ಯಶಸ್ವಿಯಾದ ಹೊಳಿ ಹುಣ್ಣಿಮೆಯ ಶ್ರೀ ಗಾಯತ್ರಿ ಉಪಾಸನೆ

ದಾವಣಗೆರೆ: ದಾವಣಗೆರೆಯ ಶ್ರೀ ಗಾಯತ್ರಿ ದೇವಿಯ ಉಪಾಸಕರ ಕ್ರಿಯಾತ್ಮಕ ಆಧ್ಯಾತ್ಮ ಸಂಸ್ಥೆ ಶ್ರೀ ಗಾಯತ್ರಿ ಪರಿವಾರದ ಪ್ರತೀ ತಿಂಗಳು ಹುಣ್ಣಿಮೆಯಂದು ನಡೆಯುತ್ತಿರುವ ಇತ್ತೀಚಿಗೆ ಹೋಳಿ ಹುಣ್ಣಿಮೆ ಪ್ರಯುಕ್ತ ನಗರದ
ಜಯದೇವ ವೃತ್ತದಲ್ಲಿರುವ ಶ್ರೀ ಶಂಕರಮಠದ ಆವರಣದಲ್ಲಿ ನಡೆದ ಶ್ರೀ ಗಾಯತ್ರಿ ಉಪಾಸನೆ, ಸಾಮೂಹಿಕ ಪೂಜೆ ಯಶಸ್ವಿಯಾಗಿ ನಡೆಯಿತು ಎಂದು ಪರಿವಾರದ ಪ್ರಧಾನ ಕಾರ್ಯದರ್ಶಿ ಸಾಲಿಗ್ರಾಮ ಗಣೇಶ್‌ಶೆಣೈ ತಿಳಿಸಿದ್ದಾರೆ. ಧಾರ್ಮಿಕ ಪರಂಪರೆಯ ಈ ಆಧ್ಯಾತ್ಮ ಪೂಜೆಯ ಸೇವೆ ಪುರುಷೋತ್ತಮ ಪಟೇಲ್ ದಂಪತಿಗಳು ಈ ತಿಂಗಳ ಹೊಳಿ ಹುಣ್ಣಿಮೆಯ ಪೂಜೆ ಸೇವೆ ನೆರವೇರಿಸಿದರು. ಪರಿವಾರದ ಗೌರವ ಅಧ್ಯಕ್ಷರಾದ ಡಾ. ಸುಶೀಲಮ್ಮ, ಸಂಚಾಲಕರಾದ ಭಾವನ್ನಾರಾಯಣ ಸಮಿತಿ ಸದಸ್ಯರಾದ ಎಂ.ಎಸ್.ಪ್ರಸಾದ್, ಆರ್.ಎಂ.ಸತೀಶ್, ಸಮಿತಿ ಸದಸ್ಯರಾದ ವಿ.ಕೃಷ್ಣಮೂರ್ತಿ, ಮಹನಗರ ಪಾಲಿಕೆಯ ಮಾಜಿ ಮೇಯರ್ ವಿಠಲ್ ಮಹೇಂದ್ರಕರ್, ವಾಸುದೇವ ವೀರಭದ್ರ ರಾವ್, ಶಿವಕಮಾರ್ ಮುಂತಾದವರು ಉಪಸ್ಥಿತರಿದ್ದರು.