ಇಂದು ನವೆಂಬರ್ 14 ಮಕ್ಕಳ ದಿನಾಚರಣೆಯನ್ನು ರೋಟರಿ ಆಂಗ್ಲ ಮಾಧ್ಯಮ ಶಾಲೆಯಲ್ಲಿ ಅತ್ಯಂತ ಸಂಭ್ರಮ ಮತ್ತು ಸಡಗರದಿಂದ ಆಚರಿಸಲಾಯಿತು. .
ಶಾಲಾ ಮುಖ್ಯಸ್ಥೆ ಶ್ರೀಮತಿ ತಿಲಕಾ ಅನಂತವೀರ್ ಜೈನ್ ಎಲ್ಲರನ್ನೂ ಸ್ವಾಗತಿಸಿ ವಿದ್ಯಾರ್ಥಿಗಳಿಗೆ ಶುಭಹಾರೈಸಿದರು. ಜವಾಹರಲಾಲ್ ನೆಹರೂ ರವರ ಭಾವಚಿತ್ರಕ್ಕೆ ಪುಷ್ಪಾಂಜಲಿ ಅರ್ಪಿಸಿ ದಿನದ ಮಹತ್ವವನ್ನು ತಿಳಿಸಲಾಯಿತು.
ಮಕ್ಕಳಿಗೆ ಅದೃಷ್ಟದ ಆಟಗಳನ್ನು ಆಡಿಸಿ ಬಹುಮಾನ ವಿತರಿಸಲಾಯಿತು.
ಶಾಲೆಯ ಹಿರಿಯ ಸಂಯೋಜಕರಾದ ಗಜಾನನ ಮರಾಠೆ, ಇತರ ಸಂಯೋಜಕರಾದ ಸುಧೀರ್ ಕುಮಾರ್, ಡೀಲನ್ ಮಸ್ಕರೇನಸ್, ಗಾಯತ್ರಿ, ಮೋಹನ್ , ಪ್ರಫುಲ್ಲಾ , ಶಶಿಲತಾ, ಸುಪ್ರಿಯಾ , ಎಲ್ಲಾ ಶಿಕ್ಷಕರು
ಹಾಗೂ ಶಿಕ್ಷಕೇತರ ವೃಂದದವರು ಉಪಸ್ಥಿತರಿದ್ದು , ಮಕ್ಕಳಿಗೆ ಶುಭಾಶಯ ಕೋರಿದರು..
ಶಿಕ್ಷಕರಿಂದ ಮನರಂಜನಾ ಕಾರ್ಯಕ್ರಮ , ಐಸ್ಕ್ರೀಂ ಹಾಗೂ ಸಿಹಿಯೂಟ , ಮಕ್ಕಳ ಸಂಭ್ರಮಕ್ಕೆ ಸಾಕ್ಷಿಯಾದುದು ದಿನದ ವಿಶೇಷವಾಗಿತ್ತು