ಶಿಶುಗಳ ತ್ವಚೆಯ ಶುಚಿತ್ವದೊಂದಿಗೆ ವಿಶೇಷ ಆರೈಕೆ : ಹಿಮಾಲಯದಿಂದ ನೂತನ ಬೇಬಿ ಸೋಪ್ ಅಭಿಯಾನ ಬಿಡುಗಡೆ

0
4

ಮಂಗಳೂರು : ವೈದ್ಯರು ಅತಿ ಹೆಚ್ಚು ಶಿಫಾರಸು ಮಾಡುವ ದೇಶದ ನಂಬರ್ 1 ಬ್ರ್ಯಾಂಡ್ ಆಗಿರುವ ಹಿಮಾಲಯ ಬೇಬಿಕೇರ್, ತನ್ನ ನೂತನ ಎಕ್ಸ್‌ಟ್ರಾ ಮಾಯಿಶ್ಚರೈಸಿಂಗ್ ಬೇಬಿ ಸೋಪ್ ಅಭಿಯಾನಕ್ಕೆ ಚಾಲನೆ ನೀಡಿದೆ. ಶಿಶುಗಳಿಗೆ ಸ್ನಾನ ಮಾಡಿಸುವುದೆಂದರೆ ಕೇವಲ ಶುಚಿತ್ವವಷ್ಟೇ ಅಲ್ಲ, ಅದು ಅವರ ಮೃದುವಾದ ಹಾಗೂ ಒಣ ತ್ವಚೆಯ ಕಾಳಜಿಯೂ ಹೌದು ಎಂಬುದನ್ನು ಈ ಅಭಿಯಾನ ಸಾರಿ ಹೇಳುತ್ತಿದೆ.

ಪೋಷಕರು ತಮ್ಮ ಮಗುವಿನ ತ್ವಚೆಯ ನಿರ್ದಿಷ್ಟ ಅಗತ್ಯಗಳನ್ನು ಪೂರೈಸುವ ಉತ್ಪನ್ನಗಳನ್ನು ಆಯ್ಕೆ ಮಾಡುವ ಮೂಲಕ, ಸ್ನಾನದ ಸಮಯವನ್ನು ಇನ್ನಷ್ಟು ಅರ್ಥಪೂರ್ಣವಾಗಿಸಲು ಈ ಅಭಿಯಾನವು ನೆರವಾಗಲಿದೆ. ಹಿಮಾಲಯ ಎಕ್ಸ್‌ಟ್ರಾ ಮಾಯಿಶ್ಚರೈಸಿಂಗ್ ಬೇಬಿ ಸೋಪ್ ಶುಚಿತ್ವದ ಜೊತೆಗೆ ತ್ವಚೆಯ ತೇವಾಂಶವನ್ನು ಕಾಪಾಡುತ್ತದೆ. ವಿಶೇಷವಾಗಿ ಚಳಿಗಾಲದಲ್ಲಿ ಒಣ ತ್ವಚೆಯ ಸಮಸ್ಯೆ ಎದುರಿಸುವ ಶಿಶುಗಳಿಗೆ ಇದು ಅತ್ಯುತ್ತಮ ಪರಿಹಾರವಾಗಿದೆ.

ಶಿಶುಗಳ ನಿರ್ದಿಷ್ಟ ಅಗತ್ಯಗಳನ್ನು ಅರ್ಥಮಾಡಿಕೊಂಡು, ಪ್ರಕೃತಿಯ ಅದ್ಭುತಗಳೊಂದಿಗೆ ಸಂಶೋಧನಾ-ಆಧಾರಿತ ಆರೈಕೆಯನ್ನು ನೀಡುವುದು ಹಿಮಾಲಯ ಬೇಬಿಕೇರ್‌ನ ಉದ್ದೇಶವಾಗಿದೆ. ಆಯುರ್ವೇದ ವಿಜ್ಞಾನದ ಸ್ಫೂರ್ತಿಯೊಂದಿಗೆ, ಶಿಶುಗಳ ಮೃದುವಾದ ತ್ವಚೆಗೆ ಒಗ್ಗುವಂತಹ ಅತ್ಯಂತ ಸುರಕ್ಷಿತ, ಮೃದು ಹಾಗೂ ನೈಸರ್ಗಿಕ ಉತ್ಪನ್ನಗಳನ್ನು ಅಭಿವೃದ್ಧಿಪಡಿಸುವತ್ತ ಸಂಸ್ಥೆ ನಿರಂತರವಾಗಿ ಗಮನಹರಿಸುತ್ತಿದೆ.

ಈ ನೂತನ ಸೋಪ್ ಅನ್ನು ಅಲೋವೆರಾ ಹಾಗೂ ಹಾಲಿನ ಸತ್ವಗಳೊಂದಿಗೆ (ಅಲೋ-ಮಿಲ್ಕ್ ಮಾಯಿಶ್ಚರ್ ಕಾಂಪ್ಲೆಕ್ಸ್) ಅಭಿವೃದ್ಧಿಪಡಿಸಲಾಗಿದ್ದು, ಇದು ಸ್ನಾನದ ಸಮಯದಲ್ಲಿ ಶಿಶುವಿನ ಒಣ ತ್ವಚೆಗೆ ಅಗತ್ಯ ತೇವಾಂಶ ನೀಡುತ್ತದೆ. ಇದು ಕ್ಲಿನಿಕಲಿ ಟೆಸ್ಟೆಡ್ (ವೈದ್ಯಕೀಯವಾಗಿ ಪರೀಕ್ಷಿಸಲ್ಪಟ್ಟಿದೆ) ಆಗಿದ್ದು, ಕೃತಕ ಬಣ್ಣಗಳು, ಪ್ಯಾರಾಬೆನ್ ಹಾಗೂ ಥಾಲೇಟ್ಸ್‌ನಂತಹ ರಾಸಾಯನಿಕಗಳಿಂದ ಸಂಪೂರ್ಣ ಮುಕ್ತವಾಗಿದೆ.

ಹಿಮಾಲಯ ವೆಲ್‌ನೆಸ್ ಕಂಪನಿಯ ಬೇಬಿಕೇರ್ ವಿಭಾಗದ ನಿರ್ದೇಶಕ ಚಕ್ರವರ್ತಿ ಎನ್.ವಿ. ಮಾತನಾಡಿ, “ಪೋಷಕರಿಗೆ ಪ್ರತಿದಿನದ ಶಿಶು ಆರೈಕೆ ಎಂದರೆ, ಮಗುವಿನ ಸೌಕರ್ಯ ಮತ್ತು ಆರೋಗ್ಯವನ್ನು ಬೆಂಬಲಿಸುವ ಅತ್ಯುತ್ತಮ ಆಯ್ಕೆಗಳನ್ನು ಮಾಡುವುದಾಗಿದೆ. ನಮ್ಮ ಈ ಹೊಸ ಎಕ್ಸ್‌ಟ್ರಾ ಮಾಯಿಶ್ಚರೈಸಿಂಗ್ ಬೇಬಿ ಸೋಪ್ ಕೇವಲ ಶುಚಿತ್ವವನ್ನು ಮೀರಿ, ಮಗುವಿನ ಸ್ನಾನದ ದಿನಚರಿಗೆ ತೇವಾಂಶದ ಆರೈಕೆಯನ್ನು ಒದಗಿಸುವ ಗುರಿ ಹೊಂದಿದೆ. ಪೋಷಕರು ಯಾವುದೇ ಆತಂಕವಿಲ್ಲದೆ ತಮ್ಮ ಶಿಶುವಿನ ದೈನಂದಿನ ಆರೈಕೆ ಮಾಡಲು ಇಂತಹ ಸುರಕ್ಷಿತ ಉತ್ಪನ್ನಗಳನ್ನು ನೀಡಲು ನಾವು ಬದ್ಧರಾಗಿದ್ದೇವೆ” ಎಂದರು.

ಮೂಲಿಕೆಗಳ ಸಂಶೋಧನೆಯ ಸುದೀರ್ಘ ಪರಂಪರೆ ಮತ್ತು ಸುರಕ್ಷಿತ, ವಿಶ್ವಾಸಾರ್ಹ ಆರೈಕೆಯ ಬದ್ಧತೆಯೊಂದಿಗೆ, ಹಿಮಾಲಯ ಬೇಬಿಕೇರ್ ಸಂಸ್ಥೆಯು ಪ್ರಕೃತಿಯ ಒಳಿತನ್ನು ಶಿಶುಗಳ ದೈನಂದಿನ ಆರೈಕೆಗೆ ತರುವುದನ್ನು ಮುಂದುವರೆಸಿದೆ.