ಅಹಮದಾಬಾದ್‌ನಲ್ಲಿ ದುರಂತಕ್ಕೀಡಾದ ಏರ್ ಇಂಡಿಯಾ ವಿಮಾನದಲ್ಲಿ ಸಹ ಪೈಲಟ್ ಆಗಿ ಮಂಗಳೂರಿನ ಕ್ರೈವ ಕುಂದರ್ ಅವರು ಕೆಲಸ ನಿರ್ವಹಿಸುತ್ತಿದ್ದರು. ಈ ದುರ್ಘಟನೆಯಲ್ಲಿ ಅವರು ಕೊನೆಯುಸಿರೆಳೆದಿದ್ದಾರೆ ಎಂದು ಮೂಲಗಳಿಂದ ತಿಳಿದುಬಂದಿದೆ. ಮುಂಬೈ ನಿವಾಸಿಯಾಗಿರುವ ಅವರು ಮಂಗಳೂರಿನ ಮೂಲದವರಾಗಿದ್ದಾರೆ.
ಜೂನ್ 12 ರಂದು ಅಹಮದಾಬಾದ್‌ನಲ್ಲಿ ದುರಂತವಾಗಿ ಅಪಘಾತಕ್ಕೀಡಾದ ಏರ್ ಇಂಡಿಯಾ ವಿಮಾನ AI 171 ನಲ್ಲಿ ಮೊದಲ ಅಧಿಕಾರಿಯಾಗಿದ್ದರು. 1,100 ಗಂಟೆಗಳ ಹಾರಾಟದ ಅನುಭವದೊಂದಿಗೆ, ಕ್ಲೈವ್ 8,200 ಗಂಟೆಗಳಿಗೂ ಹೆಚ್ಚು ಹಾರಾಟದ ಅನುಭವ ಹೊಂದಿರುವ ಅನುಭವಿ ಪೈಲಟ್ ಕ್ಯಾಪ್ಟನ್ ಸುಮಿತ್ ಸಭರ್ವಾಲ್ ಅವರಿಗೆ ಸಹಾಯ ಮಾಡುತ್ತಿದ್ದರು.
ಕ್ಲೈವ್ ಪ್ಯಾರಿಸ್ ಏರ್ ಇಂಕ್‌ನಲ್ಲಿ ವ್ಯಾಸಂಗ ಮಾಡಿದ್ದರು ಮತ್ತು ಮಧ್ಯಾಹ್ನ 1:38 ಕ್ಕೆ ಸರ್ದಾರ್ ವಲ್ಲಭಭಾಯಿ ಪಟೇಲ್ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ ಹೊರಟ ವಿಮಾನದಲ್ಲಿ ಸಹ ಫೈಲಟ್ ಆಗಿದ್ದರು. ದುರದೃಷ್ಟವಶಾತ್, ಬೋಯಿಂಗ್ 787 ಡ್ರೀಮ್‌ಲೈನರ್ ಹಾರಾಟದ ಕೇವಲ ಐದು ನಿಮಿಷಗಳಲ್ಲಿ ಮೇಘಾನಿ ನಗರದ ವಸತಿ ಪ್ರದೇಶಕ್ಕೆ ಅಪ್ಪಳಿಸಿತು, ಇದರ ಪರಿಣಾಮವಾಗಿ ಭೀಕರ ಅಪಘಾತ ಸಂಭವಿಸಿತು.
ನಾಗರಿಕ ವಿಮಾನಯಾನ ನಿರ್ದೇಶನಾಲಯ (ಡಿಜಿಸಿಎ) ಘಟನೆಯ ತನಿಖೆಗಾಗಿ ವಾಯು ಯೋಗ್ಯತಾ ನಿರ್ದೇಶಕರು, ವಾಯು ಯೋಗ್ಯತಾ ಸಹಾಯಕ ನಿರ್ದೇಶಕರು ಮತ್ತು ಈಗಾಗಲೇ ಅಹಮದಾಬಾದ್‌ನಲ್ಲಿದ್ದ ವಿಮಾನ ಕಾರ್ಯಾಚರಣೆ ನಿರೀಕ್ಷಕರು ಸೇರಿದಂತೆ ತಂಡವನ್ನು ನಿಯೋಜಿಸಿದೆ.