ಜೈ ಶ್ರೀರಾಮ್ ಗೆಳೆಯರ ಬಳಗ ಶ್ರೀ ರಾಮನಗರ ಬಂದಾರು ಉಂದೆತ ಪೆರ್ಮೆದ ಪದುಕೆರಾದ್ ಇತ್ತೊಂದು, ಸಾಹಿತ್ಯ ಕ್ಷೇತ್ರಡ್ ತನ್ನನೇ ಆಯಿನ ಬೊಲಿಕೆನ್ ಪಸೆರಾವೊಂದು,ಉಪ್ಪುನ ಎಲ್ಯ ಪ್ರಾಯೊಡೇ ಮಲ್ಲ ಸಾಧನೆ ಮಂತಿನ ಶ್ರೀ ಚಂದ್ರಹಾಸ ಕುಂಬಾರ ಬಂದಾರು ಮೆರೆನ ಸುರೂತ ಪನಿ ಕಬಿತೆದ ಪಾಲೆ ಉರುವೆ ತಾ 07-09-2025 ತಾನಿ ಕಾಂಡೆ ಒಡಿಯೂರು ಕ್ಷೇತ್ರಡ್ ಶ್ರೀ ಶ್ರೀ ಶ್ರೀ ಗುರುದೇವಾನಂದ ಸ್ವಾಮಿಲೆನ ಪುಣ್ಯ ಕೈ ತಾಮರೆಡ್ ಬುಡುಗಡೆ ಆಂಡ್.
ಈ ಪೊರ್ತುಡು ಸ್ವಾಮಿಲು ತುಲು ಬರವುದ ಬೆನ್ನಿಡ್ ನನಲಾತ್ ಮಸ್ತಿರೆಲು ಬುಡುಗಡೆ ಆವಡ್,ಅಪ್ಪೆ ಭಾಷೆದ ಮೋಕೆ ಉಡಲ್ಡ್ ಯಾಪಲಾ ಉಪ್ಪಡ್, ಇತ್ತೆ ಉರುವೆ ನನ ಬಜ್ಜೆಯಿ ಆವೊಡಾತೆ ಬಜ್ಜೆಯಿ ಆವಡ್, ಶ್ರೀ ಗುರು ದತ್ತಾಂಜನೇಯ ದೇವೆರೆನ ಅನುಗ್ರಹ ಪ್ರಾಪ್ತಿ ಆವಾಡ್ಂದ್ ಆಶೀರ್ವಾದ ನುಡಿ ಕೊರ್ಯೆರ್. ಈ ಪನಿ ಕಬಿತೆದ ಪಾಲೆಗ್ ಬರವುದ ಬಿರ್ಸೆಂದೇ ಪುಗಾರ್ತೆ ಪಡೆದಿನ ಉಬಾರ್ದ ಪೆರ್ಮೆದ ತುಲು ಬರವುದಾರಾಯಿನ ಶ್ರೀ ಚಂದ್ರಶೇಖರ ಹೀರೆಬಂಡಾಡಿ ( ಬರವು ಚಂದು ) ಮೇರ್ ಸುರೂತ ಪಾತೆರ ಬರೆದ್,ತುಲುನಾಡ್ದ ಪೆರ್ಮೆದ ಬರುವುದಪ್ಪೆ ಸಿರಿಮತಿ ಕುಶಲಾಕ್ಷಿ ವಿ ಕುಲಾಲ್ ಕಣ್ವತೀರ್ಥ ಬೆರಿಬೊಟ್ಟುನ ದೇಸೆ ಪಾರಾದೆರ್.ಮಂಜು ಶ್ರೀ ಪ್ರಿಂಟರ್ಸ್ ಉಜಿರೆ ಮುಕುಲು ಪೊರ್ಲ ಅಚ್ಚಿ ಮಂತ್ದೆರ್.
ಮಸ್ತಿರೆ ಬುಡುಗಡೆತ ಪೊರ್ತುಡು.ಬಳಗದ ಸ್ಥಾಪಕಧ್ಯಕ್ಷೆರ್ ವಕೀಲೆರ್ ಶ್ರೀ ಉದಯ್ ಕುಮಾರ್ ಬಿ.ಕೆ, ಕುಂಬಾರರ ಸಂಘದ ಗುರ್ಕಾರ್ಲು ಶ್ರೀ ಕೆಂಚಪ್ಪ ಕುಂಬಾರ, ಭಜನೆದ ಗುರುಕುಲು ಶ್ರೀ ಸುಬ್ರಾಯ ಹೊಳ್ಳ, ಜೈ ಶ್ರೀರಾಮ್ ಗೆಳೆಯರ ಬಳಗ ಶ್ರೀ ರಾಮನಗರ ಬಂದಾರುದ ಗುರ್ಕಾರ್ಲು ಶ್ರೀ ಶ್ರೀಧರ ಬಿ.ಕೆ,ಕಾರ್ಯಂತೆರ್ ಶ್ರೀ ಚಂದ್ರಶೇಖರ.ಬಿ.ಕೆ ಬೊಕ ಮಾತಾ ಪದುಕೆರ್ ಒಟ್ಟುಗಿತ್ತೆರ್.ಒಡಿಯೂರು ಕ್ಷೇತ್ರಡ್ ಪದುಕೆರೆನ ಭಜನಾ ಸೇವೆಲಾ ನಡತ್ಂಡ್