-ಮಂದಾರ ರಾಜೇಶ್ ಭಟ್
ಬೆಂಗಳೂರು : ಎಲೆಕ್ಟ್ರಿಕ್ ವಾಣಿಜ್ಯ ವಾಹನ ಸಂಸ್ಥೆ ಆಲ್ಟಿಗ್ರೀನ್ (ಜಾಕ್ಸನ್ ಗ್ರೂಪ್‌ನ ಭಾಗ) ಭಾರತದ ನಗರ, ಅರೆ-ನಗರ ಮತ್ತು ಗ್ರಾಮೀಣ ಅಗತ್ಯಗಳನ್ನು ಪೂರೈಸಲು ‘ಮಿನ್ಸಾರಾ’ (MINSARA) ಎಂಬ ಬಹು-ಉಪಯೋಗಿ ಎಲೆಕ್ಟ್ರಿಕ್ ದ್ವಿಚಕ್ರ ವಾಹನವನ್ನು ಬಿಡುಗಡೆ ಮಾಡಿದೆ.
ರೈತರು, ಸಣ್ಣ ಉದ್ಯಮಿಗಳು ಹಾಗೂ ವಿತರಣಾ ವೃತ್ತಿಪರರನ್ನು ಗಮನದಲ್ಲಿಟ್ಟುಕೊಂಡು ಇದನ್ನು ವಿನ್ಯಾಸಗೊಳಿಸಲಾಗಿದೆ.
ಮಿನ್ಸಾರಾ ಮೂರು ಮಾದರಿಗಳಲ್ಲಿ ಲಭ್ಯವಿದೆ
ಮಿನ್ಸಾರಾ S: 2.78 kWh ಬ್ಯಾಟರಿ, 125 ಕಿ.ಮೀ ಮೈಲೇಜ್ (ವ್ಯಾಪ್ತಿ).
ಮಿನ್ಸಾರಾ S+: 3.8 kWh ಬ್ಯಾಟರಿ, 165 ಕಿ.ಮೀ ಮೈಲೇಜ್.
ಮಿನ್ಸಾರಾ SE: ಬ್ಯಾಟರಿ ಬದಲಾಯಿಸುವ ಸೌಲಭ್ಯ ಹೊಂದಿದೆ.
ಪ್ರಮುಖ ತಾಂತ್ರಿಕ ವೈಶಿಷ್ಟ್ಯಗಳು
ಕಾರ್ಯಕ್ಷಮತೆ : 172 Nm ಪೀಕ್ ಟಾರ್ಕ್, 33% ಗ್ರೇಡಬಿಲಿಟಿ (ಇಳಿಜಾರು ಹತ್ತುವ ಸಾಮರ್ಥ್ಯ) ಹಾಗೂ ಗರಿಷ್ಠ 75 ಕಿ.ಮೀ/ಗಂಟೆಯ ವೇಗ.
ದೃಢತೆ: 264 ಕೆಜಿ ಒಟ್ಟು ವಾಹನ ತೂಕದ ಸಾಮರ್ಥ್ಯ (GVWR), ಬಲವಾದ ‘ರಿಬ್-ಕೇಜ್’ ಚಾಸಿಸ್ ಮತ್ತು 17-ಇಂಚಿನ ಅಲಾಯ್ ವೀಲ್‌ಗಳು ಹೊಂದಿವೆ
ಸುರಕ್ಷತೆ ಮತ್ತು ಬೆಲೆ ಹಾಗೂ ವಾರೆಂಟಿ
ಕ್ರಾಶ್ ಗಾರ್ಡ್, ಟೆಲಿಸ್ಕೋಪಿಕ್ ಸಸ್ಪೆನ್ಷನ್ ಮತ್ತು CBS (ಕಾಂಬಿ ಬ್ರೇಕಿಂಗ್) ವ್ಯವಸ್ಥೆಯುಳ್ಳ ಡ್ಯುಯಲ್ ಡಿಸ್ಕ್ ಬ್ರೇಕ್‌ಗಳು.
ಇದರ ಆರಂಭಿಕ ಬೆಲೆ ₹1.24 ಲಕ್ಷ (ಎಕ್ಸ್-ಶೋರೂಮ್) ಆಗಿದ್ದು, 3 ವರ್ಷ ಅಥವಾ 30,000 ಕಿ.ಮೀ ವಾರಂಟಿ ಹೊಂದಿದೆ.
ಬೆಂಗಳೂರು, ವಿಜಯವಾಡ ಮತ್ತು ನೋಯ್ಡಾಗಳಲ್ಲಿ ಬುಕಿಂಗ್‌ಗಳು ಪ್ರಾರಂಭವಾಗಿದ್ದು, 2026ರ ಡಿಸೆಂಬರ್ 1ರಿಂದ ವಾಹನಗಳ ವಿತರಣೆ ಆರಂಭವಾಗಲಿದೆ.
ಸರಕು ತ್ರಿಚಕ್ರ ವಾಹನಗಳ ಬಳಿಕ ದ್ವಿಚಕ್ರ ವಿಭಾಗಕ್ಕೆ ಕಾಲಿಟ್ಟಿರುವ ಆಲ್ಟಿಗ್ರೀನ್, ಶೀಘ್ರದಲ್ಲೇ ಪ್ರಯಾಣಿಕರ ತ್ರಿಚಕ್ರ ವಾಹನ ವಿಭಾಗಕ್ಕೂ ವಿಸ್ತರಿಸಲು ಯೋಜಿಸಿದೆ.