ಆಂಜನೇಯ ಸ್ವಾಮಿಯ ಅದ್ಭುತ ಶಕ್ತಿ, ಪರಾಕ್ರಮ ಮತ್ತು ಭಕ್ತಿಯ ಕಥೆ
ಬೆಂಗಳೂರು: ಭಗವಾನ್ ಶ್ರೀ ಆಂಜನೇಯ ಸ್ವಾಮಿಯ ಅದ್ಭುತ ಶಕ್ತಿ, ಅಪಾರ ಪರಾಕ್ರಮ ಹಾಗೂ ಭಕ್ತಿಯ ರೋಮಾಂಚನಕಾರಿ ಕಥೆಯನ್ನು ಆಧರಿಸಿದ ಕನ್ನಡದ ಬಹುನಿರೀಕ್ಷಿತ ಚಿತ್ರ ‘ಕೇಸರಿ ಸುತ’ ನವೆಂಬರ್ನಲ್ಲಿ ಪ್ರೇಕ್ಷಕರ ಮುಂದೆ ಬರಲು ಸಜ್ಜಾಗಿದೆ.
ಆಂಜನೇಯ ಸ್ವಾಮಿಯ ಮಹಾಶಕ್ತಿ ಮತ್ತು ಭಕ್ತಿಯ ವೈಭವವನ್ನು ವಿಭಿನ್ನ ರೀತಿಯಲ್ಲಿ ತೆರೆಮೇಲೆ ಕಟ್ಟಿಕೊಡುವ ಪ್ರಯತ್ನವನ್ನು ಚಿತ್ರತಂಡ ಮಾಡಿದೆ. ಭಕ್ತಿ, ಸಾಹಸ ಹಾಗೂ ಅದ್ಭುತ ಅಂಶಗಳೊಂದಿಗೆ ಮೂಡಿಬರುತ್ತಿರುವ ಈ ಚಿತ್ರ ಪ್ರೇಕ್ಷಕರಲ್ಲಿ ಕುತೂಹಲ ಮೂಡಿಸಿದೆ.
ಚಿತ್ರವನ್ನು ಮಧು ಕುಮಾರ್ ವೈ ನಿರ್ಮಿಸಿದ್ದು, ವೇದಾಂತ್ ಹರ್ಷ ನಿರ್ದೇಶನ ಮಾಡಿದ್ದಾರೆ. ನವೀನ್ ಕಾರ್ಯಕಾರಿ ನಿರ್ಮಾಪಕರಾಗಿ ಕಾರ್ಯನಿರ್ವಹಿಸಿದ್ದಾರೆ. ರಾಮ್ ಲಕ್ಷಣ್ ಬರಹಗಾರರಾಗಿದ್ದು, ಕಥೆಯನ್ನು ಮಧು ಕುಮಾರ್ ವೈ ರಚಿಸಿದ್ದಾರೆ.
ಮಹೇಂದ್ರ ಗೌಡ ಛಾಯಾಗ್ರಹಣ, ಭರತ್ ಸಂಗೀತ ನಿರ್ದೇಶನ, ಕೆ.ಎಂ. ಪ್ರಕಾಶ್ ಸಂಕಲನದ ಜವಾಬ್ದಾರಿ ವಹಿಸಿದ್ದಾರೆ. ಸಾಹಿತ್ಯವನ್ನು ಚೇತನ್ (ಭರ್ಜರಿ) ಹಾಗೂ ಎ. ನಾಗೇಂದ್ರ ಪ್ರಸಾದ್ ರಚಿಸಿದ್ದಾರೆ. ಸಾಹಸ ವಿಭಾಗದಲ್ಲಿ ನರಸಿಂಹ ಮತ್ತು ಯೋಗನಂದ ಕಾರ್ಯನಿರ್ವಹಿಸಿದ್ದಾರೆ.
ನೃತ್ಯ ಸಂಯೋಜನೆಯನ್ನು ಭೂಷನ್, ವರ್ಣಾಲಂಕಾರವನ್ನು ಸಿದ್ದು ರಾಯಚೂರು, ವಸ್ತ್ರ ವಿನ್ಯಾಸವನ್ನು ಶಾಂತ ರಾಮ್, ನಿರ್ಮಾಣ ನಿರ್ವಹಣೆಯನ್ನು ರಾಮಚಂದ್ರ, ಪಿ.ಆರ್.ಒ ಆಗಿ ನಾಗೇಂದ್ರ ನಿರ್ವಹಿಸಿದ್ದಾರೆ.
ನಿರ್ದೇಶನ ತಂಡದಲ್ಲಿ ಜೀವ ಎಸ್., ಹರ್ಷ, ಪುನೀತ್, ಸುಶಾಂತ್ ಹಾಗೂ ಪ್ರಸನ್ನ ಇದ್ದಾರೆ. ಚಿತ್ರದ ಪ್ರಚಾರ ಕಲೆ ಮತ್ತು ಅನಿಮೇಷನ್ ಕಾರ್ಯವನ್ನು ಬಿ.ಸಿ. ಡಿಸೈನ್ ನಿರ್ವಹಿಸಿದೆ.
“ಈ ನವೆಂಬರ್ನಲ್ಲಿ ‘ಕೇಸರಿ ಸುತ’ ನಿಮ್ಮ ಮುಂದೆ — ಶ್ರೀ ಆಂಜನೇಯ ಸ್ವಾಮಿಯ ಮಹಾಶಕ್ತಿಯ ಅದ್ಭುತ ಅನುಭವಕ್ಕೆ ಸಿದ್ಧರಾಗಿ!” ಎಂಬ ಘೋಷಣೆಯೊಂದಿಗೆ ಚಿತ್ರತಂಡ ಪ್ರೇಕ್ಷಕರನ್ನು ಆಹ್ವಾನಿಸಿದೆ.
ಭಕ್ತಿಯ ಭಾವನೆ, ಅದ್ಭುತ ಶಕ್ತಿ ಹಾಗೂ ರೋಮಾಂಚನಕಾರಿ ಕಥಾಹಂದರದೊಂದಿಗೆ ಮೂಡಿಬರುತ್ತಿರುವ ‘ಕೇಸರಿ ಸುತ’ ಚಿತ್ರವು ಕನ್ನಡ ಚಿತ್ರರಂಗದಲ್ಲಿ ಹೊಸ ಅನುಭವ ನೀಡುವ ನಿರೀಕ್ಷೆ ಮೂಡಿಸಿದೆ.