26.6 C
Udupi
Tuesday, November 29, 2022
spot_img

ದ್ಯೆವಾರಾಧನೆಡ್ ನಡಪಿನ ಕಾಂಟ್ರಾಕ್ಟ ವ್ಯವಸ್ಥೆಲ ಉಂತಡ್: ಡಾ.ರವೀಶ್ ಪಡುಮಲೆ


ತುಳುನಾಡ್ದ ಮೂಲ ಸಂಸ್ಕೃತಿಯಾಯಿನ ದ್ಯೆವಾರಾಧನೆದ ಕೊಡಿಯಡಿಟ್ ಆಪಿನ ಪೂರ ಚಾಕಿರಿ ಯಾನೆ ಮಲ್ಪವೆ, ಸೊತ್ತುಲೆನ್, ಚಾಕಿರಿದಕುಲೆನ್ ಯಾನೆ ಕನಪೆ ಪಂದ್ ಕಾಂಟ್ರಾಕ್ಟ ದೆತೊನುನವು ನಮ್ಮ ಮೂಲ ಕಟ್ಲೆಗ್ ದಕ್ಕೆ ಅವೋಂದು ಉಂಡು. ಕೊಡಿಯಡಿದ ಇಡೀ ವ್ಯವಸ್ಥೆ ಗ್ ಅಲ್ಪ ಅಲ್ಪ ಏಜೆಂಟ್ನಕುಲು ಉಪ್ಪುವೆರ್, ಅವು ನಮ್ಮ ದ್ಯೆವಾರಾಧನೆ ವ್ಯವಹರಿಕರಣಗ್ ತಾದಿ ಮಲ್ತ್ ಕೊರ್ಪುಂಡ್ ಅಂಚಾದ್ ಅವುಲ ಉಂತ್ತೊಡು. ಇತ್ತೆ ನಮ ಎಂಚ ಪಿದಾಯಿದ ಊರುಡ್ ನಡಪಿನ ನೇಮೊಗ್ ಸೊರ ದೆರ್ತನ ಅವೆಲೆಕ ಉಂದೆನ ಬಗೆಟ್ ಆಲೋಚನೆ ಮಲ್ತದ್ ಅಭಿಯಾನ ಸುರು ಮಲ್ಪೋಡು. ಕುಟುಂಬದ ಹಿರಿಯಕುಲು ಪಂಡಿಲೆಕ ಕಿರಿಯಕುಲು ನೇಮೊಗ್ ಬೋಡಾಯಿ ವ್ಯವಸ್ಥೆ ಮಲ್ಪುನವು ನಮ್ಮ ಕಟ್ಲೆ. ಹಿರಿಯಕುಲು ಪಾಡಿ ತಾದಿಡ್ ನಡಪೊಡ್ ಪನ್ಪಿನೆನ್ ನಮ್ಮ ದ್ಯೆವಾರಾಧನೆ ಕಟ್ಲೆಲು ದೆರ್ತ ತೊಜಾದ್ಂಡ್. ದುಂಬುದ ಪೀಳಿಗೆಗ್ ಮೂಲ ಭೂತಾರಾಧನೆ ಒರಿಯೊಡಾಂಡ ನಮ ಇತ್ತೆನ ಲಕ್ಕುದ್ ಸೊರ ದೆರ್ಪೊಡು. ತುಳುವ ಮಣ್ಣ್ ದ ದ್ಯೆವೂಲ ಚಾಕಿರಿದಕುಲು, ನೇಮ ಕೊರ್ಪುನಕುಲು ಗುತ್ತು-ಬಾರಿಕೆದಕುಲು, ತುಳು ಸಂಘಟನೆಲು ಮಾತ ಆಲೋಚನೆ ಮಲ್ಪೊಡು ಪಂದ್ ಡಾ.ರವೀಶ್ ಪಡುಮಲೆ ಮನವಿ ಮಲ್ತೆರ್.

Related Articles

LEAVE A REPLY

Please enter your comment!
Please enter your name here

Stay Connected

0FansLike
3,585FollowersFollow
0SubscribersSubscribe
- Advertisement -spot_img

Latest Articles