ಸಮಾನಮನಸ್ಕ ಮಾಧ್ಯಮ ಲೋಕದ ಸಂಘಟನೆ
ವಿಕಾಸದ ಸಾರ್ಥಕ ಪಯಣದ ಹತ್ತು ವರ್ಷಗಳು
-ಮಂದಾರ ರಾಜೇಶ್ ಭಟ್
ಬೆಂಗಳೂರು: ಕಳೆದ ಹತ್ತು ವರ್ಷಗಳಿಂದ ಸಮಾಜದ ವಿವಿಧ ಸ್ತರಗಳಲ್ಲಿ ಸಾರ್ಥಕ ಸೇವೆ ಸಲ್ಲಿಸುತ್ತಾ ಬಂದಿರುವ ‘ವಿಕಾಸ’ ಸಮಾನ ಮನಸ್ಕ ಮಾಧ್ಯಮ ವೇದಿಕೆ ಸಂಘಟನೆಯು ಈಗ ತನ್ನ ದಶಮಾನೋತ್ಸವದ ಸಂಭ್ರಮದಲ್ಲಿದೆ.
ಈ ಸುಸಂದರ್ಭದಲ್ಲಿ ಸಂಘಟನೆಯು ಅತ್ಯಂತ ಮಹತ್ವಾಕಾಂಕ್ಷೆಯ ಯೋಜನೆಯೊಂದನ್ನು ಕೈಗೆತ್ತಿಕೊಂಡಿದ್ದು, ಮುಂದಿನ ಒಂದು ವರ್ಷದ ಅವಧಿಯಲ್ಲಿ ರಾಷ್ಟ್ರ ಮಟ್ಟದ *ವಿಕಾಸ ಸಮಾನ ಮನಸ್ಕ ಮಾಧ್ಯಮ ವೇದಿಕೆಯು ಮಾಧ್ಯಮ ಮಿತ್ರರ ಬೃಹತ್ ಸಮಾವೇಶವನ್ನು ಆಯೋಜಿಸಲು ಸಿದ್ಧತೆ ನಡೆಸುತ್ತಿದೆ.
ಯೋಜನೆಯ ಮುಖ್ಯಾಂಶಗಳು
ವಿಕಾಸ ಸಂಘಟನೆಯು ಹಮ್ಮಿಕೊಂಡಿರುವ ಈ ಬೃಹತ್ ಯೋಜನೆಯು ದೇಶದಾದ್ಯಂತ ಇರುವ ಸಮಾನ ಮನಸ್ಕ ಮಾಧ್ಯಮ ಪ್ರತಿನಿಧಿಗಳನ್ನು ಒಂದುಗೂಡಿಸುವ ಪ್ರಧಾನ ಗುರಿಯನ್ನು ಹೊಂದಿದೆ.
ಮುಂದಿನ ಒಂದು ವರ್ಷದ ಅವಧಿಯಲ್ಲಿ ಭಾರತದ ಎಲ್ಲಾ ರಾಜ್ಯಗಳ ಪ್ರತಿನಿಧಿಗಳನ್ನು ಒಳಗೊಂಡ “ರಾಷ್ಟ್ರ ಮಟ್ಟದ ಮಾಧ್ಯಮ ಮಿತ್ರರ ಸಮಾವೇಶ”ವನ್ನು ಆಯೋಜಿಸುವುದು ಇದರ ಪ್ರಮುಖ ಉದ್ದೇಶವಾಗಿದೆ.
ಮಾಧ್ಯಮ ಕ್ಷೇತ್ರದಲ್ಲಿ ಸಕ್ರಿಯರಾಗಿರುವ ವಿಪ್ರ ಪತ್ರಕರ್ತರನ್ನು ಗುರುತಿಸಿ, ಅವರಲ್ಲಿ ವೃತ್ತಿಪರ ಒಗ್ಗಟ್ಟು ಮತ್ತು ಪರಸ್ಪರ ಸಹಕಾರದ ಮನೋಭಾವವನ್ನು ಬೆಳೆಸಲು ಈ ವೇದಿಕೆಯು ಮುನ್ನುಡಿ ಬರೆಯಲಿದೆ.
ಈ ಮೂಲಕ ಸಂಘಟನೆಯ ಹತ್ತು ವರ್ಷಗಳ ಸಾರ್ಥಕ ಸೇವೆಯನ್ನು ರಾಷ್ಟ್ರ ಮಟ್ಟಕ್ಕೆ ವಿಸ್ತರಿಸುವ ಮತ್ತು ಮಾಧ್ಯಮ ಲೋಕದಲ್ಲಿ ಒಂದು ಬಲಿಷ್ಠ ಸಂಘಟನಾತ್ಮಕ ನೆಟ್ವರ್ಕ್ ನಿರ್ಮಿಸುವ ಮಹತ್ವಾಕಾಂಕ್ಷೆಯನ್ನು ಈ ಯೋಜನೆ ಹೊಂದಿದೆ.
ಸಂಪರ್ಕ ಮತ್ತು ಮಾಹಿತಿ ಸಂಗ್ರಹ
ಈ ರಾಷ್ಟ್ರೀಯ ಕಾರ್ಯಕ್ರಮದ ಯಶಸ್ಸಿಗೆ ದೇಶದ ಎಲ್ಲಾ ರಾಜ್ಯಗಳಲ್ಲಿರುವ ಮಾಧ್ಯಮದ ಸಮಾನಮನಸ್ಕರನ್ನು ಗುರುತಿಸುವುದು ಅತ್ಯಗತ್ಯ.
ಈ ನಿಟ್ಟಿನಲ್ಲಿ ವಿಕಾಸದ ಎಲ್ಲಾ ಸದಸ್ಯರಿಗೆ ಸಂಘಟನೆಯು ವಿಶೇಷ ಜವಾಬ್ದಾರಿಯನ್ನು ನೀದಲಿದ್ದು,ತಮಗೆ ಪರಿಚಯವಿರುವ ಬೇರೆ ಬೇರೆ ರಾಜ್ಯಗಳ ವಿಪ್ರ ಪತ್ರಕರ್ತರು ಮತ್ತು ಮಾಧ್ಯಮ ಕ್ಷೇತ್ರದ ಗಣ್ಯರ ದೂರವಾಣಿ ಸಂಖ್ಯೆ ಹಾಗೂ ವಿವರಗಳನ್ನು ಸಂಗ್ರಹಿಸುವ ಕೆಲಸವಾಗಬೇಕಿದೆ.
ಸಂಗ್ರಹಿಸಿದ ಮಾಹಿತಿಯ ಆಧಾರದ ಮೇಲೆ ಅವರನ್ನು ಸಂಪರ್ಕಿಸಿ, ಈ ಅಭಿಯಾನದ ಉದ್ದೇಶಗಳನ್ನು ಮನವರಿಕೆ ಮಾಡಿಕೊಡುವ ಮೂಲಕ ಅವರನ್ನು ಈ ಬೃಹತ್ ವೇದಿಕೆಯಡಿ ತರುವ ಜವಾಬ್ದಾರಿಯನ್ನು ಸದಸ್ಯರು ಮಾಡಬೇಕಿದೆ
ಜಿಲ್ಲಾ ಘಟಕಗಳ ಜವಾಬ್ದಾರಿ ಮತ್ತು ಮಾರ್ಗದರ್ಶನ
ಕರ್ನಾಟಕದ ಪ್ರತಿಯೊಂದು ಜಿಲ್ಲೆಯ ವಿಕಾಸ ಅಧ್ಯಕ್ಷರುಗಳು, ಪದಾಧಿಕಾರಿಗಳು ಹಾಗೂ ಸದಸ್ಯರು ಈ ಕಾರ್ಯದಲ್ಲಿ ಅತ್ಯಂತ ಸಕ್ರಿಯವಾಗಿ ತೊಡಗಿಸಿಕೊಳ್ಳುವಂತೆ ಕೇಂದ್ರ ಕಚೇರಿಯು ವಿನಂತಿಸಿದೆ. ಜಿಲ್ಲಾ ಮಟ್ಟದ ತಂಡಗಳು ಕೇಂದ್ರ ಕಚೇರಿಯೊಂದಿಗೆ ನಿರಂತರ ಮತ್ತು ನಿಕಟ ಸಂಪರ್ಕವನ್ನು ಹೊಂದಿರಬೇಕು. ಪರಸ್ಪರ ಸಹಕಾರ ಮತ್ತು ಕಾಲಕಾಲಕ್ಕೆ ದೊರೆಯುವ ಮಾರ್ಗದರ್ಶನಗಳನ್ನು ವಿನಿಮಯ ಮಾಡಿಕೊಳ್ಳುವ ಮೂಲಕ ಈ ಅಭಿಯಾನವನ್ನು ಸಮರೋಪಾದಿಯಲ್ಲಿ ಯಶಸ್ವಿಗೊಳಿಸಬೇಕೆಂದು ಕೋರಲಾಗಿದೆ.
ವಿಕಾಸದ ಈ ಮಹತ್ವಾಕಾಂಕ್ಷೆಯ ಯೋಜನೆಯು ಮಾಧ್ಯಮ ಕ್ಷೇತ್ರದಲ್ಲಿ ಹೊಸ ಸಂಚಲನ ಮೂಡಿಸುವುದು ಖಚಿತ. ಸದಸ್ಯರ ಪ್ರಾಮಾಣಿಕ ಶ್ರಮ ಮತ್ತು ಸಂಘಟಿತ ಪ್ರಯತ್ನದಿಂದ ‘ರಾಷ್ಟ್ರ ಮಟ್ಟದ ಮಾಧ್ಯಮ ಮಿತ್ರರ ಸಮಾವೇಶ’ವು ಯಶಸ್ವಿಯಾಗಿ, ವಿಕಾಸದ ಹತ್ತು ವರ್ಷಗಳ ಸೇವೆಯ ಇತಿಹಾಸದಲ್ಲಿ ಬಂಗಾರದ ಅಕ್ಷರಗಳಲ್ಲಿ ದಾಖಲಾಗಲು ಸದಸ್ಯರೆಲ್ಲರೂ ಕೈಜೋಡಿಸುವಂತೆ ವಿನಂತಿಸಲಾಗಿದೆ.