ಜೂನ್ 30ರೊಳಗೆ ನಿಮ್ಮ ಸೃಜನಶೀಲ ಬರಹಗಳನ್ನು ಕಳುಹಿಸಲು ಆಹ್ವಾನ
ಕನ್ನಡ ಸಾಹಿತ್ಯದ ಸೃಜನಶೀಲತೆಯ ಮೂಲಕ ಸಮಾಜದಲ್ಲಿ ಆರೋಗ್ಯ ಮತ್ತು ಸ್ವಾಸ್ಥ್ಯದ ಕುರಿತು ಜಾಗೃತಿ ಮೂಡಿಸಲು ‘ಕರ್ನಾಟಕ ಆರೋಗ್ಯ ಸಾಹಿತ್ಯ ಪರಿಷತ್’ ಹಾಗೂ ‘ಬೆಂಗಳೂರು ಹೆಲ್ತ್ ಫೌಂಡೇಶನ್’ ಜಂಟಿಯಾಗಿ ಮಹತ್ವದ ಹೆಜ್ಜೆಯಿಟ್ಟಿವೆ.
2026ನೇ ಸಾಲಿನ “ಆರೋಗ್ಯ ಜಾಗೃತಿಗಾಗಿ ರಾಜ್ಯ ಮಟ್ಟದ ಕವನ ಮತ್ತು ಕಥಾ ಸ್ಪರ್ಧೆ”ಯನ್ನು ಆಯೋಜಿಸಲಾಗಿದ್ದು, ಇದಕ್ಕೆ ‘ವೈದ್ಯಲೋಕ’ ಆರೋಗ್ಯ ಮಾಸಪತ್ರಿಕೆ, ‘ಮೀಡಿಯಾ ಐಕಾನ್’ ಹಾಗೂ ‘ವೈದೇಹಿ ಆಸ್ಪತ್ರೆ’ ಸಹಯೋಗ ನೀಡಿವೆ.
ಆರೋಗ್ಯ ಕ್ಷೇತ್ರ ಮತ್ತು ಸಾಹಿತ್ಯವನ್ನು ಜೋಡಿಸುವ ಈ ವಿಶಿಷ್ಟ ಪ್ರಯತ್ನವು ಸಾರ್ವಜನಿಕರಲ್ಲಿ ಆರೋಗ್ಯ ಪ್ರಜ್ಞೆಯನ್ನು ಹೆಚ್ಚಿಸುವ ಉದ್ದೇಶವನ್ನು ಹೊಂದಿದೆ.
ಸ್ಪರ್ಧೆಯ ವಿವರಗಳು-
ಈ ಅಪೂರ್ವ ಸ್ಪರ್ಧೆಯನ್ನು ಒಟ್ಟು ಮೂರು ಪ್ರತ್ಯೇಕ ವಿಭಾಗಗಳಲ್ಲಿ ಆಯೋಜಿಸಲಾಗಿದೆ. ಸಾರ್ವಜನಿಕರು, ವೈದ್ಯರು ಹಾಗೂ ಆರೋಗ್ಯ ವೃತ್ತಿಪರರು, ಮತ್ತು ವೈದ್ಯಕೀಯ ವಿದ್ಯಾರ್ಥಿಗಳು. ಆರೋಗ್ಯ ಮತ್ತು ಸ್ವಾಸ್ಥ್ಯ (Health & Wellness) ವಿಷಯದ ಮೇಲೆ ಸ್ಪರ್ಧಿಗಳು ತಮ್ಮ ಕಥೆ ಅಥವಾ ಕವನಗಳನ್ನು ಬರೆದು ಕಳುಹಿಸಬಹುದಾಗಿದೆ.
ವಿಜೇತರಿಗೆ ಆಕರ್ಷಕ ಪ್ರಶಸ್ತಿ, ಬಹುಮಾನ ಹಾಗೂ ಪ್ರಮಾಣಪತ್ರಗಳನ್ನು ನೀಡಲಾಗುವುದು. ಅಷ್ಟೇ ಅಲ್ಲದೆ, ಸ್ಪರ್ಧೆಯಲ್ಲಿ ಭಾಗವಹಿಸುವ ಪ್ರತಿಯೊಬ್ಬರಿಗೂ ಪ್ರಮಾಣಪತ್ರ ನೀಡಲಾಗುತ್ತದೆಯಲ್ಲದೆ, ಅತ್ಯುತ್ತಮ ಬರಹಗಳನ್ನು ‘ವೈದ್ಯಲೋಕ’ ಮಾಸಪತ್ರಿಕೆ ಮತ್ತು ವೆಬ್ಸೈಟ್ನಲ್ಲಿ ಪ್ರಕಟಿಸಿ, ಲೇಖಕರಿಗೆ ಸೂಕ್ತ ವೇದಿಕೆ ಕಲ್ಪಿಸಲಾಗುವುದು.
ಜುಲೈ ತಿಂಗಳಲ್ಲಿ ಬೆಂಗಳೂರಿನ ಡಿಕನ್ಸನ್ ರಸ್ತೆಯ ಮಣಿಪಾಲ್ ಸೆಂಟರ್ನಲ್ಲಿ ‘ಮುಳಿಯ ಜುವೆಲ್ಲರ್ಸ್’ ಪ್ರಾಯೋಜಕತ್ವದಲ್ಲಿ ಬಹುಮಾನ ವಿತರಣಾ ಸಮಾರಂಭ ನಡೆಯಲಿದೆ.
”ನಿಮ್ಮ ಪದಗಳು ಆರೋಗ್ಯಕರ ಭವಿಷ್ಯಕ್ಕೆ ಪ್ರೇರಣೆಯಾಗಲಿ!” ಎಂಬ ಆಶಯದೊಂದಿಗೆ, ನಿಮ್ಮಲ್ಲಿರುವ ಸೃಜನಶೀಲ ಬರವಣಿಗೆಯ ಮೂಲಕ ಸಮಾಜದಲ್ಲಿ ಸಕಾರಾತ್ಮಕ ಬದಲಾವಣೆ ತರಲು ಇದೊಂದು ಸುವರ್ಣ ಅವಕಾಶ. ಆಸಕ್ತರು ತಮ್ಮ ಬರಹಗಳನ್ನು ಕಳುಹಿಸಲು ಜೂನ್ 30, 2026 ಕೊನೆಯ ದಿನಾಂಕವಾಗಿದೆ. ನಿಮ್ಮ ಕಥೆ-ಕವನಗಳನ್ನು mediaicon@ymail.com ಇಮೇಲ್ ಅಥವಾ 81975 54373 ವಾಟ್ಸಪ್ ಸಂಖ್ಯೆಗೆ ಕಳುಹಿಸಬಹುದು. ಹೆಚ್ಚಿನ ಮಾಹಿತಿಗಾಗಿ ಶ್ರೀ ಕೃಷ್ಣ ಎಂ (81975 54373) ಅಥವಾ ಎನ್.ವಿ. ರಮೇಶ್ (98455 65238) ಅವರನ್ನು ಸಂಪರ್ಕಿಸಬಹುದಾಗಿದೆ. ನಿಮ್ಮ ಲೇಖನಿಗೆ ಜಾಗೃತಿಯ ಶಕ್ತಿ ತುಂಬಿ, ಇಂದೇ ಭಾಗವಹಿಸಿ!
ವರದಿ : ಮಂದಾರ ರಾಜೇಶ್ ಭಟ್