಕಾರ್ಯಪಡೆಯಲ್ಲಿ ಕೃತಕ ಬುದ್ಧಿಮತ್ತೆ ಮತ್ತು ಬಹುಭಾಷಿಕ ಸವಾಲುಗಳ ಮೇಲೆ ಗಮನಹರಿಸುವುದರೊಂದಿಗೆ ಭಾಷೆಯ ಕಲಿಕೆಯ ಭವಿಷ್ಯವನ್ನು ಸಹ ಪರಿಣಿತರು ಚರ್ಚಿಸಿದರು.
● ಪುರಸ್ಕಾರ ಸಮಾರಂಭ: ಕಾರ್ಯಕ್ರಮದಲ್ಲಿ ಕರ್ನಾಟಕದಲ್ಲಿನ ಕಾಲೇಜುಗಳಾದ್ಯಂತ ಸುಧಾರಿತ ಕಲಿಕಾ ಪರಿಸರವನ್ನು ರಚಿಸಲು ತೋರಿಸಿದ ಬದ್ಧತೆಗಾಗಿ ಒಟ್ಟು 81 ಇಂಗ್ಲಿಷ್ ಪ್ರಾಕ್ಟೀಸ್ ಕ್ಲಬ್ಸ್ ನಿಂದ 14 ಇಂಗ್ಲಿಷ್ ಪ್ರಾಕ್ಟೀಸ್ ಕ್ಲಬ್ ಲೀಡರ್ಸ್ (EPCLಗಳು) ಮತ್ತು 7 ಸಿಬ್ಬಂದಿ ಸದಸ್ಯರನ್ನು ಗೌರವಿಸಲಾಯಿತು. ಬ್ರಿಟಿಷ್ ಕೌನ್ಸಿಲ್ ಮತ್ತು ಮೈಕ್ರೋಸಾಫ್ಟ್ ಇಂಡಿಯಾ ನಡುವಿನ ಈ ಪಾಲುದಾರಿಕೆಯು ಭಾಷಾ ಕೌಶಲ್ಯಗಳ ಮೂಲಕ ಉದ್ಯೋಗಾವಕಾಶ ಮತ್ತು ವೈಯಕ್ತಿಕ ಬೆಳವಣಿಗೆಯನ್ನು ಪೋಷಿಸುವ ಕಡೆಗೆ ಗಮನಾರ್ಹ ಹೆಜ್ಜೆಯನ್ನು ಗುರುತಿಸುತ್ತದೆ. ಯುವ ಜನರು ಜಾಗತಿಕ ಜಗತ್ತಿನಲ್ಲಿ ಬದುಕುಳಿಯಲು ಸಶಕ್ತಗೊಳಿಸುವ ವಿಸ್ತೃತ ಗುರಿಯೊಂದಿಗೆ ಇದು ಹೊಂದಾಣಿಕೆಯಾಗುತ್ತದೆ.
ಕರ್ನಾಟಕ ಸರ್ಕಾರದ ಉನ್ನತ ಶಿಕ್ಷಣದ ಸಚಿವರ ಡಾ. ಎಂ.ಸಿ. ಸುಧಾಕರ್ ಅವರು ಮಾತನಾಡಿ, “ಬಲವಾದ ಪಾಲುದಾರಿಕೆಯು ಅರ್ಥಪೂರ್ಣ ಬದಲಾವಣೆಗೆ ಚಾಲನೆ ನೀಡುತ್ತದೆ. ಬ್ರಿಟಿಷ್ ಕೌನ್ಸಿಲ್ ಮತ್ತು ಮೈಕ್ರೋಸಾಫ್ಟ್ ಇಂಡಿಯಾದ ಈ ಪಾಲುದಾರಿಕೆಯ ಮೂಲಕ ನಾವು ಕರ್ನಾಟಕಾದ್ಯಂತದ ಸರ್ಕಾರೀ ಕಾಲೇಜುಗಳ ಸಾವಿರಾರು ವಿದ್ಯಾರ್ಥಿಗಳಿಗೆ ಪ್ರಯೋಜನವಾಗುವ ಕಲಿಕೆಯ ಪರಿಸರವ್ಯವಸ್ಥೆಯನ್ನು ರಚಿಸುತ್ತಿರುವುದಕ್ಕಾಗಿ ನಮಗೆ
ಸಂತೋಷವಾಗುತ್ತಿದೆ. ಇಂಗ್ಲಿಷ್ ಸ್ಕಿಲ್ಸ್ ಫಾರ್ ಯೂಥ್ ಉಪಕ್ರಮವು ಕರ್ನಾಟಕ ಸರ್ಕಾರದ ಕೌಶಲ್ಯಗಳೊಂದಿಗೆ ಯುವ ಜನರನ್ನು ಸಬಲೀಕರಣಗೊಳಿಸುವ ಹಂಚಿಕೊಂಡ ದೃಷ್ಟಿಕೋನವನ್ನು ಪ್ರದರ್ಶಿಸುತ್ತದೆ, ಇದು ಹೊಸ ಅವಕಾಶಗಳಿಗಾಗಿ ಬಾಗಿಲುಗಳನ್ನು ತೆರೆಯುತ್ತವೆ ಮತ್ತು ಯಶಸ್ಸಿಗಾಗಿ ಮಾರ್ಗಗಳನ್ನು ರಚಿಸುತ್ತವೆ.” ಎಂದರು.
ಇದೇ ವಿಷಯ ಕುರಿತು ಪ್ರತಿಕ್ರಿಯಿಸಿದ ಬ್ರಿಟಿಷ್ ಕೌನ್ಸಿಲ್, ದಕ್ಷಿಣ ಭಾರತದ ನಿರ್ದೇಶಕರಾಗಿರುವ ಜನಕ ಪುಷ್ಪನಥಾನ್, “ಈ ಕ್ರಾಂತಿಕಾರಿ ಉಪಕ್ರಮದ ಮೂಲಕ ಪ್ರಗತಿಯನ್ನು ಸಾಧಿಸಿದ್ದಕ್ಕಾಗಿ ಮತ್ತು ಕರ್ನಾಟಕ ರಾಜ್ಯಾದ್ಯಂತದ ಯುವ ಜನರ ಮೇಲೆ ಮಾಡಿದ ಅಳೆಯಬಲ್ಲ ಗಮನಾರ್ಹ ಪ್ರಭಾವದಿಂದ ನಮಗೆ ತುಂಬಾ ಹೆಮ್ಮೆ ಇದೆ. ಈ ಕಾರ್ಯಕ್ರಮವು ವಿದ್ಯಾರ್ಥಿಗಳು, ಬೋಧನಾ ಸಿಬ್ಬಂದಿ ಮತ್ತು ನಮ್ಮ ಗೌರವಾನ್ವಿತ ಪಾಲುದಾರರು ತೋರಿಸಿದ ಅಚಲ ಬದ್ಧತೆ, ಸಮರ್ಪಣೆ ಮತ್ತು ಉತ್ಸಾಹದ ಸಾಕ್ಷಿಯಾಗಿದೆ. ಈ ಪ್ರೋಗ್ರಾಮ್ ಮೂಲಕ ಪಡೆದುಕೊಂಡ ಕೌಶಲ್ಯಗಳು ಈ ಯುವ ಜನರನ್ನು ತಮ್ಮ ಆಸೆಗಳನ್ನು ಪೂರೈಸಲು ಮತ್ತು ಸ್ಪರ್ಧಾತ್ಮಕ ಜಾಗತಿಕ ಪರಿಸರದಲ್ಲಿ ಸಾಧಿಸುವುದನ್ನು ಮುಂದುವರೆಸುತ್ತಾರೆ ಎಂದು ನಮಗೆ ನಂಬಿಕೆ ಇದೆ” ಎಂದರು. ಇಂಗ್ಲಿಷ್ ಸ್ಕಿಲ್ಸ್ ಫಾರ್ ಯೂಥ್ ಯೋಜನೆಯು ಭಾಷೆ ಮತ್ತು ನಾಯಕತ್ವ ಕೌಶಲ್ಯಗಳೊಂದಿಗೆ ಯುವ ಜನರನ್ನು ಸಶಕ್ತಗೊಳಿಸುವ ಮೂಲಕ ಅರ್ಥಪೂರ್ಣ ಪ್ರಭಾವ ಬೀರುವುದನ್ನು ಮುಂದುವರೆಸುತ್ತದೆ. ಇದು ಅವರ ಶೈಕ್ಷಣಿಕ ಮತ್ತು ವೃತ್ತಿಪರ ಜೀವಗಳಲ್ಲಿ ಯಶಸ್ವಿಯಾಗಲು ಅತ್ಯಗತ್ಯ, ಈ ಮೂಲಕ ಹೊಸ ಅವಕಾಶಗಳನ್ನು ಅನ್ಲಾಕ್ ಮಾಡುವ ಅಡೆತಡೆಗಳನ್ನು ಪರಿಹರಿಸಲು ಸಹ ಸಹಾಯವಾಗುತ್ತದೆ. ಇಂಗ್ಲಿಷ್ ಸ್ಕಿಲ್ಸ್ ಫಾರ್ ಯೂಥ್ ಯೋಜನೆಯ ಕುರಿತಾಗಿ ಹೆಚ್ಚಿನ ಮಾಹಿತಿಗಾಗಿ ಅಥವಾ ಭವಿಷ್ಯದ ಕಾರ್ಯಕ್ರಮಗಳ ಕುರಿತು ಹೆಚ್ಚು ತಿಳಿಯಲು, ದಯವಿಟ್ಟು https://www.britishcouncil.in/programmes/english/english-and-empowerment/english-skills-youth ಗೆ ಭೇಟಿನೀಡಿ.
