ವರದಿ :-ಮಂದಾರ ರಾಜೇಶ್ ಭಟ್ ತುಳುನಾಡು ವಾರ್ತೆ
ಪುತ್ತೂರು :-ಸಂತ ಫಿಲೋಮಿನಾ ಕಾಲೇಜು (ಸ್ವಾಯತ್ತ) ಪುತ್ತೂರು ತುಳು ಸಾಹಿತ್ಯ ಸಂಘ, ತುಳುವ ಮಹಾ ಸಭೆ ಪುತ್ತೂರು ತಾಲೂಕು ಇದರ ಜಂಟಿ ಸಹಭಾಗಿತ್ವದಲ್ಲಿ, ತುಳು ವರ್ಲ್ಡ್ ಕಟೀಲು ಸಂಯೋಜನೆಯಲ್ಲಿ, ಮಂದಾರ ಪ್ರತಿಷ್ಠಾನ ಮಂಗಳೂರು ಸಹಕಾರದೊಂದಿಗೆ ತುಳುವರ ಆಟಿದ ಲೇಸ್ ಮಂದಾರ ರಾಮಾಯಣ – ಸುಗಿಪು ದುನಿಪು ಕಾರ್ಯಕ್ರಮವನ್ನು
16-08-2025 ರಂದು ಶನಿವಾರ ಬೆಳಗ್ಗೆ ಸಂತ ಫಿಲೋಮಿನಾ ಕಾಲೇಜಿನ ಬೆಳ್ಳಿ ಹಬ್ಬ ಸಭಾಭವನದಲ್ಲಿ ಏರ್ಪಡಿಸಲಾಗಿತ್ತು.
ಮಂದಾರ ಕೇಶವ ಭಟ್ಟರ ಮಗಳು ಶಾರದಾಮಣಿ ದೀಪ ಬೆಳಗಿಸುವುದರೊಂದಿಗೆ ಮಂದಾರ ರಾಮಾಯಣ ಸುಗಿಪು -ದುನಿಪು ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು. ಸುಮಾರು ಎರಡು ಗಂಟೆಗಳ ಕಾಲದ ಮಂದಾರ ರಾಮಾಯಣ ಕಾರ್ಯಕ್ರಮದಲ್ಲಿ ದುನಿಪು:ಪ್ರೊ.ವೆಂಕಟರಮಣ ಭಟ್, ಸುಳ್ಯ. ಸುಗಿಪು : ಪ್ರಶಾಂತ ರೈ ಪುತ್ತೂರು ಮತ್ತು ರಚನಾ ಚಿತ್ಕಲ್ ಹಾಗೂ ಮದ್ದಳೆ : ಚಂದ್ರಶೇಖರ ಗುರುವಾಯನಕೆರೆ ನುಡಿಸಿದ್ದು, ಒಟ್ಟಾರೆಯಾಗಿ ಕಾರ್ಯಕ್ರಮ ಸಭಾಂಗಣದಲ್ಲಿ ಸೇರಿದ ಆಮಂತ್ರಿತರು ಮತ್ತು ವಿದ್ಯಾರ್ಥಿಗಳ ಮನ ಗೆಲ್ಲುವಲ್ಲಿ ಯಶಸ್ವಿಯಾಯಿತು, ತುಂಬಿದ ಸಭೆ ಕರತಾಡನದೊಂದಿಗೆ ಕಾರ್ಯಕ್ರಮದ ಬಗ್ಗೆ ಮೆಚ್ಚುಗೆ ಜೊತೆಗೆ ಸಂತಸ ವ್ಯಕ್ತಪಡಿಸಿತು ವಿಜಯಕುಮಾರ್ ಉಪ ಪ್ರಾಚಾರ್ಯರು ಸಂತ ಫಿಲೋಮಿನಾ ಕಾಲೇಜು ಪುತ್ತೂರು,
ತುಳುವರ್ಲ್ ಫೌಂಡೇಶನ್ ಕಟೀಲು ನಿರ್ದೇಶಕ ಡಾ. ರಾಜೇಶ್ ಆಳ್ವ, ತುಳುವ ಮಹಾಸಭೆ ಕಟೀಲು ಮುಖ್ಯ ಸಂಚಾಲಕ ಸೇವಾ ರತ್ನ ಪ್ರಮೋದ್ ಸಪ್ರೆ, ಮಂದಾರ ಪ್ರತಿಷ್ಠಾನ ಮಂಗಳೂರು ಅಧ್ಯಕ್ಷ
ಡಾ. ರಾಜೇಶ್ ಭಟ್ ಮಂದಾರ, ತುಳುವ ಮಹಾಸಬೆ ಪುತ್ತೂರು ತಾಲೂಕು ಸಂಚಾಲಕಿ ಶ್ರೀಶವಾಸವಿ, ಪ್ರಶಾಂತ ರೈ ಸಂಯೋಜಕರು ತುಳು ಸಾಹಿತ್ಯ ಸಂಘ ಪುತ್ತೂರು, ಅಕ್ಷತಾ ಬಿ ಪೂಂಜ ಸಹ ಸಂಚಾಲಕರು ತುಳು ಸಾಹಿತ್ಯ ಸಂಘ ಪುತ್ತೂರು, ನ್ಯಾಯವಾದಿ ಹರಿಣಾಕ್ಷಿ ಶೆಟ್ಟಿ ತುಳು ಕೂಟ ಪುತ್ತೂರು, ಹರಿಪ್ರಸಾದ್ ತುಳುವ ಮಹಾಸಭೆ, ಜಯರಾಮ್ ಭಟ್ ಮಂಗಳೂರು, ಅನಂತ ಪ್ರಸಾದ್ ಕೇಮಾರು, ವಿಷ್ಣು ಭಟ್ಟ ಪುತ್ತೂರು, ಸೇರಿದಂತೆ ಆಮಂತ್ರಿತರು ಮತ್ತು ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು.