ವಿಶ್ವದಾದ್ಯಂತ ಆಸ್ತಮಾ ಸಾವುಗಳಲ್ಲಿ 42% ಭಾರತದ್ದೇ ಕೊಡುಗೆ: ಸಾರ್ವಜನಿಕ ಅರಿವು, ರೋಗಿಗಳಿಗೆ ಬೆಂಬಲ ಮತ್ತು ಚಿಕಿತ್ಸೆಯ ಲಭ್ಯತೆಗೆ ತಜ್ಞರ ಒತ್ತಾಯ

ಬೆಂಗಳೂರು: “ಎಲ್ಲರಿಗೂ ಇನ್ಹೇಲ್ಡ್ ಚಿಕಿತ್ಸೆಯನ್ನು ಲಭ್ಯವಾಗುವಂತೆ ಮಾಡಿ” ಎಂಬ GINA ( ದಿ ಗ್ಲೋಬಲ್ ಇನಿಶಿಯೇಟಿವ್ ಫಾರ್ ಅಸ್ತಮಾ) ದ ಧ್ಯೇಯವಾಕ್ಯದಿಂದ ಗುರುತಿಸಲ್ಪಟ್ಟ ಈ ವರ್ಷದ ವಿಶ್ವ ಆಸ್ತಮಾ ದಿನವು, ಭಾರತದ ಸಾರ್ವಜನಿಕ ಆರೋಗ್ಯ ಪ್ರಯಾಣದಲ್ಲಿ ಒಂದು ನಿರ್ಣಾಯಕ ಕ್ಷಣದಲ್ಲಿ ಬರುತ್ತದೆ. ದೇಶಾದ್ಯಂತ ಸಂಭವಿಸುವ ಎಲ್ಲಾ ಸಾವುಗಳಲ್ಲಿ ಅರ್ಧಕ್ಕಿಂತ ಹೆಚ್ಚಿನವುಗಳಿಗೆ ಕಾರಣವಾಗುವ, ನಾನ್ ಕಮ್ಯುನಿಕೇಬಲ್ ಡಿಸೀಸ್ (NCD) ಸಂಬಂಧಿತ ಸಾವುಗಳಿಗೆ ಆಸ್ತಮಾ ಮತ್ತು ಇತರ ದೀರ್ಘಕಾಲದ ಉಸಿರಾಟದ ಕಾಯಿಲೆಗಳು ಅಗ್ರ ಮೂರು ಕೊಡುಗೆದಾರರಲ್ಲಿ ಸ್ಥಾನ ಪಡೆದಿವೆ.. 4 ಆದರೂ, ತೀವ್ರವಾದ ಆಸ್ತಮಾ ಲಕ್ಷಣಗಳನ್ನು ಹೊಂದಿರುವ ಸುಮಾರು 70% ವ್ಯಕ್ತಿಗಳು ರೋಗನಿರ್ಣಯ ಮಾಡದೆಯೇ ಇದ್ದಾರೆ ಮತ್ತು ಆಗಾಗ್ಗೆ ಹೊಂದುವ ಮೂಢನಂಬಿಕೆಗಳಿಂದ ಮತ್ತು ತಪ್ಪು ಕಲ್ಪನೆಗಳಿಂದಾಗಿ 2.5% ಕ್ಕಿಂತ ಕಡಿಮೆ ಜನರು ಪ್ರತಿದಿನ ಶಿಫಾರಸು ಮಾಡಲಾದ ಚಿಕಿತ್ಸೆ ಎನ್ನಲಾದ ಇನ್ಹೇಲ್ಡ್ ಕಾರ್ಟಿಕೊಸ್ಟೆರಾಯ್ಡ್‌ಗಳನ್ನು ಬಳಸುತ್ತಾರೆ.2 ಈ ಅಂತರವು ಕೇವಲ ವೈದ್ಯಕೀಯವಲ್ಲ, ಸಾಮಾಜಿಕವೂ ಆಗಿದೆ. ಇನ್ಹೇಲರ್‌ಗಳ ಬಗೆಗಿನ ಮೂಢನಂಬಿಕೆ ಮತ್ತು ತಪ್ಪು ಕಲ್ಪನೆಗಳು ರೋಗಿಗಳು ಆರೈಕೆ ಪಡೆಯಲು ಹಿಂಜರಿಯುವಂತೆ ಮಾಡುತ್ತವೆ, ರೋಗನಿರ್ಣಯ ಮಾಡುವುದನ್ನು ತಡ ಮಾಡುತ್ತವೆ ಮತ್ತು ಅನುಸರಣೆಯನ್ನು ಕಡಿಮೆ ಮಾಡುತ್ತವೆ.. ಆದ್ದರಿಂದ, ಲಭ್ಯತೆಯನ್ನು ಸುಧಾರಿಸುವುದು ಕೇವಲ ಲಭ್ಯತೆಯ ಬಗ್ಗೆ ಮಾತ್ರವಲ್ಲ – ಜನರು ಚಿಕಿತ್ಸೆಯನ್ನು ಪಡೆಯುವುದನ್ನು ಮತ್ತು ಚಿಕಿತ್ಸೆಯಲ್ಲಿ ಮುಂದುವರೆಯುವುದನ್ನು ತಡೆಯುವ ಸಾಮಾಜಿಕ ಅಡೆತಡೆಗಳನ್ನು ಪರಿಹರಿಸುವ ಅಗತ್ಯವಿದೆ.
ಈ ಸವಾಲುಗಳನ್ನು ನಿಭಾಯಿಸಲು ಅರಿವು, ಶಿಕ್ಷಣ ಮತ್ತು ಲಭ್ಯತೆಯನ್ನು ಸಂಯೋಜಿಸುವ ದೀರ್ಘಕಾಲೀನ, ಸಹಯೋಗದ ವಿಧಾನದ ಅಗತ್ಯವಿದೆ. ಅರ್ಧ ದಶಕಕ್ಕೂ ಹೆಚ್ಚು ಕಾಲದಿಂದ ನಡೆಯುತ್ತಿರುವ ಸಿಪ್ಲಾದ ಬೆರೋಕ್ ಜಿಂದಗಿ ಮತ್ತು FY 24-25 ರಲ್ಲಿ ಬರೋಬ್ಬರಿ 1 ಕೋಟಿಗೂ ಹೆಚ್ಚು ಜನರ ಜೀವನವನ್ನು ಮುಟ್ಟಿರುವ ಕಂಪನಿಯ ಬ್ರೀತ್‌ಫ್ರೀ ಉಪಕ್ರಮದ ಜೊತೆಗೆ ಟಫೀಸ್‌ನಂತಹ ಸಮಾಜಮುಖಿ ಅಭಿಯಾನಗಳು, ನಿರಂತರ ರೋಗಿಗಳಿಗೆ ಬೆಂಬಲವನ್ನು ಒದಗಿಸುವುದರೊಂದಿಗೆ ಆಸ್ತಮಾದ ಸುತ್ತ ಮಾಹಿತಿಯುಕ್ತ ಸಂಭಾಷಣೆಗಳನ್ನು ಹೆಚ್ಚಿಸಲು ಸಹಾಯ ಮಾಡುತ್ತಿವೆ. ಇದರಲ್ಲಿ ಶಿಕ್ಷಣ, ತಪಾಸಣೆ ಮತ್ತು ಇನ್ಹಲೇಷನ್ ತಂತ್ರ ತರಬೇತಿ ಸೇರಿವೆ – ಇವುಗಳನ್ನು ಆನ್-ಗ್ರೌಂಡ್ ಮತ್ತು ಡಿಜಿಟಲ್ ಪ್ಲಾಟ್‌ಫಾರ್ಮ್‌ಗಳ ಮೂಲಕ ನೀಡಲಾಗುತ್ತದೆ. ಒಟ್ಟಾಗಿ, ಈ ಪ್ರಯತ್ನಗಳು ಆರಂಭಿಕ ರೋಗನಿರ್ಣಯವನ್ನು ಉತ್ತೇಜಿಸುವುದು, ಇನ್ಹಲೇಷನ್ ಚಿಕಿತ್ಸೆಯ ಲಭ್ಯತೆಯನ್ನು ಸುಧಾರಿಸುವುದು ಮತ್ತು ಅಂತಿಮವಾಗಿ ದೇಶಾದ್ಯಂತ ಆಸ್ತಮಾದಿಂದ ಬಳಲುತ್ತಿರುವ ಜನರಿಗೆ ಫಲಿತಾಂಶಗಳನ್ನು ಹೆಚ್ಚಿಸುವ ವಿಶಾಲ ಬದ್ಧತೆಯನ್ನು ಪ್ರತಿಬಿಂಬಿಸುತ್ತವೆ. 2025 ರಲ್ಲಿ ಇನ್ನೂ ಹೆಚ್ಚಿನ ಪರಿಣಾಮಕಾರಿ ಕೆಲಸಗಳು ಬರಲಿವೆ.
ಇನ್ಹಲೇಷನ್ ಚಿಕಿತ್ಸೆಯ ಮಹತ್ವ ಮತ್ತು ಸುಲಭವಾಗಿ ಲಭ್ಯವಿರುವ ಚಿಕಿತ್ಸೆಯ ಅಗತ್ಯವನ್ನು ಒತ್ತಿ ಹೇಳುತ್ತಾ, ಡಾ. ಮೇಘಾ ಎಸ್.ಎನ್., ಕನ್ಸಲ್ಟೆಂಟ್ ಪಲ್ಮನಾಲಜಿಸ್ಟ್, ಮಂಗಳೂರು, ಹೀಗೆ ಹೇಳಿದ್ದಾರೆ: “ಆಸ್ತಮಾ ನಿರ್ವಹಣೆಯ ಪ್ರಾಥಮಿಕ ಗುರಿಗಳು ಎಂದರೆ ರೋಗಲಕ್ಷಣಗಳನ್ನು ನಿಯಂತ್ರಿಸುವುದು, ರಕ್ಷಣಾ ಔಷಧಿಗಳ ಮೇಲಿನ ಅವಲಂಬನೆಯನ್ನು ಕಡಿಮೆ ಮಾಡುವುದು, ಆಸ್ಪತ್ರೆಗೆ ದಾಖಲಾಗುವುದನ್ನು ತಡೆಗಟ್ಟುವುದು ಮತ್ತು ಶ್ವಾಸಕೋಶದ ಕಾರ್ಯವನ್ನು ಕಾಪಾಡಿಕೊಳ್ಳುವುದು – ಅಂತಿಮವಾಗಿ ಜೀವನದ ಗುಣಮಟ್ಟವನ್ನು ಸುಧಾರಿಸುವುದು ಆಗಿರುತ್ತದೆ. ಈ ಫಲಿತಾಂಶಗಳನ್ನು ಸಾಧಿಸಲು ಸಮಯಕ್ಕೆ ಸರಿಯಾದ ರೋಗನಿರ್ಣಯ, ಸರಿಯಾದ ಇನ್ಹೇಲರ್ ಬಳಕೆ ಮತ್ತು ಸ್ಥಿರವಾದ ಅನುಸರಣೆಯ ಅಗತ್ಯವಿರುತ್ತದೆ. ದುರದೃಷ್ಟವಶಾತ್, ಈ ವಿಚಾರಗಳು ಸಾಮಾನ್ಯವಾಗಿ ಕಳಪೆ ಸಾಧನ ತಂತ್ರ, ಆರೈಕೆಗೆ ಸೀಮಿತ ಲಭ್ಯತೆ ಮತ್ತು ದೀರ್ಘಕಾಲೀನ ಬೆಂಬಲದ ಕೊರತೆಯಿಂದ ಅಡ್ಡಿಯಾಗುತ್ತವೆ ಎಂದು ಹೇಳಿದ್ದಾರೆ. 5, 1ಬ್ರೀತ್‌ಫ್ರೀ ನಂತಹ ಉಪಕ್ರಮಗಳು ಆನ್-ಗ್ರೌಂಡ್ ಸ್ಕ್ರೀನಿಂಗ್ ಶಿಬಿರಗಳು, ಡಿಜಿಟಲ್ ಎಜುಕೇಟರ್ ಪ್ಲಾಟ್‌ಫಾರ್ಮ್‌ನಂತಹ ಆನ್‌ಲೈನ್ ಪರಿಕರಗಳು ಮತ್ತು ಸರಳವಾದ ‘ಹೇಗೆ-ಮಾಡುವುದು’ ಸಾಧನ ತರಬೇತಿ ವೀಡಿಯೊಗಳ ಮೂಲಕ ಈ ಅಂತರವನ್ನು ನಿವಾರಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿವೆ. ಈ ಸಂಪನ್ಮೂಲಗಳು ರೋಗಿಗಳು ಮತ್ತು ಆರೈಕೆದಾರರನ್ನು ಉತ್ತಮ ಆಸ್ತಮಾ ನಿಯಂತ್ರಣದತ್ತ ಮಾರ್ಗದರ್ಶನ ಮಾಡುವಲ್ಲಿ ನಿಜವಾದ ವ್ಯತ್ಯಾಸವನ್ನುಂಟುಮಾಡುತ್ತವೆ ಎಂದು ಹೇಳಿದ್ದಾರೆ.”
ಆರೈಕೆಯ ಅಂತರವನ್ನು ಕಡಿಮೆ ಮಾಡುವಲ್ಲಿ ಜಾಗೃತಿಯ ಪಾತ್ರವನ್ನು ಎತ್ತಿ ತೋರಿಸುತ್ತಾ ಅವರು ಪ್ರತಿಕ್ರಿಯಿಸಿದರು: “ಭಾರತದಲ್ಲಿ ಆಸ್ತಮಾವನ್ನು ವ್ಯಾಪಕವಾಗಿ ತಪ್ಪಾಗಿ ಅರ್ಥೈಸಿಕೊಳ್ಳಲಾಗಿದೆ. ಇನ್ಹೇಲರ್ ಬಳಕೆಯ ಸುತ್ತಲಿನ ಮೂಡನಂಬಿಕೆಗಳು ಮತ್ತು ಈ ಸ್ಥಿತಿಯನ್ನು ಹೆಸರಿಸಲು ಹಿಂಜರಿಯುವುದು ಹೆಚ್ಚಾಗಿ ರೋಗನಿರ್ಣಯ ಮತ್ತು ಚಿಕಿತ್ಸೆ ಪಡೆಯುವಲ್ಲಿ ವಿಳಂಬಕ್ಕೆ ಕಾರಣವಾಗುತ್ತದೆ. ಈ ಸವಾಲುಗಳನ್ನು ಪರಿಹರಿಸುವುದು ಕೇವಲ ವೈದ್ಯಕೀಯ ಹಸ್ತಕ್ಷೇಪವನ್ನು ಮೀರಿದೆ – ಇದಕ್ಕೆ ನಿರಂತರ ಅರಿವು, ಆರಂಭಿಕ ಶಿಕ್ಷಣ ಮತ್ತು ಆಸ್ತಮಾವನ್ನು ಗುರುತಿಸುವ, ಸ್ವೀಕರಿಸುವ ಮತ್ತು ಪರಿಣಾಮಕಾರಿಯಾಗಿ ಚಿಕಿತ್ಸೆ ನೀಡುವ ವಾತಾವರಣವನ್ನು ಸೃಷ್ಟಿಸಲು ಸಾರ್ವಜನಿಕ ಮತ್ತು ಖಾಸಗಿ ವಲಯಗಳೆರಡರಿಂದಲೂ ಸಾಮೂಹಿಕ ಪ್ರಯತ್ನದ ಅಗತ್ಯವಿದೆ ಎಂದು ಹೇಳಿದ್ದಾರೆ.
ಅವರು ಮುಂದುವರಿಸಿದರು: “ಬೆರೋಕ್ ಜಿಂದಗಿಯಂತಹ ಜಾಗೃತಿ ಅಭಿಯಾನಗಳು ಮತ್ತು ಟಫೀಸ್ ಕಿ ಸ್ಕೂಲ್ ಯಾತ್ರಾದಂತಹ ಆನ್-ಗ್ರೌಂಡ್ ಪ್ರಯತ್ನಗಳು ನಿಖರವಾದ ಮಾಹಿತಿಯನ್ನು ಹರಡುವ ಮೂಲಕ ಮತ್ತು ಆರಂಭಿಕ ಹಸ್ತಕ್ಷೇಪವನ್ನು ಪ್ರೋತ್ಸಾಹಿಸುವ ಮೂಲಕ ಮಕ್ಕಳು, ಆರೈಕೆದಾರರು ಮತ್ತು ಕುಟುಂಬಗಳಲ್ಲಿ ವಿಶೇಷವಾಗಿ ಅರ್ಥಪೂರ್ಣ ಪ್ರಗತಿಯನ್ನು ಸಾಧಿಸುತ್ತಿವೆ ಎಂದು ಹೇಳಿದ್ದಾರೆ.”
ಹೆಚ್ಚಿನ ಮಾಹಿತಿಗಾಗಿ ಭೇಟಿ ನೀಡಿ: www.breathefree.com