ವಿಶ್ವಗನ್ನಡ ಕಲಾ ಸಂಸ್ಥೆ (ರಿ) ಇವರು ಸಾವಿರ ಕವಿಗಳ ಇಂಡಿಯಾ ಬುಕ್ ಆಫ್ ರೆಕಾರ್ಡ್ ಪ್ರಮಾಣಿತ ಕವಿಗೋಷ್ಠಿಯನ್ನು ದಿನಾಂಕ 23.02.2025 ರಂದು ವಿಶ್ವ ಕನ್ನಡ 6ನೇ ರಾಜ್ಯ ಮಟ್ಟದ ದಾಖಲೆಯ ಕವಿಗಳ ಕವಿಗೋಷ್ಠಿ ಸಮ್ಮೇಳನ-2025 ಬೆಂಗಳೂರಿನ ಹೆಸರಘಟ್ಟ ಅಸೆಂಟ್ ಪದವಿ ಪೂರ್ವ ಕಾಲೇಜಿನಲ್ಲಿ ಆಯೋಜಿಸಲಾದ ಸಾವಿರ ಕವಿಗೋಷ್ಠಿಯಲ್ಲಿ ಪುಷ್ಪ ಪ್ರಸಾದ್ ಉಡುಪಿ ಇವರು ಭಾಗವಹಿಸಿ ಯಕ್ಷಲೋಕ ಎಂಬ ಕವನವನ್ನು ವಾಚಿಸಿ ಇಂಡಿಯಾ ಬುಕ್ ಆಫ್ ರೆಕಾರ್ಡ್ಸ್ ಗೆ ಆಯ್ಕೆಯಾಗಿದ್ದು, ಇದೀಗ ದಿನಾಂಕ 04-08-2025ರಂದು ಇವರಿಗೆ ಅಸೆಂಟ್ ಪದವಿಪೂರ್ವ ಕಾಲೇಜಿನಲ್ಲಿ ಇಂಡಿಯಾ ಬುಕ್ ಆಫ್ ರೆಕಾರ್ಡ್ಸ್ ವತಿಯಿಂದ ಪ್ರಮಾಣ ಪತ್ರವನ್ನು ನೀಡಿ ಅಭಿನಂದಿಸಿರುತ್ತಾರೆ. ಪ್ರಸ್ತುತ ಇವರು ನ್ಯಾಯಾಂಗ ಇಲಾಖೆ ಉಡುಪಿಯಲ್ಲಿ ಕಾರ್ಯನಿರ್ವಹಿಸುತ್ತಿದ್ದಾರೆ.