ಮಂಗಳೂರು, ಏಪ್ರಿಲ್ 22, 2026: ಭಾರತದ ಪ್ರಮುಖ ಅಂತರರಾಷ್ಟ್ರೀಯ ಬ್ಯಾಂಕ್ ಆಗಿರುವ ಬ್ಯಾಂಕ್ ಆಫ್ ಬರೋಡಾ, ಹಿರಿಯ ನಾಗರಿಕರ ಅಗತ್ಯಗಳನ್ನು ಮನಗಂಡು ‘bob Senior Citizen Vishesh Samman’ ಎಂಬ ಹೊಸ ಪ್ರೀಮಿಯಂ ಸೇವಿಂಗ್ಸ್ ಖಾತೆಯನ್ನು ಪರಿಚಯಿಸಿದೆ.
60 ವರ್ಷ ಮತ್ತು ಅದಕ್ಕಿಂತ ಹೆಚ್ಚು ವಯಸ್ಸಿನ ಗ್ರಾಹಕರಿಗಾಗಿ ವಿನ್ಯಾಸಗೊಳಿಸಲಾದ ಈ ಖಾತೆ, ಆರೋಗ್ಯ ಸೇವೆಗಳು ಹಾಗೂ ಸುಲಭ ಬ್ಯಾಂಕಿಂಗ್ ಸೌಲಭ್ಯಗಳನ್ನು ಒಟ್ಟುಗೂಡಿಸುವ ಮೂಲಕ ವಿಶೇಷತೆ ಪಡೆದುಕೊಂಡಿದೆ. ಹಿರಿಯ ನಾಗರಿಕರ ಆರ್ಥಿಕ ಹಾಗೂ ಆರೋಗ್ಯ ಭದ್ರತೆಯನ್ನು ಹೆಚ್ಚಿಸುವುದು ಈ ಯೋಜನೆಯ ಪ್ರಮುಖ ಉದ್ದೇಶವಾಗಿದೆ.
ಈ ಖಾತೆಯಡಿ ಗರಿಷ್ಠ ಆರು ಕುಟುಂಬ ಸದಸ್ಯರಿಗೆ ಉಚಿತ ಆನ್ಲೈನ್ ವೈದ್ಯರ ಸಲಹೆ ಸಿಗಲಿದ್ದು, ಔಷಧಿ ಖರೀದಿಗೆ 15% ರಿಯಾಯಿತಿ ಹಾಗೂ ಪಥಾಲಜಿಕಲ್ ಪರೀಕ್ಷೆಗಳಿಗೆ 20% ವರೆಗೆ ಸಡಿಲಿಕೆ ನೀಡಲಾಗುತ್ತದೆ. ಆರೋಗ್ಯ ಸೇವೆಗಳನ್ನು Practo ಸಹಯೋಗದಲ್ಲಿ ಒದಗಿಸಲಾಗುತ್ತಿದೆ.
ಇದಲ್ಲದೆ, ಗ್ರಾಹಕರು ತಿಂಗಳಿಗೆ ಎರಡು ಉಚಿತ ಡೋರ್ಸ್ಟೆಪ್ ಬ್ಯಾಂಕಿಂಗ್ ಸೇವೆಗಳನ್ನು ಪಡೆಯಬಹುದು. ಈ ಮೂಲಕ ನಗದು ಠೇವಣಿ, ಹಣ ತೆಗೆಯುವಿಕೆ ಸೇರಿದಂತೆ ಪ್ರಮುಖ ಬ್ಯಾಂಕಿಂಗ್ ಸೇವೆಗಳು ಮನೆಬಾಗಿಲಿಗೆ ತಲುಪಲಿವೆ.
ಖಾತೆದಾರರಿಗೆ bob Bhoomi RuPay Select ಡೆಬಿಟ್ ಕಾರ್ಡ್ ಉಚಿತವಾಗಿ ನೀಡಲಾಗುತ್ತಿದ್ದು, ಇದರಿಂದ ವಿಮಾನ ನಿಲ್ದಾಣ ಲೌಂಜ್ ಪ್ರವೇಶ, ಆರೋಗ್ಯ ತಪಾಸಣೆ, ಜಿಮ್ ಸದಸ್ಯತ್ವ, ಸ್ಪಾ ಹಾಗೂ OTT ಸೌಲಭ್ಯಗಳಂತಹ ಅನೇಕ ಲೈಫ್ಸ್ಟೈಲ್ ಪ್ರಯೋಜನಗಳನ್ನು ಪಡೆಯಬಹುದು.
ಬ್ಯಾಂಕಿಂಗ್ ಲಾಭಗಳ ಭಾಗವಾಗಿ, ರಿವರ್ಸ್ ಮಾರ್ಟ್ಗೇಜ್ ಸಾಲದ ಪ್ರೊಸೆಸಿಂಗ್ ಶುಲ್ಕದಲ್ಲಿ 50% ರಿಯಾಯಿತಿ, ಲಾಕರ್ ಬಾಡಿಗೆಯಲ್ಲಿ ಸಡಿಲಿಕೆ, NEFT ಮತ್ತು RTGS ವ್ಯವಹಾರಗಳು ಉಚಿತ ಹಾಗೂ IMPS ವ್ಯವಹಾರಗಳಲ್ಲಿ 50% ರಿಯಾಯಿತಿ ಲಭ್ಯವಿದೆ.
ಈ ಕುರಿತು ಬ್ಯಾಂಕ್ ಆಫ್ ಬರೋಡಾದ ವ್ಯವಸ್ಥಾಪಕ ನಿರ್ದೇಶಕ ಮತ್ತು ಸಿಇಒ ಡಾ. ದೇಬದತ್ತ ಚಂದ್ ಅವರು ಮಾತನಾಡಿ, “ಹಿರಿಯ ನಾಗರಿಕರಿಗೆ ವಿಶೇಷವಾಗಿ ವಿನ್ಯಾಸಗೊಳಿಸಿದ ಸೇವೆಗಳನ್ನು ಒದಗಿಸುವುದು ನಮ್ಮ ಆದ್ಯತೆ. ಈ ಹೊಸ ಖಾತೆಯ ಮೂಲಕ ಆರೋಗ್ಯ, ಬ್ಯಾಂಕಿಂಗ್ ಮತ್ತು ಜೀವನಶೈಲಿ ಸೌಲಭ್ಯಗಳನ್ನು ಒಟ್ಟುಗೂಡಿಸಿ ವಿಭಿನ್ನ ಅನುಭವವನ್ನು ನೀಡಲು ನಾವು ಬದ್ಧರಾಗಿದ್ದೇವೆ” ಎಂದು ತಿಳಿಸಿದ್ದಾರೆ.
ತಿಂಗಳ ಸರಾಸರಿ ಶೇಷ (MAB) ₹1 ಲಕ್ಷವನ್ನು ನಿರ್ವಹಿಸುವ ಹಿರಿಯ ನಾಗರಿಕರಿಗಾಗಿ ಈ ಪ್ರೀಮಿಯಂ ಖಾತೆಯನ್ನು ವಿನ್ಯಾಸಗೊಳಿಸಲಾಗಿದೆ ಎಂದು ಬ್ಯಾಂಕ್ ತಿಳಿಸಿದೆ.