ಕಟೀಲು: ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನ ಪದವಿ ಪೂರ್ವ ಕಾಲೇಜು ಕಟೀಲು ಹಾಗೂ ಜೈ ತುಳುನಾಡ್ (ರಿ) ವತಿಯಿಂದ ಆಯೋಜಿಸಲಾದ ʻಬಲೆ ತುಳು ಲಿಪಿ ಕಲ್ಪುಗʼ ಅಭಿಯಾನದ ತುಳು ಲಿಪಿ ಪರೀಕ್ಷೆಯ ಫಲಿತಾಂಶ ಆ. 31ರಂದು ಪ್ರಕಟಗೊಂಡಿದೆ. ತುಳು ಲಿಪಿ ಪರೀಕ್ಷೆಯಲ್ಲಿ ಖುಷಿ (94 ಅಂಕ) ಹಾಗೂ ಅರ್ಪಿತಾ (94 ಅಂಕ) ಪ್ರಥಮ ಸ್ಥಾನ ಹಂಚಿಕೊಂಡರೆ, ಸುಶ್ಮಿತಾ ಎಸ್ (93 ಅಂಕ) ದ್ವಿತೀಯ ಮತ್ತು ಯಶವಿತಾ ಜೆ ಕೋಟಾನ್ (91 ಅಂಕ) ತೃತೀಯ ಸ್ಥಾನ ಪಡೆದಿದ್ದಾರೆ.
ತುಳು ಲಿಪಿ ಪರೀಕ್ಷೆ ಆ.10ರಂದು ನಡೆದಿತ್ತು. ಪರೀಕ್ಷೆ ಬರೆದ ಎಲ್ಲ ಮಕ್ಕಳೂ ಉತ್ತಮ ಅಂಕ ಪಡೆದಿದ್ದಾರೆ. ತುಳು ಲಿಪಿ ಕಾರ್ಯಾಗಾರವನ್ನು ಜೈ ತುಳುನಾಡ್ (ರಿ) ಕೂಟದ ಅಧ್ಯಕ್ಷ ಉದಯ್ ಪೂಂಜ ತರಿಪಾಡಿಗುತ್ತು ಮತ್ತು ತುಳು ಲಿಪಿ ಶಿಕ್ಷಕ ಕಿರಣ ತುಳುವೆ ನಡೆಸಿಕೊಟ್ಟರು.
