ಕಾರ್ಕಳ : ಸಮಾಜಮುಖಿ ಸೇವಾ ಕಾರ್ಯಗಳಲ್ಲಿ ತೊಡಗಿಸಿಕೊಂಡಿರುವ ಮಡಿಲು ಸೇವಾ ತಂಡದ ವತಿಯಿಂದ ಕಾರ್ಕಳದ ಬೈಲೂರಿನಲ್ಲಿರುವ ಹೊಸಬೆಳಕು ಆಶ್ರಮಕ್ಕೆ ಭೇಟಿ ನೀಡಿ ವಿವಿಧ ಸವಲತ್ತುಗಳನ್ನು ಒದಗಿಸುವ ಮೂಲಕ ಸಹಾಯಹಸ್ತ ಚಾಚಲಾಯಿತು.
ಆ.2ರಂದು ನಡೆದ ಈ ಸೇವಾ ಕಾರ್ಯದಲ್ಲಿ ಸುಮಾರು 240 ಮಂದಿ ನಿರ್ಗತಿಕರು ಆಶ್ರಯ ಪಡೆಯುತ್ತಿರುವ ಹೊಸಬೆಳಕು ಆಶ್ರಮಕ್ಕೆ ತಂಡದ ಸದಸ್ಯರು ಭೇಟಿ ನೀಡಿದರು. ಆಶ್ರಮದಲ್ಲಿರುವವರ ಅಗತ್ಯತೆಗಳನ್ನು ಅರಿತು ವಿವಿಧ ಸವಲತ್ತುಗಳನ್ನು ಒದಗಿಸಲಾಯಿತು.
ಇದೇ ಸಂದರ್ಭದಲ್ಲಿ ಆಶ್ರಮದ ವ್ಯವಸ್ಥಾಪಕಿ ತನುಲ್ ತರುಣ್ ಅವರಿಗೆ ಮಡಿಲು ಸೇವಾ ತಂಡದ ವತಿಯಿಂದ ₹50,000 ದೇಣಿಗೆ ನೀಡಿ ಆಶ್ರಮದ ಸೇವಾ ಕಾರ್ಯಗಳಿಗೆ ನೆರವು ನೀಡಲಾಯಿತು.
ಸಮಾಜದಲ್ಲಿ ನೆರವಿನ ಅಗತ್ಯವಿರುವವರೊಂದಿಗೆ ಮಾನವೀಯವಾಗಿ ಸ್ಪಂದಿಸುವುದು ಹಾಗೂ ನಿರ್ಗತಿಕರ ಬದುಕಿಗೆ ಆಸರೆಯಾಗುವುದು ಪ್ರತಿಯೊಬ್ಬರ ಸಾಮಾಜಿಕ ಜವಾಬ್ದಾರಿಯಾಗಿದೆ ಎಂಬ ಆಶಯದೊಂದಿಗೆ ಈ ಸೇವಾ ಕಾರ್ಯವನ್ನು ಹಮ್ಮಿಕೊಳ್ಳಲಾಯಿತು.
ಈ ಸಂದರ್ಭದಲ್ಲಿ ಮಡಿಲು ಸೇವಾ ತಂಡದ ಗೌರವಾಧ್ಯಕ್ಷೆ ಪುಷ್ಪಲತಾ ಎಸ್. ಸುವರ್ಣ, ಅಧ್ಯಕ್ಷ ಗಜೇಂದ್ರ ಪೂಜಾರಿ, ಸಂಜಿತ್ ಎಸ್. ಅಂಚನ್, ಉಷಾ ವಿಶ್ವನಾಥ್, ಕೃಷ್ಣಪ್ಪ ನಾಗುರಿ, ಕೆ.ಪಿ. ಬಾಲಚಂದ್ರ, ಶಿವದಾಸ್ ಹಾಗೂ ಮೆಲೋಡಿ ಮೇಕರ್ಸ್ ತಂಡದ ಸಂಪತ್ ಉಪಸ್ಥಿತರಿದ್ದರು.
ಮಡಿಲು ಸೇವಾ ತಂಡದ ಈ ಮಾನವೀಯ ಕಾರ್ಯಕ್ಕೆ ಆಶ್ರಮದ ವತಿಯಿಂದ ಕೃತಜ್ಞತೆ ಸಲ್ಲಿಸಲಾಯಿತು.