ಮಂಗಳೂರು: ನಗರದ ಜೈಲು ರಸ್ತೆಯ ಬಳಿ ಹಳೆ ಮನೆಯೊಂದನ್ನು ಕೆಡವುತ್ತಿದ್ದಾಗ ಗೋಡೆ ಕುಸಿದು ಇಬ್ಬರು ಮೃತಪಟ್ಟ ಘಟನೆ ಗುರುವಾರ ನಡೆದಿದೆ. ಜೇಮ್ಸ್‌ ಸ್ಯಾಮುವೆಲ್‌ ಜತ್ತನ್ನ ಮತ್ತು ಅಡ್ವಿನ್‌ ಜೆರಾಲ್ಡ್‌ ಮೊಬಿನ್ ಮೃತ ದುರ್ದೈವಿಗಳು. ಗುರುವಾರ ಬೆಳಿಗ್ಗೆ ಜೆಸಿಬಿ ಮೂಲಕ ಮನೆ ಕೆಡವುತ್ತಿದ್ದಾಗ ಕಾಂಕ್ರಿಟ್‌ ಲಿಂಟಲ್‌ ಸಹಿತ ಗೋಡೆ ಮೈಮೇಲೆ ಬಿದ್ದಿದೆ. ಜೇಮ್ಸ್‌ ಅವರು ಹಳೆ ಮನೆಯನ್ನು ಕೆಡವಿ ಹೊಸ ಮನೆ ನಿರ್ಮಿಸುವ ಉದ್ದೇಶದಿಂದ ಬಹರೈನ್‌ನಿಂದ ಬಂದಿದ್ದರು. ಅಡ್ವಿನ್‌ ಪಕ್ಕದ ಮನೆಯವರಾಗಿದ್ದು, ಸೋದರ ಸಂಬಂಧಿಯಾಗಿದ್ದರು.
