ಮಂಗಳೂರು : ಅಂತರಾಷ್ಟ್ರೀಯ ಮಹಿಳಾ ದಿನಾಚರಣೆಯ ಅಂಗವಾಗಿ JCI ಮಂಗಳೂರು ಸಮ್ರಾಟ್, ರೋಟರಿ ಮಂಗಳೂರು ಡೌನ್ಟೌನ್ ಮತ್ತು ಸ್ವಸ್ತಿಕಾ ನ್ಯಾಷನಲ್ ಬಿಸಿನೆಸ್ ಸ್ಕೂಲ್ ಸಂಯುಕ್ತ ಆಶ್ರಯದಲ್ಲಿ “HER Summit – Honouring Empowered Resilience” ಕಾರ್ಯಕ್ರಮವನ್ನು ಮಂಗಳೂರು ಸುಲ್ತಾನ್ ಬಥೇರಿ ಪ್ರದೇಶದ ಸ್ವಸ್ತಿಕಾ ವಾಟರ್ಫ್ರಂಟ್ನಲ್ಲಿ ಆಯೋಜಿಸಲಾಯಿತು.
SDG 5 – ಲಿಂಗ ಸಮಾನತೆ ಎಂಬ ಧ್ಯೇಯದೊಂದಿಗೆ ಮಂಗಳೂರಿನ ಸರಕಾರಿ ವಸತಿ ನಿಲಯಗಳ 300 ವಿದ್ಯಾರ್ಥಿಗಳಿಗಾಗಿ ನಡೆದ ಈ ಸಮಾರಂಭದಲ್ಲಿ ಮಹಿಳಾ ಸಬಲೀಕರಣ, ನಾಯಕತ್ವ ಮತ್ತು ವೃತ್ತಿ ಅಭಿವೃದ್ಧಿಗೆ ಒತ್ತು ನೀಡಲಾಯಿತು. ಕಾರ್ಯಕ್ರಮದ ಅಂಗವಾಗಿ ಔಟ್ಬೌಂಡ್ ಚಟುವಟಿಕೆಗಳು, ಪ್ರೇರಣಾದಾಯಕ ಪವರ್ ಟಾಕ್ ಮತ್ತು ಪ್ಯಾನೆಲ್ ಚರ್ಚೆ ನಡೆಸಲಾಯಿತು.
ಕಾರ್ಯಕ್ರಮದ ಆರಂಭದಲ್ಲಿ ನಡೆದ ಔಟ್ಬೌಂಡ್ ಚಟುವಟಿಕೆಗಳು ಭಾಗವಹಿಸಿದವರಲ್ಲಿ ತಂಡದ ಮನೋಭಾವ, ಆತ್ಮವಿಶ್ವಾಸ ಮತ್ತು ಸಹಕಾರದ ಮನೋಭಾವವನ್ನು ಬೆಳೆಸುವಲ್ಲಿ ಸಹಾಯ ಮಾಡಿತು.
ಕಾರ್ಯಕ್ರಮದ ಪ್ರಮುಖ ಆಕರ್ಷಣೆಯಾಗಿ 92.7 ಬಿಗ್ ಎಫ್ಎಂ ಮಂಗಳೂರು ರೇಡಿಯೋ ಜಾಕಿ ಆರ್ಜೆ ನಯನಾ ಅವರು ಪವರ್ ಟಾಕ್ ನೀಡಿದರು. ತಮ್ಮ ಜೀವನಯಾನ, ಮಾಧ್ಯಮ ಕ್ಷೇತ್ರದ ಅನುಭವಗಳು ಹಾಗೂ ಆತ್ಮವಿಶ್ವಾಸ ಮತ್ತು ಧೈರ್ಯದ ಮಹತ್ವದ ಕುರಿತು ಅವರು ಪ್ರೇರಣಾದಾಯಕ ಮಾತುಗಳನ್ನು ಹಂಚಿಕೊಂಡರು.
“NextGen Women: Handling Career” ಎಂಬ ವಿಷಯದಡಿ ನಡೆದ ಪ್ಯಾನೆಲ್ ಚರ್ಚೆಯಲ್ಲಿ ವಿವಿಧ ಕ್ಷೇತ್ರಗಳ ಗಣ್ಯರು ಭಾಗವಹಿಸಿದರು. ಪ್ಯಾನೆಲ್ ಸದಸ್ಯರಾಗಿ
• ಗೀತಾ ಡಿ ಕುಲಕರ್ಣಿ, ಸಹಾಯಕ ಪೊಲೀಸ್ ಆಯುಕ್ತರು, ಸಿಟಿ ಕ್ರೈಂ ರೆಕಾರ್ಡ್ ಬ್ಯೂರೋ, ಮಂಗಳೂರು
• ಕೋಮಲ್ ಪ್ರಭು, ಮ್ಯಾನೇಜಿಂಗ್ ಡೈರೆಕ್ಟರ್ ಮತ್ತು ಹೆಡ್ ಶೆಫ್, ಮಹಾರಾಜ ಫ್ಯಾಮಿಲಿ ರೆಸ್ಟೋರೆಂಟ್, ಮಂಗಳೂರು
• ಡಾ. ಕೆ.ಟಿ. ಶ್ವೇತಾ, ಸ್ಥಾಪಕಿ ಮತ್ತು ಕ್ಲಿನಿಕಲ್ ಸೈಕಾಲಜಿಸ್ಟ್, ಅನಿರ್ವೇದ ಫೌಂಡೇಶನ್
• ಡಾ. ನಾಗವೇಣಿ ಮಂಚಿ, ನಿವೃತ್ತ ಕನ್ನಡ ಪ್ರಾಧ್ಯಾಪಕಿ, ಪಿ. ಸತೀಶ ಪೈ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜು, ಮಂಗಳೂರು
ಪಾಲ್ಗೊಂಡು ಮಹಿಳೆಯರ ವೃತ್ತಿ ಬೆಳವಣಿಗೆ, ಸವಾಲುಗಳು ಮತ್ತು ಅವಕಾಶಗಳ ಕುರಿತು ತಮ್ಮ ಅಭಿಪ್ರಾಯಗಳನ್ನು ಹಂಚಿಕೊಂಡರು. ಈ ಚರ್ಚೆಯನ್ನು ಜೆಸಿಐ ಸೇನ್. ಡಾ. ರಾಘವೇಂದ್ರ ಹೊಳ್ಳ ಎನ್, ಲೇಖಕ ಹಾಗೂ ಜೆಸಿಐ ಇಂಡಿಯಾ ರಾಷ್ಟ್ರೀಯ ತರಬೇತುದಾರರು ಸಮರ್ಥವಾಗಿ ನಿರ್ವಹಿಸಿದರು.
ಕಾರ್ಯಕ್ರಮಕ್ಕೆ ಜೆಎಫ್ಎಸ್ ಎ. ಮನಿಕಂದನ್, ಜೆಸಿಐ ಇಂಡಿಯಾ ರಾಷ್ಟ್ರೀಯ ಉಪಾಧ್ಯಕ್ಷರು (ಏರಿಯಾ C) ಮುಖ್ಯ ಅತಿಥಿಗಳಾಗಿ ಉಪಸ್ಥಿತರಿದ್ದರು. ಗೌರವ ಅತಿಥಿಗಳಾಗಿ ಜೆಎಫ್ಎಫ್ ಸಂತೋಷ್ ಶೆಟ್ಟಿ, ವಲಯಾಧ್ಯಕ್ಷರು (ಜೋನ್ 15); ರೋಟೇ. ಪರಿನೀತಾ ಶೆಣಾಯ್, ಮಾಜಿ ಅಧ್ಯಕ್ಷರು, ರೋಟರಿ ಮಂಗಳೂರು ಡೌನ್ಟೌನ್; ಬಿಂದಿಯಾ ನಾಯಕ್, ಜಿಲ್ಲಾ ಅಧಿಕಾರಿ, ಹಿಂದುಳಿದ ವರ್ಗಗಳ ಕಲ್ಯಾಣ ಇಲಾಖೆ, ದಕ್ಷಿಣ ಕನ್ನಡ; ಸುಮನಾ ಪೊಳಲಿ, ಟ್ರಸ್ಟಿ, ಸ್ವಸ್ತಿಕಾ ಚಾರಿಟೇಬಲ್ ಟ್ರಸ್ಟ್; ಹಾಗೂ ಜೆಸಿ ಡಾ. ಹರಿನಾಕ್ಷಿ ಕಾರ್ಕೆರ, ವಲಯ ಉಪಾಧ್ಯಕ್ಷರು (ರೀಜನ್ C, ಜೋನ್ 15) ಭಾಗವಹಿಸಿದರು.
ಗಣ್ಯ ಅತಿಥಿಗಳ ಸಮ್ಮುಖದಲ್ಲಿ ಜೆಸಿಐ ಮಂಗಳೂರು ಸಮ್ರಾಟ್ ಮತ್ತು ಮಾಸ್ಟರ್ ಪ್ಲಾನರಿ ಪುತ್ತೂರು ವತಿಯಿಂದ ಸ್ವಸ್ತಿಕಾ ನ್ಯಾಷನಲ್ ಬಿಸಿನೆಸ್ ಸ್ಕೂಲ್ ಕ್ಯಾಂಪಸ್ಗೆ ಶಾಶ್ವತ ಯೋಜನೆಯಾದ ವಿಶ್ರಾಂತಿ ಬೆಂಚುಗಳನ್ನು ಹಸ್ತಾಂತರಿಸಲಾಯಿತು.
ಈ ಕಾರ್ಯಕ್ರಮವನ್ನು ಜೆಸಿ ಪ್ರೀತಿ ಶೆಟ್ಟಿಗಾರ್, ಅಧ್ಯಕ್ಷರು, ಜೆಸಿಐ ಮಂಗಳೂರು ಸಮ್ರಾಟ್ ಅವರ ನೇತೃತ್ವದಲ್ಲಿ ಜೆಸಿ ದಿನೇಶ್, ಕಾರ್ಯದರ್ಶಿ ಹಾಗೂ ಜೆಸಿ ಎಚ್ಜಿಎಫ್ ಯತೀಶ ಕೇ.ಎಸ್, ಐಪಿಪಿ ಅವರ ಸಹಕಾರದೊಂದಿಗೆ ಯಶಸ್ವಿಯಾಗಿ ಆಯೋಜಿಸಲಾಯಿತು. ರೋಟೇ. ಸತ್ಯಜಿತ್ ಎಸ್ ರಾವ್, ಅಧ್ಯಕ್ಷರು, ರೋಟರಿ ಮಂಗಳೂರು ಡೌನ್ಟೌನ್ ಸಹ ಕಾರ್ಯಕ್ರಮಕ್ಕೆ ಬೆಂಬಲ ನೀಡಿದರು. ಮಹಿಳೆಯರ ಸಾಧನೆಗಳನ್ನು ಗೌರವಿಸಿ, ಯುವತಿಯರಿಗೆ ಆತ್ಮವಿಶ್ವಾಸ ಹಾಗೂ ಪ್ರೇರಣೆಯನ್ನು ನೀಡಿದ HER ಸಮಿಟ್ ಕಾರ್ಯಕ್ರಮ ಯಶಸ್ವಿಯಾಗಿ ನೆರವೇರಿತು.