Thursday, July 25, 2024
Homeತುಳು ಭಾಷೆಸಮಾಜನ್ ಪುಡಪುನ ಈ ಸಂದಿಗ್ಧ ಪರಿಸ್ಥಿತಿಡ್ ಸಾಹಿತಿಲೆನ್ ಮಾತ ಒಟ್ಟು ಸೇರವೊಂದುಪ್ಪುನವು ಎಡ್ಡೆ ಕೆಲಸ -...

ಸಮಾಜನ್ ಪುಡಪುನ ಈ ಸಂದಿಗ್ಧ ಪರಿಸ್ಥಿತಿಡ್ ಸಾಹಿತಿಲೆನ್ ಮಾತ ಒಟ್ಟು ಸೇರವೊಂದುಪ್ಪುನವು ಎಡ್ಡೆ ಕೆಲಸ – ಸಿರಿ ಭಾಸ್ಕರ್ ಕೋಡಿಂಬಾಳ

ಪುತ್ತೂರು ತಾಲೂಕು ತುಳು ಕೂಟದ ಮುತಾಲಿಕೆಡ್, ಚಿಗುರೆಲೆ ಸಾಹಿತ್ಯ ಬಳಗ ಪುತ್ತೂರುದ ಅಟ್ಟಣೆಡ್ ಪುತ್ತೂರು ತಾಲೂಕು ತುಳು ಮೇಳದ ನಿಲೆಟ್ ಮಂಜಲ್ಪಡ್ಪು ಸುದಾನ ಶಾಲೆದ ಎಡ್ವರ್ಡ್ ಸಭಾಂಗಣಡ್ ಮಾರ್ಚ್ 3 ಐತಾರ ನಡತಿನ ತುಳುನಾಡ್ದ ಐಸಿರ ಕಬಿಕೂಟ‌ದ ಗುರ್ಕಾರ್ಮೆದ ನಿಲೆಟ್ “ಸಾಹಿತ್ಯಗ್ ಮಾತ ಸಮಾಜನ್ ಒಟ್ಟು ಸೇರವುನ ಶಕ್ತಿ ಉಂಡು… ಇನಿ ಸಮಾಜನ್ ಪುಡಪುನ ಸಂದಿಗ್ಧ ಪರಿಸ್ಥಿತಿಡ್ಲಾ ನಮ ಬೇತೆ ಬೇತೆ ಧರ್ಮ, ಬೇತೆ ಬೇತೆ ಕಸುಬುದಕ್ಲ್ ಕಬಿತೆ ಬರೆದ್, ಮಂಡನೆ ಮಲ್ಪುನ ಕಜ್ಜೊಡು ಒಟ್ಟು ಸೇರುನ ಎಡ್ಡೆ ಬೇಲೆ ಸಾಹಿತ್ಯದ ಪೊರ್ಲ ಮನಸ್ಲೆರ್ದ್ ಆವೊಂದುಂಡು” ಪಂದ್ ವಕೀಲೆರ್ ಬೊಕ್ಕ ಸಾಹಿತಿಲು ಆಯಿನ ಸಿರಿ ಭಾಸ್ಕರ್ ಕೋಡಿಂಬಾಳ ತನ್ನ ಉಡಲ ದುನಿಪುನು ಪಟ್ಟೊಂಡೆರ್.

ಕಬಿ ಕೂಟಡ್ ಸಹಕಾರ ರತ್ನ ಸಿರಿ ದಂಬೆಕಾನ ಸದಾಶಿವ ರೈ ಸುರುತ ಪಾತೆರ ಪಾತೆರ್ದ್,ಸಿಟಿ ಆಸ್ಪತ್ರೆ ಪುತ್ತೂರ್ದ ಡಾ. ಎ. ಪಿ. ಭಟ್, ವಿವೇಕಾನಂದ ಬಿ. ಎಡ್ ಕಾಲೇಜ್ ದ ಪ್ರಾಂಶುಪಾಲೆರಾಯಿನ ಡಾ. ಶೋಭಿತಾ ಸತೀಶ್ ಮಲ್ಲ ಬಿನ್ನೆರಾದ್ ಪಾಲ್ ಪಡೆಯೆರ್.

ಕಬಿಕೂಟಡ್ ಸುಪ್ರೀತಾ ಚರಣ್ ಪಾಲಪ್ಪೆ ಕಡಬ, ಸಿ. ಶೇ. ಕಜೆಮಾರ್, ರಶ್ಮಿತಾ ಸುರೇಶ್ ಜೋಗಿಬೆಟ್ಟು, ಚಂದ್ರಶೇಖರ ಮಾಲೆತ್ತೋಡಿ, ಸುಜಯ ಎಸ್. ಸ್ವರ್ಗ, ವಿಶ್ವನಾಥ್ ಕುಲಾಲ್ ಮಿತ್ತೂರ್, ವಿಂಧ್ಯಾ ಎಸ್ ರೈ, ಕೇಶವ ನೆಲ್ಯಾಡಿ, ಪದ್ಮಾ ಕೆ ಆರ್ ಆಚಾರ್ಯ, ಚಂದ್ರಹಾಸ ಕುಂಬಾರ ಬಂದಾರು,ಶ್ರೀಶಾ ವಾಸವಿ ತುಳುನಾಡ್, ಸಂಜೀವ ಮಿತ್ತಳಿಕೆ, ಸುನೀತಾ ಶ್ರೀರಾಮ್, ಜಯರಾಮ್ ಪಡ್ರೆ, ಪೂರ್ಣಿಮಾ ಪೆರ್ಲಂಪಾಡಿ, ಶ್ರುತಿಕಾ ಓಜಾಲ, ಅಶ್ವಿಜಾ ಶ್ರೀಧರ್, ಆನಂದ ರೈ ಅಡ್ಕಸ್ಥಳ, ಸತೀಶ್ ಬಿಳಿಯೂರು, ಪೂವಪ್ಪ ನೇರಳಕಟ್ಟೆ, ಪರಿಮಳ ಮಹೇಶ್ ರಾವ್, ಗೀತಾ ಲಕ್ಷ್ಮೀಶ್ ಮಂಗಳೂರು, ಪದ್ಮನಾಭ ಮಿಜಾರ್, ಅಪೂರ್ವ ಕಾರಂತ್ ದರ್ಬೆ, ಅಶೋಕ್ ಎನ್ ಕಡೇಶಿವಾಲಯ, ಸುಭಾಷ್ ಪೆರ್ಲ, ದೇವಿಕಾ. ಜೆ. ಜಿ. ಬನ್ನೂರು, ಇಂಚ ಜಿಲ್ಲೆದ ಬೇತೆ ಬೇತೆ ಕಡೆರ್ದ್ ಕಬಿಕ್ಲ್ ಪಾಲ್ ಪಡೆದಿತ್ತೆರ್. ಕಬಿಕೂಟನ್ ಸುಪ್ರೀತಾ ಚರಣ್ ಪಾಲಪ್ಪೆ ಕಡಬ ಸುದಾರಿಕೆ ಮಲ್ತ್ ಕೊರ್ಯೆರ್, ಚಿಗುರೆಲೆ ಸಾಹಿತ್ಯ ಬಳಗ ಪುತ್ತೂರು ಉಂದೆತ್ತ ನಾರಾಯಣ ಕುಂಬ್ರ ಕೂಟನ್ ಅಟ್ಟಣೆ ಮಲ್ತ್, ರಶ್ಮಿತಾ ಸುರೇಶ್ ಜೋಗಿಬೆಟ್ಟು, ಕು. ತಶ್ವಿ ಶಾಂಭವಿ ಬೆರಿ ಸಕಾಯ ಕೊರ್ದು,ತುಳುಕೂಟೊ ಪುತ್ತೂರು ಉಂದೆತ್ತ ನಿರ್ದೇಶಕೆರಾಯಿನ ಸಿರಿ ಬಿ. ಟಿ. ಮಹೇಶ್ಚಂದ್ರ ಸಾಲಿಯಾನ್ ಸೊಲ್ಮೆ ಸಂದೈತ ಮಲ್ತೆರ್.

RELATED ARTICLES
- Advertisment -
Google search engine

Most Popular