ಮಣಿಪಾಲ: ಮಣಿಪಾಲ್ ಅಕಾಡೆಮಿ ಆಫ್ ಹೈಯರ್ ಎಜುಕೇಶನ್ (ಮಾಹೆ) ಹಾಗೂ ಬ್ಯಾಂಕ್ ಆಫ್ ಬರೋಡಾದ ಸಂಪೂರ್ಣ ಸ್ವಾಮ್ಯದ ಉಪಕಂಪನಿ ಬೋಬಾರ್ಡ್ ಲಿಮಿಟೆಡ್ ಮಣಿಪಾಲ್ ಮಾಹೆ ಕ್ಯಾಂಪಸ್ನಲ್ಲಿ ಆಯೋಜಿಸಿದ ವಿಶೇಷ ಗೌರವ ಸಮಾರಂಭದಲ್ಲಿ ಒಳಗೊಳ್ಳುವಿಕೆ, ಸುಲಭ ಪ್ರವೇಶ ಮತ್ತು ಶ್ರೇಷ್ಠತೆ ಆಚರಿಸಿವೆ. ಮಾಹೆ ಮತ್ತು ಬೋಬಾರ್ಡ್ ಸಂಯುಕ್ತವಾಗಿ ಆಯೋಜಿಸಿದ ಈ ಕಾರ್ಯಕ್ರಮದಲ್ಲಿ ಮೊದಲ ಬ್ಲೈಂಡ್ ಮಹಿಳಾ ಕ್ರಿಕೆಟ್ ಟಿ20 ವಿಶ್ವಕಪ್ ವಿಜೇತ ಭಾರತೀಯ ಬ್ಲೈಂಡ್ ಮಹಿಳಾ ಕ್ರಿಕೆಟ್ ತಂಡವನ್ನು ಗೌರವಿಸಲಾಯಿತು.
ಇದು ಭಾರತೀಯ ಕ್ರೀಡಾ ಇತಿಹಾಸದಲ್ಲಿ ಮಹತ್ವದ ಮೈಲಿಗಲ್ಲಾಗಿದೆ. ಈ ಸಹಕಾರವು ಒಳಗೊಳ್ಳುವ ವ್ಯವಸ್ಥೆಯನ್ನು ಮುಂದೂಡುವ ಎರಡೂ ಸಂಸ್ಥೆಗಳ ಸಾಮಾನ್ಯ ಬದ್ಧತೆಯನ್ನು ಪ್ರತಿಬಿಂಬಿಸುತ್ತದೆ ಮಾಹೆ ಶಿಕ್ಷಣ ಮತ್ತು ಸಾಮಾಜಿಕ ಪ್ರಭಾವದ ಮೂಲಕ ಹಾಗೂ ಬೋಬಾರ್ಡ್ ಜವಾಬ್ದಾರಿಯುತ ಮತ್ತು ಸುಲಭವಾಗಿ ಲಭ್ಯವಾಗುವ ಹಣಕಾಸು ನವೀನತೆಯ ಮೂಲಕ. ಈ ದೃಷ್ಟಿಕೋನದ ಭಾಗವಾಗಿ, ಕಾರ್ಯಕ್ರಮದಲ್ಲಿ ಮಾಹೆಯ ಸುಲಭ ಪ್ರವೇಶ ಮತ್ತು ಸಮಾನ ಅವಕಾಶಗಳನ್ನು ಉತ್ತೇಜಿಸುವ ಪರಂಪರೆಯೊಂದಿಗೆ ಬೋಬಾರ್ಡ್ ಸಂವೇದನಾಶೀಲ ಮತ್ತು ಬಳಕೆದಾರಕೇಂದ್ರಿತ ಕ್ರೆಡಿಟ್ ವಿನ್ಯಾಸ ತತ್ವವನ್ನು ಒಟ್ಟುಗೂಡಿಸಲಾಯಿತು.
ಈ ಸಂದರ್ಭದಲ್ಲಿ ಬೋಬಾರ್ಡ್ ಬ್ರೇಲ್ ಸಹಿತ ಬೋಬಾರ್ಡ್ ಪ್ರೀಮಿಯರ್ ಕ್ರೆಡಿಟ್ ಕಾರ್ಡ್ ಬಿಡುಗಡೆ ಮಾಡಿತು. “ವಿಮೆನ್ ಇನ್ ಬ್ಲೂ” ಹೊಸ ತಲೆಮಾರಿನ ಗೌರವದೊಂದಿಗೆ, ಸುಲಭ ಪ್ರವೇಶವನ್ನು ದೈನಂದಿನ ಹಣಕಾಸು ವ್ಯವಸ್ಥೆಗಳ ಅವಿಭಾಜ್ಯ ಭಾಗವಾಗಿಸಬೇಕೆಂಬ ಸಂದೇಶವನ್ನು ಇದು ನೀಡುತ್ತದೆ ಮಾಹೆ ಪ್ರೊ.ಚಾನ್ಸಲರ್ ಡಾ. ಎಚ್. ಎಸ್. ಬಲ್ಲಾಲ್ ಹೇಳಿದರು.