ನವದೆಹಲಿ : Honda Cars India ತನ್ನ ಹೊಸ ತಲೆಮಾರಿನ Honda City ಸೆಡಾನ್ ಹಾಗೂ ಜಾಗತಿಕ ಮಟ್ಟದಲ್ಲಿ ಜನಪ್ರಿಯತೆ ಪಡೆದ ಹೈಬ್ರಿಡ್ ಎಸ್ಯುವಿ Honda ZR-V e:HEV ಅನ್ನು ಭಾರತೀಯ ಮಾರುಕಟ್ಟೆಗೆ ಅಧಿಕೃತವಾಗಿ ಪರಿಚಯಿಸಿದೆ.
“ಎರಡು ಸ್ಪೋರ್ಟಿ ಐಕಾನ್ಗಳು” ಎಂಬ ಪರಿಕಲ್ಪನೆಯಡಿ ಬಿಡುಗಡೆಯಾದ ಈ ಕಾರುಗಳು ಸುಧಾರಿತ ತಂತ್ರಜ್ಞಾನ, ಹೈಬ್ರಿಡ್ ಚಾಲನಾ ವ್ಯವಸ್ಥೆ, ಪ್ರೀಮಿಯಂ ವಿನ್ಯಾಸ ಹಾಗೂ ಉತ್ತಮ ಇಂಧನ ಕ್ಷಮತೆಯೊಂದಿಗೆ ಗ್ರಾಹಕರ ಗಮನ ಸೆಳೆಯುತ್ತಿವೆ.
ಹೊಸ ಹೊಂಡಾ ಸಿಟಿಯ ವಿಶೇಷತೆಗಳು
ಹೊಸ ಹೊಂಡಾ ಸಿಟಿ ಹೆಚ್ಚು ಸ್ಪೋರ್ಟಿ ವಿನ್ಯಾಸ, ಹೊಸ ಎಲ್ಇಡಿ ಲೈಟಿಂಗ್, ಡ್ಯುಯಲ್-ಟೋನ್ ಒಳಾಂಗಣ, 10.1 ಇಂಚಿನ ಟಚ್ಸ್ಕ್ರೀನ್, 360 ಡಿಗ್ರಿ ಕ್ಯಾಮೆರಾ ಹಾಗೂ ಹೊಂಡಾ ಸೆನ್ಸಿಂಗ್ ADAS ಸುರಕ್ಷತಾ ತಂತ್ರಜ್ಞಾನವನ್ನು ಹೊಂದಿದೆ.
ಈ ಕಾರು:
- 1.5 ಲೀಟರ್ ಪೆಟ್ರೋಲ್ ಎಂಜಿನ್
- e:HEV ಸ್ಟ್ರಾಂಗ್ ಹೈಬ್ರಿಡ್ ಆಯ್ಕೆ
- 27.26 ಕಿ.ಮೀ./ಲೀ.ವರೆಗೆ ಮೈಲೇಜ್
- ಮ್ಯಾನುಯಲ್ ಹಾಗೂ ಸಿವಿಟಿ ಗೇರ್ಬಾಕ್ಸ್ ಆಯ್ಕೆ
ಗಳೊಂದಿಗೆ ಲಭ್ಯವಿದೆ.
ಹೊಸ ಹೊಂಡಾ ಸಿಟಿ ಬೆಲೆ
- ಆರಂಭಿಕ ಎಕ್ಸ್ಶೋರೂಂ ಬೆಲೆ: ₹11.99 ಲಕ್ಷ
- ಟಾಪ್ ಹೈಬ್ರಿಡ್ ಮಾದರಿ: ₹20.99 ಲಕ್ಷ
ಭಾರತಕ್ಕೆ ಎಂಟ್ರಿಯಾದ ಹೊಂಡಾ ZR-V e:HEV
ಹೊಚ್ಚ ಹೊಸ Honda ZR-V e:HEV ಪ್ರೀಮಿಯಂ ಹೈಬ್ರಿಡ್ ಎಸ್ಯುವಿಯಾಗಿ ಭಾರತೀಯ ಮಾರುಕಟ್ಟೆಗೆ ಪ್ರವೇಶಿಸಿದ್ದು, 2.0 ಲೀಟರ್ ಡ್ಯುಯಲ್ ಮೋಟಾರ್ ಹೈಬ್ರಿಡ್ ಸಿಸ್ಟಂ ಹೊಂದಿದೆ.
ಈ ಎಸ್ಯುವಿಯ ಪ್ರಮುಖ ಅಂಶಗಳು:
- 184 PS ಪವರ್
- 315 Nm ಟಾರ್ಕ್
- 22.79 ಕಿ.ಮೀ./ಲೀ. ಮೈಲೇಜ್
- 12 ಸ್ಪೀಕರ್ ಬೋಸ್ ಸೌಂಡ್ ಸಿಸ್ಟಂ
- 360 ಡಿಗ್ರಿ ಕ್ಯಾಮೆರಾ
- ADAS ಸುರಕ್ಷತಾ ವ್ಯವಸ್ಥೆ
- 18 ಇಂಚಿನ ಡೈಮಂಡ್ ಕಟ್ ಅಲಾಯ್ ವೀಲ್ಸ್
ZR-V ಅನ್ನು ಜಪಾನ್ನಿಂದ ಸಂಪೂರ್ಣ ನಿರ್ಮಿತ ಯೂನಿಟ್ (CBU) ರೂಪದಲ್ಲಿ ಭಾರತಕ್ಕೆ ತರಲಾಗುತ್ತಿದ್ದು, ಬುಕ್ಕಿಂಗ್ ಆರಂಭವಾಗಿದೆ. ಡೆಲಿವರಿ ಜುಲೈ 2026ರಿಂದ ಆರಂಭವಾಗಲಿದೆ.
ಈ ಕುರಿತು ಮಾತನಾಡಿದ Takashi Nakajima, ಭಾರತವು ಹೊಂಡಾದ ಪ್ರಮುಖ ಮಾರುಕಟ್ಟೆಗಳಲ್ಲಿ ಒಂದಾಗಿದ್ದು, ಮುಂದಿನ ದಿನಗಳಲ್ಲಿ ಇನ್ನಷ್ಟು ಹೊಸ ತಂತ್ರಜ್ಞಾನ ಹಾಗೂ ಹೈಬ್ರಿಡ್ ವಾಹನಗಳನ್ನು ಪರಿಚಯಿಸಲಾಗುವುದು ಎಂದು ತಿಳಿಸಿದ್ದಾರೆ.