ಬೆಂಗಳೂರು : ಯಕ್ಷಗಾನವು ಕರಾವಳಿ ಕರ್ನಾಟಕದ ಶ್ರೀಮಂತ ಸಾಂಸ್ಕೃತಿಕ ಪರಂಪರೆಯ ಜೀವಾಳವಾಗಿದೆ.
ಆಧುನಿಕ ಯುಗದಲ್ಲಿ ಈ ಅಪೂರ್ವ ಕಲಾ ಪ್ರಕಾರವನ್ನು ಯುವ ಪೀಳಿಗೆಗೆ ಪರಿಚಯಿಸುವ ಮತ್ತು ಅದರ ಬೇರುಗಳನ್ನು ಮುಂದಿನ ಪೀಳಿಗೆಗೆ ದಾಟಿಸುವ ಉದಾತ್ತ ಉದ್ದೇಶದೊಂದಿಗೆ ಬೆಂಗಳೂರಿನಲ್ಲಿ ಒಂದು ವಿಶೇಷ ಸಾಂಸ್ಕೃತಿಕ ಮತ್ತು ಶೈಕ್ಷಣಿಕ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿದೆ.
ಸಂಸ್ಥೆಗಳ ಅಪೂರ್ವ ಸಂಗಮ:-
ನಮ್ಮ ಭಾಷೆ, ಸಂಸ್ಕೃತಿ ಮತ್ತು ಪರಂಪರೆಯನ್ನು ಎತ್ತಿಹಿಡಿಯುವ ನಿಟ್ಟಿನಲ್ಲಿ ತುಳುವರ್ಲ್ಡ್ ಫೌಂಡೇಶನ್ ಹಾಗೂ ತುಳುವೆರೆ ಚಾವಡಿ ತೆಂಕಾಯಿ (ಬೊಮ್ಮಸಂದ್ರ) ಸಂಸ್ಥೆಗಳು, ಬೆಂಗಳೂರಿನ ಅಲಯನ್ಸ್ ಯುನಿವರ್ಸಿಟಿಯ ‘ಸೆಂಟರ್ ಆಫ್ ಎಕ್ಸಲೆನ್ಸ್ ಇನ್ ಇಂಡಿಯನ್ ನಾಲೆಡ್ಜ್ ಸಿಸ್ಟಮ್ಸ್’ (CoE-IKS) ವಿಭಾಗದೊಂದಿಗೆ ಜಂಟಿಯಾಗಿ ಕೈಜೋಡಿಸಿವೆ. ಈ ಸಂಸ್ಥೆಗಳು ಒಟ್ಟಾಗಿ ‘ತುಳುವೆರೆ ಜಾಲಾಟಾರ್ಧ್ ಯಕ್ಷಗಾನ ಮುಟ್ಟಾ’ (ಯಕ್ಷಗಾನ ಕಲರಿ ಬೊಕ್ಕ ತುಪಾರಿಕೆ) ಎಂಬ ವಿಶಿಷ್ಟ ಕಾರ್ಯಕ್ರಮವನ್ನು ಆಯೋಜಿಸಿವೆ.
ಸ್ಥಳ ಮತ್ತು ಸಮಯ:-
ಈ ಅಪೂರ್ವ ಕಾರ್ಯಕ್ರಮವು 2026ರ ಜುಲೈ 11ರ ಶನಿವಾರದಂದು ಬೆಳಿಗ್ಗೆ 11:00 ಗಂಟೆಯಿಂದ ಬೆಂಗಳೂರಿನ ಆನೇಕಲ್ ಬಳಿಯ ಹೆಸರಾಂತ ಅಲಯನ್ಸ್ ಯುನಿವರ್ಸಿಟಿ ಆವರಣದಲ್ಲಿ ಜರುಗಲಿದೆ.
ತುಳು ಇತಿಹಾಸ ಮತ್ತು ಪ್ರಬಂಧ ಮಂಡನೆ:-
ತುಳು ಯಕ್ಷಗಾನದ ಇತಿಹಾಸ ಮತ್ತು ಅದರ ವಿಕಸನದ ಕುರಿತು ವಿದ್ವಾಂಸರಿಂದ ಸಮಗ್ರ ಪರಿಚಯ ಹಾಗೂ ಪ್ರಬಂಧ ಮಂಡನೆ ನಡೆಯಲಿದೆ.
ಯಕ್ಷಗಾನ ಕಲರಿ (ಕಾರ್ಯಾಗಾರ):-
ಆಸಕ್ತರಿಗೆ ಯಕ್ಷಗಾನದ ಪ್ರಮುಖ ಅಂಗಗಳಾದ ಸಂಗೀತ, ನೃತ್ಯ, ಅಭಿನಯ, ವೇಷಭೂಷಣ ಮತ್ತು ರಂಗಸಜ್ಜಿಕೆ (ಮೇಕಪ್) ಕುರಿತು ಪ್ರಾಯೋಗಿಕ ತರಬೇತಿ ನೀಡಲಾಗುತ್ತದೆ.
ಸಂವಾದ ಮತ್ತು ಪ್ರದರ್ಶನ:-
ಪ್ರಖ್ಯಾತ ಕಲಾವಿದರು ಮತ್ತು ಸಂಶೋಧಕರೊಂದಿಗೆ ನೇರ ಸಂವಾದ, ರಂಗದ ಮೇಲೆ ರೋಮಾಂಚಕ ತುಳು ಯಕ್ಷಗಾನ ಪ್ರದರ್ಶನ ಹಾಗೂ ಮುಕ್ತ ಚರ್ಚೆಯ ಸೆಷನ್ ಇರಲಿದೆ.
ವಿದ್ಯಾರ್ಥಿಗಳು, ಅಧ್ಯಾಪಕರು ಹಾಗೂ ಸಾಂಸ್ಕೃತಿಕ ಆಸಕ್ತರು ಹೆಚ್ಚಿನ ಮಾಹಿತಿಗಾಗಿ ಸಂಘಟಕರನ್ನು ದೂರವಾಣಿ: +91 9061086101 / +91 8075350491 ಅಥವಾ tuluworld@gmail.com ಇಮೇಲ್ ಮೂಲಕ ಸಂಪರ್ಕಿಸಬಹುದು.
“ಭಾಷೆಯೇ ನಮ್ಮ ಗುರುತು, ಸಂಸ್ಕೃತಿಯೇ ನಮ್ಮ ಹೆಮ್ಮೆ, ಪರಂಪರೆಯೇ ನಮ್ಮ ಆಸ್ತಿ.” ಜಾಗತೀಕರಣದ ಅಬ್ಬರದಲ್ಲಿ ನಮ್ಮ ಹೆಮ್ಮೆಯ ಕಲೆಗಳು ಬದಿಗೆ ಸರಿಯಬಾರದು. ತಂತ್ರಜ್ಞಾನದ ಜೊತೆಜೊತೆಗೇ ಸಾಂಸ್ಕೃತಿಕ ಬೇರುಗಳನ್ನೂ ಗಟ್ಟಿಯಾಗಿ ಹಿಡಿದುಕೊಳ್ಳುವ ಜವಾಬ್ದಾರಿಯನ್ನು ಇಂದಿನ ಯುವಜನತೆ ಹೊರಬೇಕಿದೆ. ಕಲೆ ಮತ್ತು ಪರಂಪರೆಯನ್ನು ಉಳಿಸುವುದು ಎಂದರೆ ನಮ್ಮ ಅಸ್ತಿತ್ವವನ್ನು ನಾವೇ ಕಾಪಾಡಿಕೊಂಡಂತೆ. ಇಂತಹ ಕಾರ್ಯಕ್ರಮಗಳಲ್ಲಿ ಸಕ್ರಿಯವಾಗಿ ಭಾಗವಹಿಸುವ ಮೂಲಕ ನಮ್ಮ ಭವ್ಯ ಪರಂಪರೆಯನ್ನು ಮುಂದಿನ ಪೀಳಿಗೆಗೆ ದಾಟಿಸಬೇಕಾಗಿರುವುದು ಇಂದಿನ ತುರ್ತು ಅಗತ್ಯವಾಗಿದೆ.
ವರದಿ – ಮಂದಾರ ರಾಜೇಶ್ ಭಟ್ ಉಪಸಂಪಾದಕರು ದ.ಕ.