ಮುಲ್ಕಿ : ನಮ್ಮ ಪ್ರತಿನಿತ್ಯ ಇಲ್ಲಡ್ ಗಲಸುನ ಮಾತಾ ವಸ್ತುಲೆನ್ ಮಾರಾಟ ಮಲ್ಲುನ ಪುಗರ್ತೆದ ಸುರಭಿ ಎಲೆಕ್ಟ್ರಾನಿಕ್ಸ್ ಆಂಡ್ ಫರ್ನೀಚರ್ಸ್ ಸಂಸ್ಥೆ ಬೊಕ್ಕ ಯುವ ಪಡೆ ಮುಲ್ಕಿ ವತಿರ್ದ್ ಕಾಪು ಬೊಕ್ಕ ಮುಲ್ಕಿ ತಾಲೂಕುದ 13 ಶಾಲೆದ 100 ರ್ದಲ ಎಚ್ಚ ಜೋಕುಲೆಗ್ ಪನವುದ ಸಕಾಯ ಪಟ್ಟುನ ಲೇಸ್ ಇಂಚೊಗು ನಡತ್ಂಡ್.
ಮುಲ್ಕಿ ಇಮ್ಯಾಕ್ಯುಲೇಟ್ ಚರ್ಚ್‌ದ ಧರ್ಮಗುರು . ಅಂತೋನಿ ಶೆರಾ ಈ ಲೇಸ್‌ಗ್ ಚಾಲನೆ ಕೊರಿಯೆರ್. ನಮ್ಮ ಸಮಾಜೊಗು ಪರೋಪಕಾರಿ ಆವೊಡು. ನಮ್ಮ ಸಂಪಾದನೆ ಮಲ್ತಿನೆಟ್ಸ್ ಒಂಜಿ ಪಾಲ್‌ನ್ ಬೇತೆಕಲೆಗ್ ಸಕಾಯ ಮಲ್ಪರೆ ಕೊರೊಡು. ಬಡವೆರೆಗ್, ಅಗತ್ಯ ಇತ್ತಿನಕೆಗ್ ಉಪಕಾರ ಮಲ್ತ್ಂಡ ದೇವೆರ್ ಏಪಲ ಆಶೀರ್ವಾದ ಮಲುವೆರ್ ಪಂದ್ ಆರ್ ಪಂಡೆರ್. ಬಿನ್ನೆರಾದ್ ಬತ್ತೆ ತ್ತಿನ ಉದ್ಯಮಿ ವಾಸು ಪೂಜಾರಿ ಚಿತ್ರಾಪು, ಸುರಭಿ ಸಂಸ್ಥೆ ಕೊರ್ತಿನ ಸಕಾಯೊನು ದೆತೊಂದು ಎಡ್ಡೆ ಪ್ರಜೆಕುಲು ಆದ್ ಸಮಾಜ ಸೇವೆ ಮಲ್ಲೊಡು ಪಂಡೆರ್.
ಬಿನ್ನೆರಾದ್ ಪೆಜಮಾಡಿ ಗ್ರಾಮ ಪಂಚಾಯತ್ ಮಾಜಿ ಅಧ್ಯಕ್ಷೆರ್ ಲಿಡಿತಾ ಪುಟ್ರಾಡೊ, ಮುಲ್ಕಿ ನಗರ ಪಂಚಾಯತ್ ಸದಸ್ಯೆರ್‌ ಬೋಳ ಬಾಲಚಂದ್ರ, ಎಸ್ ಐ ಸುರೇಶ್ ಕುಂದರ್ ವೇದಿಕೆಡ್ ಇತ್ತೆರ್.
ಅಧ್ಯಕ್ಷತೆ ವಹಿಸ್ ದಿತ್ತಿನ ಸುರಭಿ ಸಂಸ್ಥೆದ ಧಣಿ ಜಾನ್ ಕ್ವಾಡ್ರಸ್ ಪಾತೆರ್ದ್, ಉಂದು ರಡ್ಡನೇ ವರ್ಷದ ಕಾರ್ಯಕ್ರಮ. ರಡ್ ತಾಲೂಕುದ ಕನ್ನಡ ಮಾಧ್ಯಮದ 13 ಶಾಲೆದ 100 ರ್ಡ್ ಲ ಎಚ್ಚ ಜೋಕುಲೆಗ್ ಶಿಕ್ಷಣದ ಫೀಸ್ ಬೊಕ್ಕ ಯುನಿಫಾರ್ಮ್ ಗ್ 2 ಲಕ್ಷ ರೂ. ಮುಟ್ಟ ಕರ್ಚಿ ಮಲ್ಲೊಂದುಲ್ಲ. ನನದ ವರ್ಷಡು 10,000 ಜೋಕುಲೆಗ್ ಪನವುದ ಸಹಾಯ ಮಲ್ಪುನ ಉದ್ದೇಶ ಉಂಡು ಪಂದ್ ಪಂಡೆರ್. ಈ ಪೊರ್ತುಡು ಡಾ| ಹರಿಶ್ಚಂದ್ರ ಸಾಲ್ಯಾನ್ ಮೆರೆಗ್ ಮಾನಾದಿಗೆ ಮಲ್ಲೆರ್. ಯುವ ಪಡೆತ್ತ ಸುಪ್ರೀತ ಪುನರೂರು ಅಭಿನಂದನಾ ಭಾಷಣ ಮಲ್ಪೆರ್. ರೋಷನ್ ಪುರ್ತಾಡೋ ಕಾರ್ಯಕ್ರಮ ನಿರೂಪಣೆ ಮಲ್ಲೆರ್.
