15 ವರ್ಷದ ಬಾಲಕಿ ಒಬ್ಬಳು ಯಾವುದೇ ರೀತಿಯ ದೈಹಿಕ ಸಂಪರ್ಕವಿಲ್ಲದೆ ಗರ್ಭ ಧರಿಸಿದ್ದಾಳೆ. ಹೊಟ್ಟೆ ನೋವು ಎಂದು ಆಸ್ಪತ್ರೆಗೆ ಬಂದಾಗ ಈ ವಿಚಾರ ಬಯಲಾಗಿದೆ. ಇದು ಹೇಗೆ ಸಾಧ್ಯ ಎಂದು ವೈದ್ಯರು ಹೇಳುವುದು ಏನೇಂದರೆ 15ರ ಬಾಲಕಿ ಒಬ್ಬಳು ಯಾವುದೇ ಲೈಂಗಿಕ ಅಥವಾ ದೈಹಿಕ ಸಂಪರ್ಕವನ್ನು ಮಾಡದೆ ಗರ್ಭಿಣಿಯಾಗಿದ್ದಾಳೆ. ಇದು ಮಾತ್ರ ಆಶ್ಚರ್ಯದ ವಿಚಾರವಲ್ಲ. ಆಕೆಗೆ ಯೋನಿ ಮಾರ್ಗವೇ ಇರಲಿಲ್ಲ ಎಂಬುದು ವೈದ್ಯರನ್ನು ಮತ್ತಷ್ಟು ಅಚ್ಚರಿಗೀಡು ಮಾಡಿತ್ತು.
ಇಂತಹ ಪರಿಸ್ಥಿತಿಯಲ್ಲೂ ಆಕೆ ಗರ್ಭಧರಿಸಿದ್ದು ಹೇಗೆ ಎಂಬುದು ವೈದ್ಯರನ್ನು ದಂಗಾಗಿಸಿತ್ತು. ದೆಹಲಿಯ ಸಿಕೆ ಬಿರ್ಲಾ ಆಸ್ಪತ್ರೆಯ ಡಾ. ತೃಪ್ತಿ ರಹೇಜಾ ವಿವರಿಸಿರುವಂತೆ, ಗರ್ಭಧಾರಣೆಯಾಗಲು ಪುರುಷನ ವೀರ್ಯಾಣುಗಳು ಸ್ತ್ರೀಯ ಅಂಡಾಣುವನ್ನು ತಲುಪಿ ಫಲವತ್ತಾಗಿಸುವುದು ಅನಿವಾರ್ಯ. ಆದರೆ ವೀರ್ಯಾಣುಗಳು ಕೇವಲ ಜನನಾಂಗದ ಹೊರಭಾಗಕ್ಕೆ ತಗುಲಿದರೂ ಸಹ ಅವು ಯೋನಿ ನಾಳದ ಮೂಲಕ ಒಳಕ್ಕೆ ಚಲಿಸುವ ಸಾಮರ್ಥ್ಯ ಹೊಂದಿರುತ್ತವೆ.
ಸಹಜ ಸಂಪರ್ಕ ಸಂದರ್ಭದಲ್ಲಿ ವೀರ್ಯಾಣುಗಳು ಬೆರಳುಗಳ ಮೂಲಕ ಅಥವಾ ಆಕಸ್ಮಿಕ ಸಂಪರ್ಕದ ಮೂಲಕ ದೇಹದ ಒಳಗೆ ಪ್ರವೇಶಿಸಿ, ಅಲ್ಲಿಂದ ಫಾಲೋಪಿಯನ್ ಟ್ಯೂಬ್ಗಳವರೆಗೆ ಸಂಚರಿಸಿ ಗರ್ಭಧಾರಣೆಗೆ ಕಾರಣವಾಗಬಹುದಂತೆ.ಆದರೆ ಈ 15ರ ಬಾಲಕಿಯ ವಿಚಾರದಲ್ಲಿ ಆಗಿರುವುದೇ ಬೇರೆ. ಈ ಪ್ರಕರಣದ ಹಿನ್ನೆಲೆಯನ್ನು ಕೂಡ ಡಾಕ್ಟರ್ ವಿವರಿಸಿದ್ದಾರೆ .
ಅದೇನೆಂದರೆ ಹೆರಿಗೆಯ ಕೆಲವು ತಿಂಗಳುಗಳ ಹಿಂದೆ ಆ ಬಾಲಕಿಯು ಚಾಕು ಇರಿತದಿಂದ ಹೊಟ್ಟೆಯ ಭಾಗಕ್ಕೆ ತೀವ್ರ ಗಾಯ ಮಾಡಿಕೊಂಡಿದ್ದಳು. ಅದೇ ಸಂದರ್ಭದಲ್ಲಿ ಆಕೆ ಅಸುರಕ್ಷಿತ ಲೈಂಗಿಕ ಚಟುವಟಿಕೆಯಲ್ಲಿ ತೊಡಗಿದ್ದಾಗ, ವೀರ್ಯಾಣುಗಳು ಆ ಚಾಕುವಿನ ಗಾಯದ ಮೂಲಕ ನೇರವಾಗಿ ಕಿಬ್ಬೊಟ್ಟೆಯ ಒಳಭಾಗಕ್ಕೆ ಪ್ರವೇಶಿಸಿರಬಹುದು. ಇದು ಅತ್ಯಂತ ಅಪರೂಪದ ಸನ್ನಿವೇಶವಾಗಿದ್ದು, ವೈದ್ಯಕೀಯ ಇತಿಹಾಸದಲ್ಲಿ ಇಂತಹ ಘಟನೆಗಳು ಕೋಟಿಯಲ್ಲಿ ಒಂದರಂತೆ ದಾಖಲಾಗುತ್ತವೆ ಎಂದಿದ್ದಾರೆ.