ಕರಾವಳಿ ಕರ್ನಾಟಕದಾದ್ಯಂತ ಪ್ರಶಂಸೆ ಪಡೆದ ಕಲಾತಪಸ್ವಿ ಸಾಂಸ್ಕೃತಿಕ ತಂಡ ಮತ್ತೊಮ್ಮೆ ಪ್ರಸ್ತುತ ಪಡಿಸುತ್ತಿದೆ ವಿನೂತನ ಸ್ಪರ್ಧೆ

ಕುಣಿಯುವ ಮನಸುಗಳಿಗೆ ಸಜ್ಜಾಗಿದೆ ಏಕವ್ಯಕ್ತಿ ನೃತ್ಯಸ್ಪರ್ಧೆ’ಗೆಜ್ಜೆನಾದ-ಸೀಸನ್ 2′ ವೇದಿಕೆ

ವಿಟ್ಲ: ಕಳೆದ ಮೂರು ವರ್ಷಗಳಿಂದ ಹಲವಾರು ವಿಭಿನ್ನ ಕಾರ್ಯಕ್ರಮಗಳೊಂದಿಗೆ ಕರಾವಳಿ ಕರ್ನಾಟಕದಾದ್ಯಂತ ಪ್ರಶಂಸೆ ಪಡೆದ ಕಲಾತಪಸ್ವಿ ಸಾಂಸ್ಕೃತಿಕ ತಂಡವು ವಿನೂತನ ಶೈಲಿಯೊಂದಿಗೆ ಹೆಜ್ಜೆ ಹಾಕಲು ಮುಂದಾಗಿದ್ದು, ಸಾಂಸ್ಕೃತಿಕ ರಂಗದಲ್ಲಿ ವಿಭಿನ್ನತೆಯನ್ನು ಸಾರಲು ಮುಂದಾಗಿದೆ.
ಹಲವಾರು ವೇದಿಕೆಗಳಲ್ಲಿ ನೃತ್ಯ ಸಂಗೀತ, ನಾಟಕ ಹೀಗೆ ಎಲ್ಲಾ ಪ್ರಕಾರದ ಸಾಂಸ್ಕೃತಿಕ ವೈಭವಗಳನ್ನು ಪ್ರದರ್ಶಿಸಿ, ತನ್ನದೇ ವಿಶೇಷ ಶೈಲಿಯೊಂದಿಗೆ ಜನಮನ್ನಣೆ ಪಡೆದ ಕಲಾ ತಪಸ್ವಿ ತಂಡವು ಇದೀಗ ಹೊಸ ಸ್ಪರ್ಧೆಯೊಂದಿಗೆ ತಮ್ಮಮುಂದೆ ನಿಂತಿದೆ.

ಕುಣಿಯುವ ಮನಸ್ಸುಗಳಿಗೆ ವೇದಿಕೆಯನ್ನು ಕಲ್ಪಿಸಿಕೊಡುವ ಉದ್ದೇಶದಿಂದ ಕಳೆದ ಜನವರಿ ತಿಂಗಳಲ್ಲಿ ಗೆಜ್ಜೆನಾದ-2025 ಎನ್ನುವ ಹೆಸರಿನಲ್ಲಿ ನೃತ್ಯ ಸ್ಪರ್ಧೆಯನ್ನು ಆಯೋಜಿಸಿ, ಯಶಸ್ವಿಯಾಗಿ ಸ್ಪರ್ಧೆಯನ್ನು ನಡೆಸಿ ಕಲಾಭಿಮಾನಿಗಳ ಮನವನ್ನು ತಂಡ ಗೆದ್ದಿತ್ತು. ಈಗ ಅದೇ ಯಶಸ್ಸಿನ ಮುಂದುವರಿದ ಭಾಗವಾಗಿ ನವೆಂಬರ್ 02ನೇ ಆದಿತ್ಯವಾರ.. ವಿಠಲ ಪದವಿಪೂರ್ವ ಕಾಲೇಜಿನ ಸುವರ್ಣ ರಂಗಮಂದಿರದಲ್ಲಿ ಗೆಜ್ಜೆನಾದ-ಸೀಸನ್ 2 ಸ್ಪರ್ಧೆ ನಡೆಯಲಿದೆ.

ಸ್ಪರ್ಧೆಯಲ್ಲಿ ವಿಜೇತರಾದವರಿಗೆ ಬಹುಮಾನ ರೂಪದಲ್ಲಿ
ಪ್ರಥಮ Rs:-10,000 ಮತ್ತು ಗೆಜ್ಜೆನಾದ ಟ್ರೋಫಿ
ದ್ವಿತೀಯ Rs:-5,000 ಮತ್ತು ಗೆಜ್ಜೆನಾದ ಟ್ರೋಫಿ
ತೃತೀಯ Rs:-3,000 ಮತ್ತು ಗೆಜ್ಜೆನಾದ ಟ್ರೋಫಿ
ಚತುರ್ಥ :- ಗೆಜ್ಜೆನಾದ ಟ್ರೋಫಿ
ಪಂಚಮ:- ಗೆಜ್ಜೆನಾದ ಟ್ರೋಫಿ
ನೀಡಿ ಗೌರವಿಸಲಾಗುವುದು.

ಸ್ಪರ್ಧೆಯ ನಿಯಮಗಳು ಮತ್ತು ನಿಬಂಧನೆಗಳು

•ಸ್ಪರ್ಧೆಯಲ್ಲಿ ಭಾಗವಹಿಸಲು ಸ್ಪರ್ಧಿಗಳು ಅಕ್ಟೋಬರ್ 20-2025ರ ಒಳಗೆ ಪ್ರವೇಶ ಶುಲ್ಕವನ್ನು ನೀಡಿ ತಮ್ಮ ಹೆಸರನ್ನು ನೊಂದಾಯಿಸಿಕೊಳ್ಳತಕ್ಕದ್ದು.
*ಹೆಸರು ನೋಂದಾಯಿಸಿಕೊಳ್ಳುವ ಮೊದಲ 60 ಸ್ಪರ್ಧಿಗಳಿಗೆ ಮೊದಲ ಆದ್ಯತೆ ನೀಡಲಾಗುವುದು.
*ಸ್ಪರ್ಧೆಗೆ ಬಳಸುವ ಹಾಡು ಕನ್ನಡ ಅಥವಾ ತುಳು ಭಾಷೆಯಲ್ಲಿರಬೇಕು.
ಇತರೆ ಭಾಷೆಯ (ಹಿಂದಿ, ತಮಿಳು, ಇಂಗ್ಲೀಷ್ ಇತ್ಯಾದಿ) ಹಾಡುಗಳನ್ನು ಬಳಸುವಂತಿಲ್ಲ.
*ಜನಪದ ಹಾಡುಗಳು ಅಥವಾ ಭಕ್ತಿಗೀತೆಗಳನ್ನು ಸೇರಿಸಬಹುದು, ಆದರೆ ಅವು ಕೂಡ ಕನ್ನಡ/ತುಳು ಭಾಷೆಯಲ್ಲಿರಬೇಕು.
*ಯಾವುದೇ ನೃತ್ಯ ಶೈಲಿಯನ್ನು ಬಳಸಬಹುದು – ಭರತನಾಟ್ಯ, ಫೋಕ್, ಫ್ರೀಸ್ಟೈಲ್, ಸೆಮಿ-ಕ್ಲಾಸಿಕಲ್, ವೆಸ್ಟರ್ನ್ ಅಥವಾ ಫ್ಯೂಶನ್.
*ಶೈಲಿಯಲ್ಲಿ ಸ್ವಾತಂತ್ರ್ಯವಿದೆ, ಆದರೆ ಹಾಡಿನ ಥೀಮ್‌ಗೆ ಹೊಂದಿಕೊಳ್ಳಬೇಕು.
*ಪ್ರದರ್ಶನವು 4+1 ನಿಮಿಷಗಳಿಗೆ ಸೀಮಿತವಾಗಿರುತ್ತದೆ. ಹಾಗೂ ವೇದಿಕೆಯಲ್ಲಿ ಸಿದ್ಧತೆಯನ್ನು ಮಾಡಲು ಹೆಚ್ಚುವರಿ 1 ನಿಮಿಷವನ್ನು ನೀಡಲಾಗುತ್ತದೆ.
*ಯಾವುದೇ ರೀತಿಯ ಅಸಭ್ಯತೆ, ಅನುಚಿತ ಭಾಷೆ, ದೇವತೆಗಳು, ರಾಷ್ಟ್ರ, ಜಾತಿ ಅಥವಾ ಯಾವುದೇ ಸಮುದಾಯದ ಅವಹೇಳನಕಾರಿಯಾದ ವಿಷಯಗಳನ್ನು ಕಟ್ಟುನಿಟ್ಟಾಗಿ ನಿಷೇಧಿಸಲಾಗಿದೆ.
*ತಮ್ಮ ಭಾಗವಹಿಸುವಿಕೆಯನ್ನು ಖಚಿತಪಡಿಸಲು ಸ್ಪರ್ಧಿಗಳು ಸ್ಪರ್ಧೆಗೆ 15 ನಿಮಿಷಗಳ ಮೊದಲು ಆಗಮಿಸಬೇಕಾಗುತ್ತದೆ. ಸ್ಪರ್ಧೆಗೆ ಸಂಬಂಧಿಸಿದ ಹೆಚ್ಚಿನ ವಿವರಗಳನ್ನು ಮುಂದಿನ ದಿನಗಳಲ್ಲಿ ತಿಳಿಸಲಾಗುವುದು.
*ಸ್ಪರ್ಧೆಯಲ್ಲಿ ಭಾಗವಹಿಸುವ ಸ್ಪರ್ಧಿಗಳು ಆಡಿಯೋ ಅಗತ್ಯಗಳಿಗಾಗಿ ಪೆನ್ ಡ್ರೈವ್‌ಗಳನ್ನು ಬಳಸಬೇಕಾಗುತ್ತದೆ. ಯಾವುದೇ ರೀತಿಯ ತಾಂತ್ರಿಕ ದೋಷಗಳು ಉಂಟಾದಲ್ಲಿ ಸಂಘಟಕರು ಜವಾಬ್ದಾರರಾಗಿರುವುದಿಲ್ಲ.
*ಬೆಂಕಿ ಅಥವಾ ಇತರ ಅಪಾಯಕಾರಿ ಸಾಧನಗಳನ್ನು ಬಳಸುವಂತಿಲ್ಲ.
*ಅಗತ್ಯ ಧ್ವನಿ ಮತ್ತು ಬೆಳಕಿನ ಸಾಧನಗಳನ್ನು ಒದಗಿಸಲಾಗುತ್ತದೆ.
*ಅನುಚಿತ ವರ್ತನೆಯನ್ನು ಪ್ರದರ್ಶಿಸುವ ಸ್ಪರ್ಧಿಗಳು ಅನರ್ಹತೆಯನ್ನು ಎದುರಿಸಬೇಕಾಗುತ್ತದೆ.
*ಪ್ರವೇಶ ಶುಲ್ಕವನ್ನು ನೀಡಿ ಸ್ಪರ್ಧಿಗಳು ಸ್ಪರ್ಧೆಗೆ ಭಾಗವಹಿಸದೆ ಇದ್ದಲ್ಲಿ ಯಾವುದೇ ಕಾರಣಕ್ಕೂ ಪ್ರವೇಷ ಶುಲ್ಕವನ್ನು ಹಿಂತಿರುಗಿಸಲಾಗುವುದಿಲ್ಲ.
*ತೀರ್ಪುಗಾರರ ನಿರ್ಧಾರಗಳೇ ಅಂತಿಮವಾಗಿರುತ್ತದೆ.

ನೋಂದಾವಣೆಗಾಗಿ ಮತ್ತು ಹೆಚ್ಚಿನ ಮಾಹಿತಿಗಾಗಿ ಸಂಪರ್ಕಿಸಿ: ಜೈದೀಪ್ ಅಮೈ 7090615880