ಕಾರ್ಕಳ : ಕರಾವಳಿಯ ಪ್ರಮುಖ ವಾಣಿಜ್ಯ ಕೇಂದ್ರ ಹಾಗೂ ಧಾರ್ಮಿಕ ನಗರಿ ಎಂದೇ ಪ್ರಸಿದ್ಧಿಯಾಗಿರುವ ಕಾರ್ಕಳದ ಜೋಡುರಸ್ತೆಯಲ್ಲಿ ಗ್ರಾಹಕರಿಗೆ ಹೊಸ ಮಾದರಿಯ ತಂಪು ಪಾನೀಯ ಹಾಗೂ ಐಸ್ಕ್ರೀಮ್ಗಳ ಅನುಭವ ನೀಡಲು ನೂತನ ಎಸಿ ಪಾರ್ಲರ್ ಒಂದು ಆರಂಭಗೊಂಡಿದೆ. ಇಲ್ಲಿನ ಸಹಕಾರ ಸಿಂದೂರ ಕಾಂಪ್ಲೆಕ್ಸ್ನಲ್ಲಿ ‘ಎನ್ಪಿ ಗ್ರೂಪ್ಸ್’ ಸಂಸ್ಥೆಯ ಹೊಸ ಅಂಗಸಂಸ್ಥೆಯಾದ ‘ಎನ್ಪಿ ಚಿಲ್ ಸ್ಟೇಷನ್’ (NP Chill Station) ವಿಧ್ಯುಕ್ತವಾಗಿ ಸಾರ್ವಜನಿಕ ಸೇವೆಗೆ ಸಜ್ಜಾಗಿದೆ.
ಆಧುನಿಕ ಶೈಲಿಯ ಒಳಾಂಗಣ ವಿನ್ಯಾಸದೊಂದಿಗೆ ಸಾರ್ವಜನಿಕರನ್ನು ಆಕರ್ಷಿಸುತ್ತಿರುವ ಈ ಹವಾನಿಯಂತ್ರಿತ ಔಟ್ಲೆಟ್, ಸ್ಥಳೀಯರ ಆಹಾರದ ಅಭಿರುಚಿಗೆ ತಕ್ಕಂತೆ ಜಾಗತಿಕ ಗುಣಮಟ್ಟದ ಉತ್ಪನ್ನಗಳನ್ನು ಉಣಬಡಿಸಲು ಸಿದ್ಧವಾಗಿದೆ. ಎನ್ಪಿ ಗ್ರೂಪ್ಸ್ ಸಂಸ್ಥೆಯ ಮುಖ್ಯಸ್ಥರಾದ ವಾಸುದೇವ ಭಟ್ ಅವರ ಪೋಷಕರಾದ ಲಕ್ಷ್ಮೀ ಭಟ್ ಹಾಗೂ ವಾದಿರಾಜ್ ಭಟ್ ಅವರು ಜಂಟಿಯಾಗಿ ದೀಪ ಬೆಳಗಿಸಿ ಈ ಹೊಸ ಮಳಿಗೆಯನ್ನು ಉದ್ಘಾಟಿಸಿದರು.
ಈ ನೂತನ ಕ್ರೀಮ್ ಪಾರ್ಲರ್ ಕೇವಲ ತಿಂಡಿ-ತಿನಿಸುಗಳಿಗೆ ಸೀಮಿತವಾಗಿರದೇ ಸ್ಥಳೀಯರು ತಮ್ಮ ವಿಶೇಷ ದಿನಗಳನ್ನು ಸಂಭ್ರಮಿಸಲು ಸೂಕ್ತ ವೇದಿಕೆಯನ್ನು ಕಲ್ಪಿಸಿಕೊಟ್ಟಿದೆ. ಮಧ್ಯಮ ಗಾತ್ರದ ಕೌಟುಂಬಿಕ ಕಾರ್ಯಕ್ರಮಗಳು, ಹುಟ್ಟುಹಬ್ಬದ ಆಚರಣೆ ಹಾಗೂ ವಿವಾಹ ವಾರ್ಷಿಕೋತ್ಸವದಂತಹ ಸಣ್ಣ ಸಮಾರಂಭಗಳನ್ನು ಆಯೋಜಿಸಲು ಇಲ್ಲಿ ಅತ್ಯಾಧುನಿಕ ಸೌಕರ್ಯಗಳನ್ನು ಒಳಗೊಂಡ ವಿಶೇಷ ವ್ಯವಸ್ಥೆ ಮಾಡಲಾಗಿದೆ.