ಮಂಗಳೂರು : ಪ್ರತಿಭಾವಂತ ವಿದ್ಯಾರ್ಥಿಗಳಿಗೆ ಆರ್ಥಿಕ ಅಡೆತಡೆ ಎಂದಿಗೂ ಅಡ್ಡಿಯಾಗಬಾರದು ಎಂಬ ತತ್ವವನ್ನು ಪ್ರಸಿದ್ಧ ಶಿಕ್ಷಣ ಸಂಸ್ಥೆ ಬಿಟ್ಸ್ ಪಿಲಾನಿ ಸದಾ ಎತ್ತಿಹಿಡಿಯುತ್ತಾ ಬಂದಿದೆ. ಈ ಬದ್ಧತೆಯು ವಿದ್ಯಾರ್ಥಿವೇತನ-ಆಧಾರಿತ ಬೆಂಬಲದ ಬಲವಾದ ಸಾಂಸ್ಥಿಕ ಸಂಸ್ಕೃತಿಯನ್ನು ರೂಪಿಸಿದ್ದು, ಎಲ್ಲಾ ಅರ್ಹ ವಿದ್ಯಾರ್ಥಿಗಳಿಗೆ ಸಮಾನ ಅವಕಾಶವನ್ನು ಖಚಿತಪಡಿಸಿದೆ. ಕಳೆದ ವರ್ಷವೊಂದರಲ್ಲೇ, ಸಂಸ್ಥೆಯು ₹132 ಕೋಟಿ ಮೌಲ್ಯದ ಮೆರಿಟ್ ಮತ್ತು ಮೆರಿಟ್-ಕಮ್-ನೀಡ್ ವಿದ್ಯಾರ್ಥಿವೇತನವನ್ನು ವಿತರಿಸಿದ್ದು, ತನ್ನ ಕ್ಯಾಂಪಪ್ ಸ್ಥಳಗಳಾದ್ಯಂತ ಪ್ರತಿ ನಾಲ್ವರಲ್ಲಿ ಒಬ್ಬ ವಿದ್ಯಾರ್ಥಿಗೆ ಆರ್ಥಿಕ ನೆರವು ಒದಗಿಸಿದೆ.
2026-27ನೇ ಶೈಕ್ಷಣಿಕ ವರ್ಷದಿಂದ ಪ್ರಾರಂಭವಾಗಿ, ಬಿಟ್ಸ್ ಪಿಲಾನಿಯು ತನ್ನ 60 ವರ್ಷಗಳ ಪಯಣದಲ್ಲಿಒಂದು ಐತಿಹಾಸಿಕ ಹೆಜ್ಜೆ ಇಡುತ್ತಿದ್ದು, ಟಾಪ್ 500 ಬಿಟ್ಸಾಟ್ ರ್ಯಾಂಕರ್ಗಳಿಗೆ ‘ಟ್ಯೂಷನ್-ಬ್ಲೈಂಡ್’ ಪ್ರವೇಶವನ್ನು ಪರಿಚಯಿಸುತ್ತಿದೆ. ₹20 ಲಕ್ಷದವರೆಗೆ ವಾರ್ಷಿಕ ಕೌಟುಂಬಿಕ ಆದಾಯ ಹೊಂದಿರುವ ಅರ್ಹ ಅಭ್ಯರ್ಥಿಗಳು ತಮ್ಮ ಕ್ಯಾಂಪಸ್ ಸ್ಥಳಗಳಲ್ಲಿ ಕನಿಷ್ಠ7.5 ಸಿಜಿಪಿಎ ಕಾಯ್ದುಕೊಳ್ಳುವ ಷರತ್ತಿಗೊ ಳಪಟ್ಟು, ಎಲ್ಲಾ ನಾಲ್ಕು ವರ್ಷಗಳ ಕಾಲ ಸಂಪೂರ್ಣ ಬೋಧನಾ ಶುಲ್ಕದ ವಿದ್ಯಾರ್ಥಿವೇತನವನ್ನು ಪಡೆಯಲಿದ್ದಾರೆ.
ಇದು ವಿದ್ಯಾರ್ಥಿಗಳು ಕಾಲೇಜಿಗೆ ಸೇರಿದ ನಂತರ ಅರ್ಜಿ ಸಲ್ಲಿಸಬೇಕಾದ ವಿದ್ಯಾರ್ಥಿವೇತನವಲ್ಲ, ಬದಲಾಗಿ, ಇದು ಪ್ರವೇಶಾತಿಯ ಆಫ್ನೊಂದಿಗೇ ಬರುವ ಭರವಸೆಯಾಗಿದೆ. ಇದರಿಂದಾಗಿ ಅತ್ಯುತ್ತಮ ಸಾಧಕರು ಆರ್ಥಿಕ ಹೊ ರೆಯ ಬಗ್ಗೆಚಿಂತಿಸದೆ, ಕೇವಲ ತಮ್ಮ ಆಕಾಂಕ್ಷೆ ಮತ್ತುಅವಕಾಶದ ಆಧಾರದ ಮೇಲೆ ಬಿಟ್ಸ್ ಅನ್ನು ಆಯ್ಕೆ ಮಾಡಿಕೊಳ್ಳಬಹುದು ಎಂದು ಗ್ರೂಪ್ ವೈಸ್ ಚಾನ್ಸಲರ್ ಪ್ರೊ. ವಿ. ರಾಮಗೋಪಾಲ್ ರಾವ್ ತಿಳಿಸಿದರು.