ಸುಂಕದಕಟ್ಟೆ : ಶ್ರೀ ಅಂಬಿಕಾ ಅನ್ನಪೂರ್ಣೇಶ್ವರೀ ಪ್ರಸಾದಿತ ದಶಾವತಾರ ಯಕ್ಷಗಾನ ಮಂಡಳಿ, ಸುಂಕದಕಟ್ಟೆ-ಬಟ್ಟೆ ಇದರ 2026-27ನೇ ಸಾಲಿನ 53ನೇ ವರ್ಷದ ಯಕ್ಷಗಾನ ಮೇಳದ ತಿರುಗಾಟಕ್ಕೆ ಸಿದ್ಧತೆ ನಡೆಯುತ್ತಿದೆ.
ಶ್ರೀ ಶ್ರೀ ನಿರಂಜನ ಸ್ವಾಮೀಜಿಯವರ ಶುಭಾಶೀರ್ವಾದದೊಂದಿಗೆ ಸುದೀರ್ಘ ಇತಿಹಾಸ ಹೊಂದಿರುವ ಮೇಳವು ಈ ಬಾರಿ ಪ್ರತಿಭಾವಂತ ಕಲಾವಿದರ ಸಮ್ಮಿಲನ ಹಾಗೂ ಆಧುನಿಕ ಹೊಸ ವ್ಯವಸ್ಥೆಗಳೊಂದಿಗೆ ಪ್ರೇಕ್ಷಕರ ಮುಂದೆ ಬರಲಿದೆ. ಹೊಚ್ಚಹೊಸ ಪ್ರಸಂಗಗಳ ಪ್ರದರ್ಶನದ ಮೂಲಕ ಯಕ್ಷಗಾನ ಕಲಾಭಿಮಾನಿಗಳಿಗೆ ವಿಭಿನ್ನ ಮನರಂಜನೆ ನೀಡಲು ಮೇಳ ಸಜ್ಜಾಗಿದೆ.
53 ವರ್ಷಗಳ ಕಲಾಸೇವೆಯ ಪರಂಪರೆ
ಐದು ದಶಕಗಳಿಗೂ ಹೆಚ್ಚಿನ ಕಾಲದಿಂದ ಯಕ್ಷಗಾನ ಕಲಾಸೇವೆಯಲ್ಲಿ ತೊಡಗಿಸಿಕೊಂಡಿರುವ ಮೇಳವು ತನ್ನ ಕಲಾ ಪರಂಪರೆಯನ್ನು ಮುಂದುವರಿಸುತ್ತಿದೆ. ಈ ಹಿನ್ನೆಲೆಯಲ್ಲಿ ಕಲಾಭಿಮಾನಿಗಳು ಶ್ರೀ ಕ್ಷೇತ್ರದ ಸೇವೆಯಾಟವನ್ನು ಆಡಿಸುವ ಮೂಲಕ ಕಲಾಮಾತೆ ಶ್ರೀ ಅಂಬಿಕಾ ಅನ್ನಪೂರ್ಣೇಶ್ವರೀ ಅಮ್ಮನವರ ಕೃಪೆಗೆ ಪಾತ್ರರಾಗುವಂತೆ ಮೇಳದ ವತಿಯಿಂದ ವಿನಂತಿಸಲಾಗಿದೆ.
ಈ ಕುರಿತು ಶ್ರೀ ಕ್ಷೇತ್ರ ಸುಂಕದಕಟ್ಟೆಯ ಅನುವಂಶಿಕ ಮೊಕ್ತೇಸರರು ಹಾಗೂ ಮೇಳದ ವ್ಯವಸ್ಥಾಪಕರಾದ ಶ್ರೀ ನಾರಾಯಣ ಎನ್. ಪೂಜಾರಿ ಅವರು ಕಲಾಭಿಮಾನಿಗಳಿಗೆ ಮನವಿ ಮಾಡಿದ್ದಾರೆ.
ಹೆಚ್ಚಿನ ಮಾಹಿತಿಗೆ ಸಂಪರ್ಕಿಸಿ:
- ಶ್ರೀ ನಾರಾಯಣ ಎನ್. ಪೂಜಾರಿ – 0824-225233, 8151885505, 8147252603
- ಶ್ರೀ ಧ್ರುವ್ ಎನ್. ಪೂಜಾರಿ – ಮೇಳದ ಸಂಚಾಲಕರು
- ಶ್ರೀ ರಮೇಶ್ ಕುಲಶೇಖರ – ಮೇಳದ ಪ್ರಬಂಧಕರು – 8197296956, 9449101156
ಈ ಬಾರಿಯೂ ಯಕ್ಷಗಾನ ಕಲೆಯ ಸೊಗಡನ್ನು ಜನಮಾನಸಕ್ಕೆ ತಲುಪಿಸುವ ಉದ್ದೇಶದೊಂದಿಗೆ ಮೇಳವು ಹೊಸ ಪ್ರದರ್ಶನಗಳ ಮೂಲಕ ಕಲಾಭಿಮಾನಿಗಳನ್ನು ರಂಜಿಸಲು ಸಜ್ಜಾಗಿದೆ.