ಮಂಗಳೂರು : ಜಾಗತಿಕ ಮಾರುಕಟ್ಟೆಯಲ್ಲಿ ತನ್ನ ವಿಶಿಷ್ಟ ವಿನ್ಯಾಸ ಮತ್ತು ಅತ್ಯಾಧುನಿಕ ತಂತ್ರಜ್ಞಾನದ ಮೂಲಕ ಗುರುತಿಸಿಕೊಂಡಿರುವ ಲಂಡನ್ ಮೂಲದ ಗ್ರಾಹಕ ತಂತ್ರಜ್ಞಾನ ಸಂಸ್ಥೆ Nothing ತನ್ನ ಬಹುನಿರೀಕ್ಷಿತ Phone (4a) ಸ್ಮಾರ್ಟ್ಫೋನ್ ಅನ್ನು ಬಿಡುಗಡೆ ಮಾಡಿದೆ.
ಕೈಗೆಟುಕುವ ದರದಲ್ಲಿ ಅತ್ಯಾಧುನಿಕ ತಂತ್ರಜ್ಞಾನವನ್ನು ಗ್ರಾಹಕರಿಗೆ ಒದಗಿಸುವ ಉದ್ದೇಶದಿಂದ ಪರಿಚಯಿಸಲಾದ ಈ ಹೊಸ ಮಾದರಿ, ಮಾರುಕಟ್ಟೆಯಲ್ಲಿ ಯಶಸ್ಸು ಕಂಡಿದ್ದ Phone (3a) ಸರಣಿಯ ಮುಂದುವರಿದ ಆವೃತ್ತಿಯಾಗಿದೆ.
Nothing ಸಂಸ್ಥೆಯ ವಿಶಿಷ್ಟ ಸಿಗ್ನೇಚರ್ ವಿನ್ಯಾಸ, ಶಕ್ತಿಶಾಲಿ ಕಾರ್ಯಕ್ಷಮತೆ, ಬುದ್ಧಿವಂತ ಸಾಫ್ಟ್ವೇರ್ ಹಾಗೂ ದೀರ್ಘಕಾಲ ಬಾಳಿಕೆ ಈ ಫೋನ್ನ ಪ್ರಮುಖ ಆಕರ್ಷಣೆಗಳಾಗಿವೆ.
ಫೋನ್ನಲ್ಲಿ 120Hz ಸೂಪರ್ AMOLED ಡಿಸ್ಪ್ಲೇ, ಅತ್ಯುತ್ತಮ ಕಾರ್ಯಕ್ಷಮತೆಗಾಗಿ Snapdragon ಪ್ರೊಸೆಸರ್, ಹಾಗೂ OIS (Optical Image Stabilization) ತಂತ್ರಜ್ಞಾನದೊಂದಿಗೆ 50 ಮೆಗಾಪಿಕ್ಸೆಲ್ ಕ್ಯಾಮೆರಾ ಅಳವಡಿಸಲಾಗಿದೆ. ಛಾಯಾಗ್ರಹಣ ಪ್ರಿಯರಿಗೆ ಇದು ಉತ್ತಮ ಅನುಭವ ನೀಡಲಿದೆ ಎಂದು ಕಂಪನಿ ತಿಳಿಸಿದೆ.
ಭಾರತೀಯ ಗ್ರಾಹಕರ ಬಳಕೆ ಹಾಗೂ ಹವಾಮಾನ ಪರಿಸ್ಥಿತಿಯನ್ನು ಗಮನದಲ್ಲಿಟ್ಟುಕೊಂಡು 6000mAh ಸಾಮರ್ಥ್ಯದ ಬ್ಯಾಟರಿ ಒದಗಿಸಲಾಗಿದ್ದು, ಒಂದೇ ಬಾರಿ ಚಾರ್ಜ್ ಮಾಡಿದರೆ ಸುಮಾರು 18 ಗಂಟೆಗಳ ನಿರಂತರ ಬಳಕೆ, 22 ಗಂಟೆಗಳ YouTube ವೀಕ್ಷಣೆ ಅಥವಾ 26 ಗಂಟೆಗಳ Instagram ಬ್ರೌಸಿಂಗ್ ಮಾಡಲು ಸಾಧ್ಯವಾಗಲಿದೆ ಎಂದು ಕಂಪನಿ ಹೇಳಿದೆ.
ಇದಲ್ಲದೆ, Ultra XDR ತಂತ್ರಜ್ಞಾನ, 4K ವಿಡಿಯೋ ರೆಕಾರ್ಡಿಂಗ್, ಮೊದಲ ಬಾರಿಗೆ Dual Capture ಸೌಲಭ್ಯ, ವಿವಿಧ Creative Filters, ಸಿನಿಮಾ ಶೈಲಿಯ ಸ್ಟೀರಿಯೋ ಸೌಂಡ್, Android 16 ಆಧಾರಿತ Nothing OS 4.1, ಹಾಗೂ 6 ವರ್ಷಗಳ ಭದ್ರತಾ (Security) ಅಪ್ಡೇಟ್ಗಳು ಈ ಸ್ಮಾರ್ಟ್ಫೋನ್ನ ಪ್ರಮುಖ ವೈಶಿಷ್ಟ್ಯಗಳಾಗಿವೆ ಎಂದು ಕಂಪನಿಯ ಪ್ರಕಟಣೆ ತಿಳಿಸಿದೆ.