ಅಶಕ್ತರ ಬದುಕಿಗೆ ಆಸರೆಯಾಗಿರುವ ಅಬ್ದುಲ್ ಹಕೀಮ್ – ದಾನಿಗಳ ಸಹಕಾರಕ್ಕೆ ವಿನಂತಿ
ನಡೆಯಲು ಅಸಮರ್ಥರಾಗಿರುವ ರೋಗಿಗಳು ಹಾಗೂ ಅಶಕ್ತರಿಗೆ ನೆರವಾಗುವ ಉದ್ದೇಶದಿಂದ ಹೆಲ್ಪಿಂಗ್ ಹ್ಯಾಂಡ್ಸ್ ಸಂಸ್ಥೆಯ ವತಿಯಿಂದ ಮಾನವೀಯ ಸೇವಾ ಕಾರ್ಯ ನಡೆಯುತ್ತಿದೆ. ಬಿರಿಯಾನಿ ಸೆಂಟರ್‌ನ ಮಾಲಕರಾದ ಅಬ್ದುಲ್ ಹಕೀಮ್ ಅವರು ದಾನಿಗಳ ಸಹಕಾರದೊಂದಿಗೆ ಅಗತ್ಯವಿರುವವರಿಗೆ ಗಾಲಿ ಕುರ್ಚಿ ಹಾಗೂ ವಾಕರ್‌ಗಳನ್ನು ಒದಗಿಸಿ ನೆರವಾಗುತ್ತಿದ್ದಾರೆ.
ವಯೋಸಹಜ ಸಮಸ್ಯೆ, ಅನಾರೋಗ್ಯ ಹಾಗೂ ಇತರ ಕಾರಣಗಳಿಂದ ನಡೆಯಲು ಸಾಧ್ಯವಾಗದ ಅನೇಕ ಮಂದಿಗೆ ಗಾಲಿ ಕುರ್ಚಿ ಮತ್ತು ವಾಕರ್‌ಗಳು ಅತ್ಯಗತ್ಯವಾಗಿವೆ. ಇಂತಹವರಿಗೆ ಈ ಸಾಧನಗಳನ್ನು ಒದಗಿಸುವ ಮೂಲಕ ಅವರ ದೈನಂದಿನ ಜೀವನವನ್ನು ಸುಗಮಗೊಳಿಸಲು ಸಂಸ್ಥೆ ಪ್ರಯತ್ನಿಸುತ್ತಿದೆ. ಈಗಾಗಲೇ ಅನೇಕ ರೋಗಿಗಳಿಗೆ ಈ ಸೇವೆಯಿಂದ ಪ್ರಯೋಜನವಾಗಿದ್ದು, ಅವರ ಕುಟುಂಬಗಳಿಗೂ ಸಹಕಾರ ದೊರೆತಿದೆ.
ಇನ್ನೂ ಹಲವರಿಗೆ ನೆರವಿನ ಅಗತ್ಯ
ಪ್ರಸ್ತುತ ಇನ್ನೂ ಅನೇಕ ಮಂದಿ ಗಾಲಿ ಕುರ್ಚಿ ಹಾಗೂ ವಾಕರ್‌ಗಳ ನೆರವಿನ ನಿರೀಕ್ಷೆಯಲ್ಲಿದ್ದಾರೆ. ಆದರೆ ಅಗತ್ಯಕ್ಕೆ ತಕ್ಕಷ್ಟು ಸಾಧನಗಳು ಲಭ್ಯವಿಲ್ಲದ ಕಾರಣ ಸೇವಾ ಕಾರ್ಯವನ್ನು ವಿಸ್ತರಿಸಲು ದಾನಿಗಳ ಸಹಕಾರದ ಅಗತ್ಯವಿದೆ.
ಈ ಹಿನ್ನೆಲೆಯಲ್ಲಿ ಸೇವಾ ಮನೋಭಾವ ಹೊಂದಿರುವ ದಾನಿಗಳು, ಸಂಘ-ಸಂಸ್ಥೆಗಳು ಹಾಗೂ ಸಾರ್ವಜನಿಕರು ಗಾಲಿ ಕುರ್ಚಿ ಮತ್ತು ವಾಕರ್‌ಗಳನ್ನು ದೇಣಿಗೆಯಾಗಿ ನೀಡಿ ಸಹಕರಿಸುವಂತೆ ಅಬ್ದುಲ್ ಹಕೀಮ್ ಅವರು ಮನವಿ ಮಾಡಿದ್ದಾರೆ.