-ಮಂದಾರ ರಾಜೇಶ್
ಮೂಡುಬಿದಿರೆ : ನಿರಂತರ ಸಮಾಜಮುಖಿ ಹಾಗೂ ಮಾನವೀಯ ಕಾರ್ಯಗಳ ಮೂಲಕ ಸಮಾಜದಲ್ಲಿ ಸೈ ಎನಿಸಿಕೊಂಡಿರುವ ಸಾಯಿ ಮಾರ್ನಾಡು ಸೇವಾ ಸಂಘ ಟ್ರಸ್ಟ್ (ರಿ.) ಅಮನಬೆಟ್ಟು, ಪಡು ಮಾರ್ನಾಡು ಸಂಸ್ಥೆಯು ಇದೀಗ ಮತ್ತೊಂದು ಶ್ಲಾಘನೀಯ ಮೈಲಿಗಲ್ಲಿಗೆ ಸಾಕ್ಷಿಯಾಗುತ್ತಿದೆ.
ಬಡವರ ಹಾಗೂ ಅಶಕ್ತರ ಕಣ್ಣೀರೊರೆಸುವ ಕಾಯಕದಲ್ಲಿ ನಿರತರಾಗಿರುವ ಈ ಸಂಘಟನೆಯು ತನ್ನ 100ನೇ ಯೋಜನೆಯನ್ನು ಸಫಲಗೊಲಿಸಲು ಸಿದ್ಧತೆ ನಡೆಸಿದೆ
ಪಡುಮಾರ್ನಡು ಗ್ರಾಮದ ಮುರಗೋಳಿ ಪರಿಸರದ ಲಕ್ಷ್ಮಿ ಪೂಜಾರ್ತಿ ಅವರ ದುಸ್ಥಿತಿಯಲ್ಲಿದ್ದ ಸೂರನ್ನು ಸಂಪೂರ್ಣವಾಗಿ ನವೀಕರಿಸಲಾಗಿದ್ದು, ನೂತನ “ಶ್ರೀ ಲಕ್ಷ್ಮಿ ನಿಲಯ”ದ ಗೃಹಹೋಮ, ಹಸ್ತಾಂತರ ಹಾಗೂ ಬಡ ಕುಟುಂಬಗಳಿಗೆ ನೆರವು ನೀಡುವ ಸಮಾರಂಭವು ನವೆಂಬರ್ 01, 2026 (ಭಾನುವಾರ) ರಂದು ಜರುಗಲಿದೆ.
ಶಾಸ್ತ್ರೋಕ್ತ ಧಾರ್ಮಿಕ ಕಾರ್ಯಕ್ರಮ ಹಾಗೂ ಸಭಾ ಸಮಾರಂಭ
ಬೆಳಿಗ್ಗೆ 09:00 ಕ್ಕೆ ನೂತನ ಗೃಹದಲ್ಲಿ ಶಾಸ್ತ್ರೋಕ್ತವಾಗಿ ಗೃಹಹೋಮ ಹಾಗೂ ಧಾರ್ಮಿಕ ವಿಧಿವಿಧಾನಗಳು ನೆರವೇರಲಿವೆ.
ಬೆಳಿಗ್ಗೆ 10:00 ಕ್ಕೆ ಸ್ಥಳೀಯ ಪ್ರತಿಭಾವಂತ ಮಕ್ಕಳಿಂದ ವೈವಿಧ್ಯಮಯ ಸಾಂಸ್ಕೃತಿಕ ಕಾರ್ಯಕ್ರಮಗಳು ಜರುಗಲಿವೆ.
ಬೆಳಿಗ್ಗೆ 11:30 ಕ್ಕೆ ಸಭಾ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದ್ದು, ಈ ಸಂದರ್ಭದಲ್ಲಿ ಸಮಾಜದ 5 ಬಡ ಕುಟುಂಬಗಳಿಗೆ ಆರ್ಥಿಕ ಸಹಾಯಧನ ವಿತರಿಸಿ ಆಸರೆಯಾಗುವ ಮಹತ್ಕಾರ್ಯ ನೆರವೇರಲಿದೆ.
ಗಣ್ಯರ ಉಪಸ್ಥಿತಿ
ಈ ಸತ್ಕಾರ್ಯ ಮತ್ತು ಮಾನವೀಯ ಮಹೋತ್ಸವದಲ್ಲಿ ವಿವಿಧ ರಂಗಗಳ ಜನಪ್ರತಿನಿಧಿಗಳು, ಧಾರ್ಮಿಕ ಕ್ಷೇತ್ರದ ಪ್ರಮುಖರು, ಸ್ಥಳೀಯ ಮುಖಂಡರು ಹಾಗೂ ಸಂಘ-ಸಂಸ್ಥೆಗಳ ಗಣ್ಯರು ಭಾಗವಹಿಸಿ ಶುಭ ಹಾರೈಸಲಿದ್ದಾರೆ.
ಸೇವಾ ಮನೋಭಾವದ ಈ ಪವಿತ್ರ ಕಾರ್ಯಕ್ರಮದಲ್ಲಿ ಸಾರ್ವಜನಿಕರು ಹಾಗೂ ಊರಿನ ಬಂಧುಗಳು ಹೆಚ್ಚಿನ ಸಂಖ್ಯೆಯಲ್ಲಿ ಪಾಲ್ಗೊಂಡು ಯಶಸ್ವಿಗೊಳಿಸಬೇಕಾಗಿ ಸಾಯಿ ಮಾರ್ನಾಡು ಸೇವಾ ಸಂಘ ಟ್ರಸ್ಟ್ (ರಿ.) ಇದರ ಅಧ್ಯಕ್ಷರು, ಪದಾಧಿಕಾರಿಗಳು ಹಾಗೂ ಸರ್ವ ಸದಸ್ಯರು ವಿನಂತಿಸಿದ್ದಾರೆ.